(vovworld)- ໂດຍໄດ້ຕັ້ງຊື່ວ່າ: ບັນດານັກການທູດຫນຸ່ມນະຄອນຫລວງ”, ບັນດາສະມາຊິກຂອງສະໂມສອນ Hanoikids ສ່ວນຫລາຍແມ່ນບັນດານັກສຶກສາໄດ້ຮັບຄວາມຮັກແພງຈາກນັກທ່ອງທ່ຽວສາກົນເມື່ອມາຢ້ຽມຢາມ ຮ່າໂນ້ຍ. ດ້ວຍທິດນຳ “No tips, no charge” ສະໂມສອນ Hanoikids ໄດ້ແນະນຳໃຫ້ນັກທ່ອງທ່ຽວຕ່າງປະເທດມາຢ້ຽມຢາມນະຄອນຫລວງຮ່າໂນ້ຍ 7000 ລາຍການ.
.jpg)
ບັນດາສະມາຊິກໃມສະໂມສອນHanoikids
ພາບ:huongdanvien.vn
|
ປີ 2006, ສະໂມສອນ Hanoikids ຖືກສ້າງຕັ້ງຂຶ້ນ, ດ້ວຍສະມາຊິກ, ເຊິ່ງແມ່ນນັກສຶກສາໜຸ່ມ 20 ຄົນ, ແຕ່ລະມື້ພວກເພື່ອນຫນຸ່ມເຄີຍຊອກນັກທ່ອງທ່ຽວຕ່າງປະເທດທີ່ຍ່າງເລາະຫລິ້ນຢູ່ອ້ອມຫນອງ ໂຮ່ເກືອມ ເພື່ອໂອ້ລົມສົນທະນາກັບເຂົາເຈົ້າແນໃສ່ຍົກລະດັບດ້ານພາສາຕ່າງປະເທດຂອງຕົນຂຶ້ນ. ໜ້າທີ່ຂອງບັນດາສະມາຊິກໃນສະໂມສອນ Hanoikids ແມ່ນແນະນຳໃຫ້ນັກທ່ອງທ່ຽວຕ່າງປະເທດບັນດາສະຖານທີ່ທ່ອງທ່ຽວຢູ່ຮ່າໂນ້ຍ. ເມື່ອເວົ້າເຖິງຊຸມມື້ທຳອິດແຫ່ງການເຄື່ອນໄຫວຂອງສະໂມສອນ, ເພື່ອນ ເລທິຮົ່ງເຍີດ, ຫົວໜ້າສະໂມສອນ Hanoikids ແບ່ງປັນວ່າ:
“ໃນໄລຍະຕົ້ນ, ສະໂມສອນ Hanoikids ປະສົບກັບຄວາມຫຍຸ້ງຍາກຫລາຍຢ່າງ ເພາະວ່າ ນັກທ່ອງທ່ຽວສ່ວນຫລາຍບໍ່ເຊື່ອໄດ້ວ່າ ບັນດາສະມາຊິກຂອງສະໂມສອນຈະພາເຂົາເຈົ້າໄປທ່ຽວນະຄອນຫລວງຮ່າໂນ້ຍ ໂດຍບໍ່ເກັບຄ່າ. ສະນັ້ນ ສະໂມສອນ Hanoikids ຕ້ອງພິມໃບໂຄສະນາເປັນຈຳນວນຫລາຍ ແລະ ບັນດາສະມາຊິກຕ້ອງຍ່າງອ້ອມຫນອງໂຮ່ເກືອບ ເພື່ອແນະນຳໃຫ້ນັກທ່ອງທ່ຽວເຂົ້າໃຈກ່ຽວກັບຕົນເອງ. ນອກນັ້ນ, ບັນດາສະມາຊິກໃນສະໂມສອນກໍ່ໄປຍັງສະຫນາມບິນເພື່ອແຈກຢາຍໃບໂຄສະນາໃຫ້ນັກທ່ອງທ່ຽວອີກ.”
ຜ່ານອິນເຕີແນັດ, ອີແມວ, ແວບໄຊ, Hanoikids ຄ່ອຍໆສ້າງອິດທີພົນຊື່ສຽງໃຫ້ແກ່ນັກທ່ອງທ່ຽວຕ່າງປະເທດ. ບັນດາສະມາຊິກໃນສະໂມສອນ ຍາມໃດກໍມີສະຕິຝຶກຝົນຫລໍ່ຫລອມບົດຮຽນ ແລະ ຈັດຕັ້ງບັນດາຊຸດຝືກອົບຮົມ, ຍົກສູງທັກສະໃຫ້ແກ່ບັນດາສະມາຊິກ. Hanoikids ຖືຕົນເອງແມ່ນບັນດາ Travelmate (ຜູ້ຮ່ວມເດີນທາງ) ຫາກບໍ່ແມ່ນ tourguide (ຜູ້ນຳທ່ຽວ). ນັກທ່ອງທ່ຽວມາຢ້ຽມຢາມຮ່າໂນ້ຍ ຈະໄດ້ຮັບການຊ່ວຍເຫລືອ, ແນະນຳຈາກ Hanoikids ໂດຍບໍ່ເກັບຄ່າ. ຈຸດປະສົງຂອງສະໂມສອນແມ່ນໂຄສະນາວັດທະນະທຳຮ່າໂນ້ຍ ໃຫ້ແກ່ນັກທ່ອງທ່ຽວ.
ສະມາຊິກສະໂມສອນHanoikids ພານັກທ່ອງທ່ຽວຕ່າງປະເທດ
ໄປຢ້ຽມຢາມນະຄອນຫລວງຮ່າໂນ້ຍ
ພາບ:huongdanvien.vn
|
ບັນດາສະຖານທີ່ຊື່ງພວກເພື່ອນຫນຸ່ມໃນສະໂມສອນ Hanoikids ເຄີຍພານັກທ່ອງທ່ຽວໄປຢ້ຽມຢາມນັ້ນ ບໍ່ແມ່ນບັນດາສະຖານທີ່ເຊິ່ງໄດ້ຮັບການແນະນຳຜ່ານແວບໄຊ ຫລືຜ່ານບັນດາບໍລິສັດທ່ອງທ່ຽວ ຫາກແມ່ນບັນດາສະຖານທີ່ທຳມະດາຢູ່ຮ່າໂນ້ຍ. ນັ້ນແມ່ນບັນດາຮ່ອມບ້ານ, ຖະໜົນສາຍນ້ອຍຂອງນະຄອນຫລວງ, ຊ່ວຍໃຫ້ນັກທ່ອງທ່ຽວເຂົ້າໃຈຕື່ມອີກກ່ຽວກັບຊີວິດປະຈຳວັນຂອງຊາວຮ່າໂນ້ຍ. ເພື່ອນ ເລທິຮົ່ງເຍີດໃຫ້ຮູ້ວ່າ:
“ບັນດາສະຖານທີ່ຊື່ງສະມາຊິກໃນສະໂມສອນເຄີຍພານັກທ່ອງທ່ຽວໄປຢ້ຽມຢາມ ນັ້ນແມ່ນ: ວັດມຽວ, ສຸສານປະທານໂຮ່ຈິມີນ, ຫໍພິພິດທະພັນຊົນເຜົ່າວິທະຍາຫລືຄຸ້ມເມືອງເກົ່າ, ຫໍພິພິດທະພັນແມ່ຍິງ. ນອກນັ້ນ ຍັງພານັກທ່ອງທ່ຽວໄປເຖິງບັນດາສະຖານທີ່ເພື່ອເຫັນປະຈັກຕາຊີວິດປະຈຳວັນຂອງຊາວຮ່າໂນ້ຍຄື: ຕະຫລາດດົງຊວນ, ຕະຫລາດຮ່າງແບ, ຮ່າງກາຍ, ຮ່າງເດືອງ….”
ເພື່ອນ Kenny, ນັກທ່ອງທ່ຽວມາຈາກ ສິງກະໂປໃຫ້ຂໍ້ສັງເກດວ່າ:
“ຂ້າພະເຈົ້າແມ່ນນັກທ່ອງທ່ຽວຫນຸ່ມ ສະນັ້ນ ເມື່ອລື້ງເຄີຍກັບບັນດານັກສຶກສາມະຫາວິທະຍາໄລຫວຽດນາມແມ່ນມ່ວນທີ່ສຸດ. ເຂົາເຈົ້າແບ່ງປັນກັບຂ້າພະເຈົ້າບັນດາຄວາມຮູ້, ບໍ່ພຽງແຕ່ໃນການຮ່ຳຮຽນ, ຊີວິດປະຈຳວັນເທົ່ານັ້ນ ຫາກນັບທັງຄວາມຮູ້ກ່ຽວກັບບັນດາສະຖານທີ່ທ່ອງທ່ຽວຢູ່ຮ່າໂນ້ຍອີກດ້ວຍ.”
ການເຄື່ອນໄຫວຂອງສະໂມສອນ Hanoikids ໄດ້ປະກອບສ່ວນສ້າງຮູບພາບທີ່ດີກ່ຽວກັບຊາວ ຮ່າໂນ້ຍ, ເຊິ່ງແມ່ນຜູ້ໃກ້ຊິດສະຫນິດສະຫນົມ, ຮັກແພງແຂກຄົນ. ສະໂມສອນ Hanoikids ໄດ້ສ້າງຄວາມປະທັບໃຈອັນດີງາມໃຫ້ແກ່ເພື່ອນມິດສາກົນ, ກ່ຽວກັບລຸ້ນຫນຸ່ມກໍຄືວັດທະນະທຳຂອງຮ່າໂນ້ຍເວົ້າສະເພາະ ກໍ່ຄືຂອງຫວຽດນາມ ເວົ້າລວມ.