ໄພກໍ່ການຮ້າຍໄດ້ສ້າງຮົ້ວກີດຂວາງລະຫວ່າງ ອາເມລິກາ ແລະ ໂລກອາຣັບ

Anh huyen -

ວັນພະຫັດ ທີ 13 ກັນຍາ ຄ.ສ. 2012 | 21:46:04

( vovworld ) –ວັນທີ 12/9, ທ່ານ Chris Stevens ເອກອັກຄະລັດຖະທູດອາເມລິກາ ປະຈຳລີບີ ພ້ອມກັບພາລະກອນ 3 ທ່ານໄດ້ເສຍຊີວິດໃນການບຸກໂຈມຕີແນ່ໃສ່ກົງສູນອາເມລິກາ. ເຫດການຈະລາຈົນດັ່ງກ່າວໄດ້ເລີ່ມຈາກຟິມຮູບເງົາເລື່ອງ 1 ໂດຍຊາວອາເມລິກາ ເຊື້ອຊາດອິດສະຣາແອນ ຜູ້ 1 ຜະລິດ ຊື່ງຖືກຖືວ່າໄດ້ແຕະຕ້ອງເຖິງກຽດສັກສີສາດສະໜາອິດສະລາມ ແລະ ນັກໂຫລະສາດ Mohamad ຢ່າງຮ້າຍແຮງ. ຢູ່ອີຢີບ, ການແຫ່ຂະບວນປະທ້ວງຄັດຄ້ານຟິມຮູບເງົາດັ່ງກ່າວກໍ່ກາຍເປັນການໃຊ້ຄວາມຮຸນແຮງຂະນະທີ່ຜູ້ແຫ່ຂະບວນປະທ້ວງນັບພັນຄົນໄດ້ຈີກທຸງຢູ່ສະຖານທູດອາເມລິກາ. ໜ້າສົນໃຈນັ້ນແມ່ນ, ບັນດາການຈະລາຈົນໄດ້ເກີດຂຶ້ນກົງກັບຈຸດເວລາເກີດເຫດການກໍ່ການຮ້າຍທີ 11/9 ຄົບຮອບ 11 ປີ ອັນໄດ້ເຮັດໃຫ້ຂໍ້ຂັດແຍ້ງລະຫວ່າງອາເມລິກາ ແລະ ຝ່າຍຕາເວັນຕົກກັບໂລກອາຣັບທີ່ຮ້າຍແຮງທີ່ສຸດໃນຫຼາຍທົດສະວັດຜ່ານມາຍິ່ງຮ້າຍແຮງຂຶ້ນຕື່ມ

ໄພກໍ່ການຮ້າຍໄດ້ສ້າງຮົ້ວກີດຂວາງລະຫວ່າງ ອາເມລິກາ ແລະ ໂລກອາຣັບ - ảnh 1

ລັດຖະມົນຕີການຕ່າງປະເທດອາເມລິກາ Hillary Clinton ຈັບມື ເອກອັກຄະລັດຖະທູດ ລີບີ Ali Suleiman Aujali, ຢູ່ວໍຊິງຕັນ ເມື່ອວັນທີ 12/9 (ພາບ : Reuters)

ຟິມຮູບເງົາທີ່ມີຄວາມຍາວ 13 ນາທີດ້ວຍຫົວເລື່ອງ “ປະຊຸມສານພິພາກສາ Mohamad“ ຊື່ງຄາດວ່າໄດ້ສາຍໃນໂອກາດລະນຶກ 11 ປີແຫ່ງວັນເກີດການບຸກໂຈມຕີກໍ່ການຮ້າຍທີ 11/9 ຢູ່ອາເມລິກາ. ໃນທັນທີ, ຟິມຮູບເງົາເລື່ອງດັ່ງກ່າວໄດ້ຮັບການຄັດຄ້ານຢ່າງແຮງໃນປະຊາຄົມມຸດສະລິມຢູ່ຫຼາຍປະເທດ. ຢູ່ອີຢີບ, ມີປະມານ 2000 ຄົນໄດ້ເຕົ້າໂຮມຢູ່ນອກສະຖານທູດອາເມລິກາ ປະຈຳນະຄອນຫຼວງກາຍໂຣ. ບັນດາຜູ້ແຫ່ຂະບວນປະທ້ວງໄດ້ປີນກຳແພງຂອງສະຖານທູດ, ຈີກທຸງອາເມລິກາ ແລະ ແທນດ້ວຍທຸງອິດສະລາມສີດຳ. ທ່ານ Ahmed Khalil ການນຳຂັ້ນສູງຂອງພັກ Salafist Nour ຜູ້ສວມບົດບາດສຳຄັນຍິ່ງໃນການແຫ່ຂະບວນປະທ້ວງໃຫ້ຮູ້ວ່າ, ພັກນີ້ໄດ້ຝາກຄຳຮຽກຮ້ອງໄປຍັງສະຖານທູດອາເມລິກາ, ຮຽກຮ້ອງໃຫ້ລັດຖະບານອາເມລິກາ, ຫ້າມສາຍຟິມຮູບເງົາເລື່ອງດັ່ງກ່າວ ແລະ ຕ້ອງມີຄຳຂໍໂທດເປັນທາງການ. ລັດຖະບານໄດ້ຮຽກຮ້ອງໃຫ້ປະຊາຊົນອີຢີບ ຈົ່ງລະງັບໃຈ ແຕ່ອົງການອ້າຍນ້ອງມຸດສະລິມທີ່ມີສິດອຳນາດຢູ່ປະເທດນີ້ ພັດເດັດດ່ຽວຮຽກຮ້ອງໃຫ້ຈັດການແຫ່ຂະບວນປະທ້ວງໃນທົ່ວປະເທດ. ສ່ວນຢູ່ລີບີ, ລະດັບການຈະລາຈົນພັດຫນັກໜ່ວງກ່ວາ ຂະນະທີ່ມີຫຼາຍຄົນໄດ້ປິດລ້ອມ, ທຳລາຍສະຖານທູດອາເມລິກາ ຢູ່ນະຄອນ Benghazi ແລະ ກຳລັງປະກອບອາວຸດຈຳນວນ 1 ໄດ້ບຸກໂຈມຕີໃສ່ສະຖານທູດ ຊື່ງໄດ້ເຮັດໃຫ້ທ່ານເອກອັກຄະລັດຖະທູດອາເມລິກາ ແລະ ພາລະກອນອີກ 3 ທ່ານເສຍຊີວິດ. ໃນການກະທຳເພື່ອແນໃສ່ເຮັດໃຫ້ສະພາບການເຄັ່ງຕຶງຖືກຜ່ອນຄາຍລົງ, ສະຖານທູດອາເມລິກາ ໄດ້ກ່າວປະນາມ “ບຸກຄົນຈຳນວນ 1 ໄດ້ກໍ່ຄວາມເສຍຫາຍດ້ານການເຫຼື້ອມໃສສຳລັບຊາວມຸດສະລິມ“ ໂດຍເຈດຕະນາ. ປະທານາທິບໍດີອາເມລິກາ B.Obama ກໍ່ໄດ້ກ່າວປະນາມເຫດການບຸກໂຈມຕີຢ່າງຮ້າຍແຮງ, ເຖິງວ່າໄດ້ “ຄັດຄ້ານທຸກການກະທຳແຕະຕ້ອງເຖິງກຽດສັກສີຂອງສາສະໜາ“, ສ່ວນອີຢູ ແລະ ນາໂຕ ກໍ່ໄດ້ຮຽກຮ້ອງໃຫ້ລີບີ ຈົ່ງດຳເນີນການສືບສວນເຫດການດັ່ງກ່າວໂດຍໄວ ກໍ່ຄືເພີ່ມທະວີການປົກປັກຮັກສາວົງການນັກການທູດປະເທດຕ່າງໆ. ໃນການຕອບຄືນ, ທ່ານປະທານສະພາແຫ່ງຊາດລີບີ Mohamed al Megaryef ໄດ້ຝາກຄຳຂໍໂທດໄປຍັງ “ປະຊາຊົນອາເມລິກາ ແລະ ທົ່ວໂລກ“.

ນີ້ບໍ່ແມ່ນຄັ້ງທຳອິດທີ່ເລື່ອງແຕະຕ້ອງເຖະງນັກໂຫລະສາດ Mohamad ແມ່ນຂໍ້ອ້າງອີງເພື່ອໃຫ້ຊາວມຸດສະລິມທີ່ມີຄວາມອາຄາດບາດໝາງໃຊ້ເປັນອາວຸດເພື່ອປະຕິບັດບັນດາການກະທຳແກ້ແຄ້ນ. ສຳລັບຊາວມຸດສະລິມແລ້ວ, ບໍ່ວ່າການພັນລະນາໃດໆທີ່ກ່ຽວຂ້ອງເຖິງນັກໂຫລະສາດ Mohamad ລ້ວນແຕ່ຖືກຖືວ່າແມ່ນການກະທຳແຕະຕ້ອງ. ເມື່ອປີ 2010, ໂລກໄດ້ເຫັນປະຈັກຕາຄວາມໂກດແຄ້ນຂອງຊາວມຸດສະລິມຂະນະທີ່ຫຼວງພໍ່ອາເມລິກາ ທ່ານ 1 ຢູ່ລັດ Florida ໄດ້ຈູດເຜົາຄຳພີໂກຣານ. ບັນດາການແຫ່ຂະບວນປະທ້ວງອັນນອງເລືອດໄດ້ເກີດຂຶ້ນຫຼັງຈາກນັ້ນແນ່ໃສ່ກຳລັງ ສປຊ ແລະ ນາໂຕ ຢູ່ອາບການີສະຖານ ໄດ້ເຮັດໃຫ້ຊາວຕ່າງປະເທດຫຼາຍຄົນເສຍຊີວິດ ແລະ ກະແສຟອງຄັດຄ້ານອາເມລິກາ ແລະ ຝ່າຍຕາເວັນຕົກຂອງຊາວ ມຸດສະລິມ ໄດ້ເກີດຂຶ້ນຢູ່ທົ່ວທຸກແຫ່ງໃນໂລກ.

ໃນຫຼາຍທົດສະວັດທີ່ຜ່ານມາ, ການປະທະກັນ ແລະ ພິເສດແມ່ນໄພກໍ່ການຮ້າຍ ໄດ້ກໍ່ຮົ້ວກິດຂວາງລະຫວ່າງອາເມລິກາ ແລະ ໂລກອາຣັບ. ການສູ້ຮົບຕ້ານ ໄພກໍ່ການຮ້າຍໄດ້ຖືກປຸກລະດົມພາຍຫຼັງເຫດການວັນທີ 11/9/2001 ອັນໄດ້ເປັນການປຸກລຸກນ້ຳໃຈຕ້ານອາເມລິກາໃນ ໂລກອາຣັບນັບມື້ນັບສູງຂຶ້ນ. ຫຼາຍປະເທດຄື ອີຣານ, ອີຣັກ, ຊີຣີ, ເຢແມນ ລ້ອນແຕ່ຖືກ ອາເມລິກາຈັດເຂົ້າກຸ່ມເປົ້າໝາຍໜູນຫຼັງພວກກໍ່ການຮ້າຍ. ການສູ້ຮົບຕ້ານ ໄພກໍ່ການຮ້າຍໂດຍ ອາເມລິກາລິເລີ່ມນັ້ນ, ໃນປະຈຸບັນໄດ້ແຜ່ລາມອອກສູ່ຂອບເຂດທົ່ວໂລກ ແລະ ບັນດາເຫດການກບຸກໂຈມຕີແບບກໍ່ການຮ້າຍໄດ້ເກີດຂຶ້ນຢູ່ທຸກແຫ່ງໃນທົ່ວໂລກ. 11 ປີ ພາຍຫຼັງເຫດການວັນທີ 11/9, ເຖິງວ່າໄດ້ດັບສູນຫົວໂປເຄືອຂ່າຍກໍ່ການຮ້າຍອານກິດາ Osama Bin Laden , ເຮັດໃຫ້ເຄືອຂ່າຍກໍ່ການຮ້າຍນີ້ອ່ອນເພຍລົງ ແລະ ບັນຫາປະຊາທິປະໄຕໄດ້ເລີ່ມປະຕິບັດໃນໂລກອາຣັບຍ້ອນການປິຕິວັດລະດູບານໃໝ່ອາຣັບກໍຕາມ, ແຕ່ອາເມລິກາໄດ້ການເປັນເປົ້າໝາຍເບີ 1 ເພື່ອດຳເນີນການບຸກໂຈມຕີແບບກໍ່ການຮ້າຍຂອງລັດທິອາຣັບຫົວຮຸນແຮງ. ດ້ວຍການແຊກແຊງທາງດ້ານການທະຫານເຂົ້າບັນຫາອາການິສະຖານ, ອີຣັກນັ້ນ, ອາເມລິກາຍັງຄົງຖືກຖືວ່າແມ່ນຍາມໃດກໍຫວັງຊອກຫາວິທີທາງເພື່ອທຳລາຍໂລກອາຣັບຢ່າງປິດລັບ. ຄວາມໂກດແຄ້ນສຳລັບຊາວອາເມລິກາ ກໍໄດ້ຫັນໂລກອາຣັບກາຍເປັນສະພາບແວດລ້ອມທີ່ສະດວກເພື່ອຊ່ວຍບັນດາກຸ່ມກໍ່ການຮ້າຍເຄື່ອນໄຫວຢ່າງແຂງແຮງກ່ວາເກົ່າ.

ໂດຍບໍ່ອາດປະຕິເສດໄດ້, ນັບແຕ່ເຂົ້າດຳລົງຕຳແໜ່ງເປັນປະທານາທິບໍດີອາເມລິກາເມື່ອເດືອນ 1/2009, ທ່ານ Barac Obama ໄດ້ສະແດງເຈດຕະນາດີຂອງຕົນມາຫຼາຍຄັ້ງໃນການຊອກຫາສັນຕິພາບກັບໂລກອາຣັບ. ແຕ່ ບັນດາຄວາມມານະພະຍາຍາມແກ້ໄຂການພົວພັນລະຫວ່າງອາເມລິກາ ແລະ ໂລກອາຣັບ ຂອງ ທ່ານ Barac Obama ຍັງບໍ່ທັນບັນລຸໝາກຜົນດີປານໃດ. ເພາະວ່າຢູ່ພາຍໃນປະເທດ ອາເມລິກາເອງ, ກໍຍັງຄົງຖືກແບ່ງແຍກຍ້ອນບັນຫານີ້ ແລະ ບັນດາຜົນພາຍຫຼັງຈາກນະໂຍບາຍຂອງປະທານາທິບໍດີສະໄໝກ່ອນ.

ເປັນທີ່ຈະແຈ້ງແລ້ວວ່າ , ຖ້າມີຄວາມຜິດນ້ອຍໜຶ່ງ ກໍຈະປຽບເໝືອນການຖອກນ້ຳມັນໃສ່ແປວໄຟແຫ່ງຄວາມຂັດແຍ້ງກັນຢ່າງຮ້າຍແຮງຍ້ອນຄວາມອາຄາດບາດໝາງທີ່ແກ່ຍາວໃນອະດີດຕະການ ແລະ ຂາດຄວາມເຊື່ອໝັ້ນຕໍ່ກັນ, ເຮັດໃຫ້ທຸກຄວາມມານະພະຍາຍາມແກ້ໄຂການພົວພັນລະຫວ່າງອາເມລິກາ ແລະ ຝ່າຍຕາເວັນຕົກກັບໂລກອາຣັບຖືກພັງທະລາຍ. ເພື່ອກ້າວໄປເຖິງການໄກ່ເກ່ຍກັບ ໂລກອາຣັບ, ປະທານາທິບໍດີ Barac Obama ເວົ້າສະເພາະ ແລະ ອາເມລິກາເວົ້າລວມ ຕ້ອງກ້າວເດີນຜ່ານໄລຍະທາງທີ່ຍາວໄກສົມຄວນ ຊຶ່ງເຕັມໄປດ້ວຍຄວາມທົດສອບກ່ຽວກັບຄວາມເຊື່ອໝັ້ນ, ຄວາມມານະພະຍາຍາມ, ຄວາມອົດທົນ ແລະ ຄວາມເຫັນອົກເຫັນໃຈຕໍ່ກັນ. ທ່ານ Barac Obama ຕ້ອງເຮັດຫຼາຍກ່ວາທຸກສິ່ງທີ່ທ່ານໄດ້ໝັ້ນໝາຍ ແລະ ປະຕິບັດ. ແຕ່ນີ້ແມ່ນໜ້າທີ່ບໍ່ງ່າຍດາຍ, ຂະນະທີ່ໃກ້ຈະຮອດການເລືອກຕັ້ງປະທານາທິບໍດີອາເມລິກາ ອັນໄດ້ເຮັດໃຫ້ທ່ານ Barac Obama ຢືນຢູ່ຕໍ່ໜ້າຄວາມດັນຫຼາຍຢ່າງ.

Anh huyen