ທ່ານ Ninomiya ພ້ອມກັບບັນດາສະມາຊິກໃນກຸ່ມ​ເຄື່ອນ​ໄຫວ ​ເກັບ​ຂີ້​ເຫຍື້ອ​ໂດຍ​ສະ​ໝັກ​ໃຈ  (ພາບ : internet)

vovworld- ຮອດຍາມ​ຕອນ​ເຊົ້າຂອງ​ທຸກໆວັນອາ​ທິດ​, ຜູ້ຄົນທັງຫຼາຍຈາກທຸກແຫ່ງໄດ້ ພາກັນຫຼັ່ງໄຫ ມາໜອງຮ່ວານ​ກ໋ຽມ-ຮ່າ​ໂນ້ຍ ເພື່ອຫັດກາຍບໍລິຫານ, ສູບເອົາ ອາກາດທີ່ ປອດໂປງ່ ຫຼືນັ່ງຢ່ອນອາລົມ. ແຕ່ພິເສດໃນຂະບວນຄົນນີ້, ພັດມີຊາວ ຕ່າງປະເທດຄົນ​ໜຶ່ງ​ມາ​ເກັບ​ຂີ້​ເຫຍື້ອ​ຢູ່​ຕາມ​ເນື້ອ​ທີ່​ຫຍ້າ​ຫຼື​ຢູ່​ກ້ອງ​ຕັ່ງ​ຫີນ​ແຄມ ໜອງ ຮ່ວານ​ກ໋ຽມ. ນັ້ນ​ແມ່ນ​ທ່ານ Ninomiya, ຜູ້ອຳ​ນວຍ​ການ​ບໍລິສັດ Ishigaki Rubber Vietnam ທີ່​ມີ​ສຳນັກງານ​ຕັ້ງ​ຢູ່​ເຂດ​ອຸດສາຫະກຳຮ່າ​ໂນ້ຍທີ່​ເມືອງ ລອງ​ບຽນ. ຕະຫຼອດ​ປີ​ນີ້, ທ່ານ​ພ້ອມ​ກັບ​ຫຼາຍ​ຄົນ​ມາ​​ເກັບ​ຂີ້​ເຫຍື້ອ ​ເພື່ອ​ປົກ​ປັກ​ຮັກສາ​ສິ່ງ​ແວດ​ລ້ອມ ຢູ່ໜອງຮ່ວານ​ກ໋ຽມ-ຮ່າ​ໂນ້ຍ. ​ທ່ານ Ninomiya ​ໄດ້​ມາ​ດຳລົງ​ຊີວິດ ​ແລະ ​ເຮັດ​ວຽກ​ຢູ່​ຫວຽດນາມ​ໄດ້ 4 ປີແລ້ວ, ດັ່ງ​ນັ້ນ​ທ່ານ​ຢາກ​ໄດ້​ເຮັດ​ວຽກ​ງານ​ໃດ​ໜຶ່ງ​ທີ່​ມີ​ຄວາມ​ໝາຍ​ເພື່ອ​ຮ່າ​ໂນ້ຍ. ​ທ່ານ Ninomiya ​ໃຫ້​ຮູ້​ວ່າ :

    “ ການ​ເຄື່ອນ​ໄຫວ​ນີ້ ​ແມ່ນ​ເລີ່​ມ​ດຳ​ເນີນ​ຈາກ​​ເພື່ອນ​ຂອງ​ຂ້າພະ​ເຈົ້າ, ນັ້ນ​ແມ່ນທ່ານ Takuchi ຜູ້ອຳນວຍການ​ບໍລິສັດ Ashahi Denso Vietnam , ທ່ານ​ໄດ້​ເລີ່​ມ​ເຄື່ອນ​ໄຫວ​ວຽກ​ງານ​ນີ້ ​ແລະ ​ໄດ້​ແກ່ຍາວ​ປະມານ 1 ປີ. ຂ້າພະ​ເຈົ້າ​ເຂົ້າ​ຮ່ວມ​ການ​ເຄື່ອນ​ໄຫວ​ນີ້​ເພາະວ່າ ຂ້າພະ​ເຈົ້າ​ມີ​ໂອກາດ​ໄດ້​ເຮັດ​ວຽກ​ຢູ່​ຫວຽດນາມ ​ແລະ ຂ້າພະ​ເຈົ້າ​ຍາມ​ໃດ​ກໍ​ຢາກ​ເຮັດ​ສິ່ງ​ໃດ​ໜຶ່ງ​ທີ່​ມີ​ຜົນ​ປະ​ໂຫຍ​ດ ”

    ​ທ່ານ Ninomiya ​ໄດ້​ຂົນຂວາຍ​ທຸກໆ​ຄົນ​ພາຍ​ໃນ​ບໍລິສັດ​ຂອງ​ຕົນ​ເຂົ້າ​ຮ່ວມ​ການ​ເຄື່ອນ​ໄຫວ​ເກັບ​ຂີ້​ເຫຍື້ອຢູ່​ອ້ອມ​ແອ້ມໜອງຮ່ວານ​ກ໋ຽມ ກໍ​ຍ້ອນ​ທ່ານ​ເຫັນ​ວ່າການ​ເຄື່ອນ​ໄຫວ​ນີ້​ນຳ​ມາ​ເຊິ່ງຜົນ​ປະ​ໂຫຍ​ດ​ໃຫ້​ແກ່​ວົງ​ຄະນະ​ຍາດ​ຊາວ​ຫວຽດນາມ. ທ່ານ​ຍັງ​ໃຫ້​ພິມ​ໃບ​ພັບ​ຮຽກຮ້ອງ​ໃຫ້ ປົກ​ປັກ​ຮັກສາ​ສິ່ງ​ແວດ​ລ້ອມ​ເພື່ອ​ຢາຍ​ໃຫ້​ຫຼາຍ​ຄົນ​ອື່ນ​ເພື່ອ​ຊ່ວຍ​ໃຫ້​ເຂົາ​ເຈົ້າ​ເຂົ້າ​ໃຈ​ກ່ຽວ​ກັບ​ການ​ເຄື່ອນ​ໄຫ​ວນີ້. ທ່ານ ​ເປີດ​ເຜີຍ​ວ່າ :

   “ການ​ເຄື່ອນ​ໄຫ​ວນີ້ ​ແມ່ນ​ບໍ່​ມີ​ລັກສະນະ​ການຈັດ​ຕັ້ງ, ​ແຕ່​ມັນ​ພຽງ​​ແຕ່ອີງ​ບົນ​ຄວາມ​ສະໝັກ​ໃຈ​ຂອງ​ທຸກໆ​ຄົນ, ​ໃນ​ນັ້ນ​ສ່ວນ​ຫຼວງ​ຫຼາຍ​ແມ່ນ​ຊາວ​ຫວຽດນາມ. ສິ່ງ​ທີ່​ຂ້າພະ​ເຈົ້າ​ຮູ້ສຶກ​ພູມ​ໃຈ, ນັ້ນ​ແມ່ນ​ມີ​ທັງ​ພວກ​ເດັກນ້ອຍ​ກໍ​ເຂົ້າ​ຮ່ວມ​ການ ​ເກັບ​ຂີ້​ເຫຍື້ອ ”

      ກຸ່ມ​ເຄື່ອນ​ໄຫວ ​ເກັບ​ຂີ້​ເຫຍື້ອ​ໂດຍ​ສະ​ໝັກ​ໃຈ​ເພື່ອ ປົກ​ປັກ​ຮັກສາ​ສິ່ງ​ແວດ​ລ້ອມຢູ່ໜອງຮ່ວານ​ກ໋ຽມຂອງ​ທ່ານ Ninomiya ໄດ້ສະຫງວນເວລາ 30 ນາທີ ໃນທຸກໆຕອນເຊົ້າວັນອາທິດເພື່ອ​ເຄື່ອນ​ໄຫ​ວ. ນາງ Phan Linh ອາຍຸ 26 ປີ ພາລະ​ກອນ​ສັງກັດ​ບໍລິສັດ Likanvina ​ໃຫ້​ຮູ້​ວ່າ :

   “ ຂ້າພະ​ເຈົ້າຊົມ​ຊອບ ການ​ເຄື່ອນ​ໄຫ​ວໂດຍ​ສະ​ໝັກ​ໃຈແບບ​ນີ້. ຂ້າພະ​ເຈົ້າ​ມີ​ໂຊກ​ດີ​ເມື່ອ​ໄດ້​ຮັບ​ການ​ແນະນຳ​ຈາກ ທ່ານ Ninomiya ​ເພື່ອ​ມີ​ໂອກາດ​ໄດ້​​ເຂົ້າ​ຮ່ວມ​ການເຄື່ອນ​ໄຫວ. ຂ້າພະ​ເຈົ້າ​ເຫັນ​ວ່າ ການ​ເຄື່ອນ​ໄຫ​ວນີ້ມີ​ຄວາມ​ໝາຍ​ທີ່​ສຸດ ​ແລະ ຫວັງ​ວ່າ​ຈະ​ມີ​ຫຼາຍ​ຄົນ​ອື່ນ​ຮູ້ຈັກ​ເຖິງ ​​ເພື່ອ​ພ້ອມ​ກັນ​ເຂົ້າ​ຮ່ວມ ”

    ສ່ວນ​ນ້ອງ Nguyen Duc Quang ນັກຮຽນ​​ຫ້ອງ ມ3 ສັງກັດ​ໂຮງຮຽນ​ມັດທະຍົມ​ຕອນ​ຕົ້ນ ຊ່າ​ຍດົງ ຊຶ່ງ​ສະມາຊິກ​ໃນ​ກຸ່ມ​ເປີ​ດ​ເຜີຍ​ວ່າ :