(ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ກ່າວຄຳເຫັນທີ່ກອງປະຊຸມ)

ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ແມ່ນສູນໃຫຍ່ກ່ຽວກັບການປູກເຂົ້າສານ, ໝາກໄມ້, ປູກລ້ຽງ ແລະ ປຸງແຕ່ງສິນໃນນ້ຳ, ປະກອບສ່ວນຢ່າງໃຫຍ່ຫຼວງເຂົ້າໃນການສົ່ງອອກຜະລິດຕະພັນກະເສດ, ເຄື່ອງປ່າຂອງດົງ ແລະ ສິນໃນນ້້ຳຂອງຫວຽດນາມ. ເຖິງຢ່າງໃດກໍ່ຕາມ, ນີ້ກໍ່ແມ່ນເຂດທີ່ປະເຊີນໜ້າກັບສິ່ງທ້າທາຍໃຫຍ່ຫຼວງຫຼາຍຢ່າງ, ໃນນັ້ນມີການປ່ຽນແປງຂອງດິນຟ້າອາກາດ, ເຊື່ອມຕໍ່ເຂດເພື່ອພັດທະນາ. ທີ່ກອງປະຊຸມຊຸກຍູ້ການພັດທະນາກະສິກຳເຂດທົ່ງພຽງແມ່ນນ້ຳຂອງທາງພາກໃຕ້ ຫວຽດນາມ ແບບຍືນຍົງ ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ ເຊິ່ງດຳເນີນໃນທ້າຍອາທິດຜ່ານມາ, ຢູ່ແຂວງ ກຽນຢາງ, ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ ແລະ ບັນດາຜູ້ແທນໄດ້ບັນດາຄຳຄິດເຫັນເພື່ອຂຸດຄົ້ນບັນດາຄວາມສາມາດບົ່ມຊ້ອນຂອງແຂງ.

ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ລວມມີ 13 ແຂວງ, ນະຄອນທີ່ມີຄວາມສາມາດບົ່ມຊ້ອນແຕກຕ່າງກັນ, ມີກາລະໂອກາດພົ້ນເດັ່ນ ແລະ ທ່າແຮງແກ່ງແຍ້ງ ດ້ວຍເນື້ອທີ່ທຳມະຊາດເກືອບ 4 ລ້ານ ກິໂລຕາແມັດ, ກວມເອົາ 12,2% ເນື້ອທີ່ຂອງທັງປະເທດ ແລະ ກວມເອົາ 19% ຈຳນວນພົນລະເມືອງຂອງ ຫວຽດນາມ. ເຂດນີ້ໄດ້ນຳໜ້າໃນທົ່ວປະເທດກ່ຽວກັບປະລິມານເຂົ້າສານ, ປາຈາ ແລະ ໝາກໄມ້. ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ພວມຢືນຢູ່ຕໍ່ໜ້າການຫັນປ່ຽນ “ຈາກຈິນຕະນາການຜະລິດກະສິກຳ” ໄປສູ່ “ຈິນຕະນາການເສດຖະກິດກະສິກຳ” ເພື່ອຊຸກຍູ້ເຂດດິນແດນທີ່ມີຄວາມສາມາດບົ່ມຊ້ອນຫຼາຍຢ່າງນີ້ໃຫ້ພັດທະນາ.

ຈິນຕະນາການບຸກທະລຸ

ພັດທະນາກະສິກຳຊີວະພາບບັນລຸປະສິດທິຜົນສູງ, ຊົນນະບົດທັນສະໄໝ ແມ່ນຄວາມຮຽກຮ້ອງສຳຄັນໃນການພັດທະນາເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ. ໃນນັ້ນ, ຕິດພັນຢ່າງແໜ້ນແຟ້ນລະຫວ່າງກະສິກຳ, ອຸດສາຫະກຳ, ການບໍລິການ, ເອົາແຫຼ່ງທຶນຂອງລັດເພື່ອນຳພາ, ລະດົມທຸກແຫຼ່ງກຳລັງໃຫ້ແກ່ການພັດທະນາ.

ກ່ຽວກັບດ້ານພື້ນຖານໂຄງລ່າງ, ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ແມ່ນເຂດມີທ່າແຮງດ້ານຄົມມະນາຄົມທາງນ້ຳ, ທາງທະເລ ແຕ່ຍັງບໍ່ທັນໄດ້ຮັບການຂຸດຄົ້ນ. ຍ້ອນເຫດນັ້ນ, ບັນດາທ້ອງຖິ່ນໃນເຂດສືບຕໍ່ພັດທະນາລະບົບເສັ້ນທາງຄວາມໄວສູງ ແລະ ຂຸດຄົ້ນທ່າແຮງຄົມມະນາຄົມທາງນ້ຳ; ພັດທະນາພື້ນຖານໂຄງລ່າງເພື່ອຮັບມືກັບການປ່ຽນແປງຂອງດິນຟ້າອາກາດ, ພື້ນຖານໂຄງລ່າງຫັນປ່ຽນພະລັງງານ ໃນສະພາບທີ່ເຂດມີຄວາມສາມາດບົ່ມຊ້ອນຢ່າງໃຫຍ່ຫຼວງກ່ຽວກັບແສງຕາເວັນ ແລະ ແຮງລົມ… ທ່ານນາຍົກລັດຖະມົນຕີ ຫວຽດນາມ ຟ້າມມິນຈິງ, ເນັ້ນໜັກວ່າ:

“ພື້ນຖານໂຄງລ່າງສຸມໃສ່ບັນດາພື້ນຖານໂຄງລ່າງຍຸດທະສາດ. ທີໜຶ່ງແມ່ນຄົມມະນາຄົມ, ປະຈຸບັນ ລວມທັງຄົມມະນາຄົມທາງບົກ, ທາງລົດໄຟ, ທາງການບິນ. ພວກເຮົາສາມາດຍູ້ແຮງຄົມມະນາຄົມທາງນ້ຳ, ທາງທະເລທີ່ຍັງບໍ່ທັນຂຸດຄົ້ນໄດ້. ແລະພວກເຮົາຕ້ອງພັດທະນາເສັ້ນທາງຄວາມໄວສູງ, ເສັ້ນທາງແຄມທະເລ. ຕ້ອງຫັນແຫຼ່ງພະລັງງານເປັນສີຂຽວຢ່າງເດັດຂາດ, ຍ້ອນມີຜະລິດຕະພັນປອດສານພິດແລ້ວ”.

ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເລມິນຮວານ (ພາບ: TTXVN)

ເຊື່ອມຕໍ່ບັນດາແຫຼ່ງກຳລັງ

ຕາມທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເລມິນຮວານ ແລ້ວ, ການເຊື່ອມຕໍ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ບໍ່ແມ່ນເລກບວກກ່ຽວກັບດ້ານພົນລະເມືອງ, ເນື້ອທີ່, ແຫຼ່ງກຳລັງເປັນຮູບປະທຳຂອງ 13 ແຂວງ, ນະຄອນ.

ເພື່ອສ້າງໄມ້ງັດໃຫ້ແກ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໃຫ້ພັດທະນານັ້ນ, ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ຈະໜູນຊ່ວຍການປະສານງານກ່ຽວກັບການວາງແຜນກຳນົດການຜະລິດ, ຫັນເຂດວັດຖຸດິບເປັນມາດຕະຖານ; ເຊື່ອມຕໍ່ວິສາຫະກິດລົງທຶນເຂົ້າໃນຂົງເຂດອຸດສາຫະກຳເຕັກໂນໂລຊີສູງ, ປຸງແຕ່ງ; ເຊື່ອມຕໍ່ຂະແໜງສິນຄ້າ, ໜູນຊ່ວຍຍົກສູງຄຸນນະພາບສະຫະກອນ, ສ້າງການຮ່ວມສຳພັນລະຫວ່າງການຜະລິດ ແລະ ຈຳໜ່າຍ; ປະສານງານການເຄື່ອນໄຫວບັນດາກິດຈະກຳຊົນລະປະທານ ຮັບປະກັບທັງລະບົບໃຫ້ຄົບຊຸດ; ຊຸກຍູ້ການຫັນກະສິກຳລະດັບເຂດເປັນດີຈີຕອນ.

ປະຈຸບັນ, ກະຊວງກະສິກຳ ແລະ ຊົນນະບົດ ຫວຽດນາມ ພວມຕັ້ງໜ້າເຈລະຈາ, ຮຽກຮ້ອງບັນດາໂຄງການລົງທຶນພື້ນຖານໂຄງລ່າງ logistics ດ້ານກະສິກຳ, ຊົນນະບົດ, ໃນນັ້ນມີລະບົບສາງເກັບມ້ຽນເຄື່ອງແຊ່ເຢັນເພື່ອເກັບຮັກສາຜະລິດຕະພັນກະເສດລະຫວ່າງເມືອງ, ລະຫວ່າງແຂວງລຽບຕາມແມ່ນຳ້ ເຮົ້າ ແລະ ແມ່ນ້ຳ ຕຽນ.

ທີ່ກອງປະຊຸມ ຊຸກຍູ້ການພັດທະນາກະສິກຳເຂດທົ່ງພຽງແມ່ນນ້ຳຂອງພາກພາກໃຕ້ ຫວຽດນາມ ແບບຍືນຍົງ ເປັນເຈົ້າການຮັບມືກັບການປ່ຽນແປງຂອງດິນຟ້າອາກາດ, ກະຊວງກະສິກຳ ແລະ ພັດທະນາຊົນນະບົດ, ພ້ອມກັບຄະນະກຳມະການປະຊາຊົນບັນດາແຂວງ, ນະຄອນຢູ່ ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ໄດ້ລົງນາມໂຄງການສົມທົບກັນກ່ຽວກັບການພັດທະນາກະສິກຳ, ຊົນນະບົດໃນໄລຍະຈະມາເຖິງ.

ຮອດປີ 2025, ພ້ອມກັບລະບົບພື້ນຖານໂຄງລ່າງຄົມມະນາຄົມ, ພື້ນຖານໂຄງລ່າງດ້ານກະສິກຳ, ພື້ນຖານໂຄງລ່າງສັງຄົມ, ການສຶກສາ, ແຫຼ່ງຊັບພະຍາກອນມະນຸດ, ຈິນຕະນາການຮ່ວມສຳພັນເຂດ ຈະຕັດສິນການພັດທະນາແບບຍືນຍົງໃຫ້ແກ່ເຂດທົ່ງພຽງນີ້. ໃນຄາວນັ້ນ, ແຕ່ລະທ້ອງຖິ່ນ, ດ້ວຍເງື່ອນໄຂ, ທ່າແຮງພິເສດສະເພາະ ຈະເປັນເຈົ້າການປະກອບສ່ວນຢ່າງກົມກຽວເຂົ້າໃນພື້ນຖານເສດຖະກິດລວມ. ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ ຈະກາຍເປັນໂຄງສ້າງເສດຖະກິດຢ່າງສົມບູນ, ເຄື່ອນໄຫວຢ່າງມີໄຫວພິບ, ຂະຫຍັນຂັນເຄື່ອນ, ປະກອບສ່ວນສຳຄັນເຂົ້າໃນການພັດທະນາແບບຍືນຍົງຂອງພື້ນຖານເສດຖະກິດ ຫວຽດນາມ.