(VOVWORLD) -ພາຍຫຼັງເກືອບ 1 ປີແຫ່ງການທົດລອງ ຜັນຂະຫຍາຍເປີດກວ້າງຮູບແບບການບໍລິການສາທາລະນະສຸກ ເພື່ອຫັນຜະລິດຕະພັນເປັນຫຼາຍຮູບຫຼາຍແບບ, ຕອບສະໜອງຄວາມຕ້ອງການຂອງນັກທ່ອງທ່ຽວທັງຢູ່ພາຍໃນ ແລະ ຕ່າງປະເທດ ທີ່ມາຢ້ຽມຢາມ, ທ່ອງທ່ຽວຢູ່ນະຄອນໂຮ່ຈິມິນ, ຮູບແບບທ່ອງທ່ຽວສາທາລະນະສຸກ ໄດ້ຮັບການຕີລາຄາວ່າແມ່ນມີຄວາມສາມາດບົ່ມຊ້ອນພັດທະນາ. ເຖິງຢ່າງໃດກໍ່ຕາມ, ເພື່ອໃຫ້ຮູບແບບການທ່ອງທ່ຽວສາທາລະນະສຸກພັດທະນາທຽບເທົ່າກັບບັນດາປະເທດໃນພາກພື້ນຄືໄທ, ສິງກະໂປ.. ທາງນະຄອນຄວນມີບັນດາຍຸດທະສາດພັດທະນາຢ່າງລະອຽດ ແລະ ມີລັກສະນະຍາວນານ.
 (ພາບປະກອບອິນເຕີແນັດ) |
ທ່ານ ຫງວຽນດຶກມິງຈິ໋, ຜູ້ອຳນວຍການຝ່າຍບໍລິຫານບໍລິສັດທ່ອງທ່ຽວ ນາມອ໋າເຈົາ, ໃຫ້ຮູ້ວ່າ, ປະຈຸບັນ ທາງບໍລິສັດພວມສົມທົບກັບບາງຫ້ອງປິ່ນປົວແຂ້ວຢູ່ນະຄອນໂຮ່ຈິມິນ ເພື່ອແນະນຳໃຫ້ລູກຄ້າບັນດາລາຍການທ່ອງທ່ຽວ. ຕາມທ່ານ ຈິ໋ ແລ້ວ, ເປົ້າໝາຍລູກຄ້າຕົ້ນຕໍ່ແມ່ນຊາວຫວຽດນາມ ອາໄສຢູ່ຕ່າງປະເທດກັບມາຢາມບ້ານເກີດເມືອງນອນ ໄດ້ເລີ່ມຮູ້ຈັກສົມທົບການທ່ອງທ່ຽວກັບການກວດ, ປິ່ນປົວພະຍາດ. ພ້ອມກັນນັ້ນ, ຂະແໜງສາທາລະນະສຸກນະຄອນ ກໍ່ພວມດຶງດູດຂັກທ່ອງທ່ຽວທີ່ມາຈາກບັນດາປະເທດອາຊີຕາເວັນອອກສ່ຽງໃຕ້. ຂະແໜງປົວແຂ້ວໄດ້ຮັບການຕີລາຄາວ່າແມ່ນຂະແໜງມີຄວາມສາມາດບົ່ມຊ້ອນ ເພື່ອເລີ່ມຕົ້ນໃຫ້ແກ່ການພັດທະນາຊອງຜະລິດຕະພັນທ່ອງທ່ຽວສາທາລະນະສຸກ. ທ່ານ ຫງວຽນດຶກມິງຈິ໋, ໃຫ້ຮູ້ວ່າ.
“ຂ້າພະເຈົ້າເຫັນວ່ານັ້ນແມ່ນທ່າແຮງ, ຍ້ອນສືມືປົວແຂ້ວຂອງຫວຽດນາມ ແມ່ນຢູ່ໃນລະດັບດີ, ລາຄາກໍຖືກ. ລູກຄ້າກໍ່ນິຍົມ. ກ່ອນອື່ນໝົດແມ່ນໃຫ້ຄຳປຶກສາໂດຍບໍ່ເສຍຄ່າໃຫ້ລູກຄ້າ, ສຳລັບລູກຄ້າຕ່າງປະເທດ ບັນຫາກ່ຽວກັບປາກ, ແຂ້ວແມ່ນມີຄວາມສຳຄັນທີ່ສຸດ, 6 ເດືອນຕ້ອງໄດ້ກວດເທື່ອໜຶ່ງ, ເຮົາກວດໂດຍບໍ່ເສຍຄ່າ, ສ່ວນໃຫ້ຄຳປຶກສາ ເຂົາເຈົ້າບໍ່ມັກກໍ່ບໍ່ເຮັດ. ຂ້າພະເຈົ້າຄິດວ່າ, ໃນອະນາຄົດ, ຮູບແບບຜະລິດຕະພັນທ່ອງທ່ຽວດັ່ງກ່າວຈະພັດທະນາຢ່າງແຮງ”.
ນະຄອນໂຮ່ຈິມິນ ໄດ້ຮັບການຕີລາຄາວ່າແມ່ນມີທ່າແຮງໃນການພັດທະນາຮູບແບບການທ່ອງທ່ຽວສາທາລະນະສຸກ ດ້ວຍໂຮງໝໍຫຼາຍແຫ່ງ, ມີຖັນແຖວແພດໝໍມີລະດັບວິຊາຊີບທຽບເທົ່າກັບພາກພື້ນ; ມີພື້ນຖານທາງດ້ານວັດຖຸທັນສະໄໝ; ວິທີຮັບໃຊ້ເປັນມືອາຊີບ; ຄ່າໃຊ້ຈ່າຍກໍ່ຕ່ຳ. ມີໂຮງໝໍບາງແຫ່ງຄື: ໂຮງໝໍມະຫາວິທະຍາໄລແພດສາດ ນະຄອນໂຮ່ຈິມິນ, ໂຮງໝໍແພດພື້ນເມືອງ, ໂຮງໝໍ ເຈີໄຣ້… ກໍ່ເລີ່ມຮັບຄົນເຈັບເຊິ່ງເປັນຊາວຕ່າງປະເທດ ແລະ ຊາວຫວຽດນາມ ອາໄສຢູ່ຕ່າງປະເທດກັບມາຢ້ຽມຢາມບ້ານເກີດເມືອງນອນນັບມື້ນັບຫຼາຍກວ່າ. ເພື່ອດຶງດູດຄົນເຈັບເຊິ່ງເປັນຊາວຕ່າງປະເທດ, ນັບແຕ່ເດືອນ ກັນຍາ 2017, ໂຮງໝໍແພດສາດການຢານະຄອນໂຮ່ຈິມິນ ໄດ້ສ້າງຫ້ອງກວດພະຍາດສາກົນ ຮັບໃຊ້ສະເພາະໃຫ້ເປົ້າໝາຍດັ່ງກ່າວ ດ້ວຍເຄື່ອງອຸປະກອນຢ່າງຄົບຖ້ວນ ແລະ ບັນດາຂະແໜງລົງເລິກ ພ້ອມກັບຖັນແຖວເບິ່ງແຍງດູແລຄົນເຈັບຢ່າງເປັນມືອາຊີບ, ມີຄວາມຄ່ອງແຄ້ວຫຼາຍທາງດ້ານພາສາຕ່າງປະເທດໄດ້ດີ, ໜູນຊ່ວຍຄົນເຈັບເຊິ່ງເປັນຊາວຕ່າງປະເທດໃນຕະຫຼອດເວລາກວດ, ປິ່ນປົວພະຍາດ.
ຕາມທ່ານ ຈິ້ງຫງວຽນຮຸ່ງຢຸງ, ຜູ້ອຳນວຍການບໍລິສັດທ່ອງທ່ຽວ ທຽນນຽນກີ, ຮູບແບບການທ່ອງທ່ຽວສາທາລະນະສຸກຢູ່ນະຄອນໂຮ່ຈິມິນ ພຽງແຕ່ເລີ່ມຕົ້ນ ດ້ວຍການຜັນຂະຫຍາຍທົດລອງຢູ່ບາງລາຍການທ່ອງທ່ຽວເທົ່ານັ້ນ, ຫາກຍັງບໍ່ທັນມີແຜນການທີ່ມີລັກສະນະຍຸດທະສາດລະອຽດ ເພື່ອສ້າງບາດກ້າວກະໂດດຂັ້ນ. ຄວນມີການຮ່ວມມືຢ່າງມີວິຊາຊີບລະຫວ່າງບັນດາຫົວໜ່ວຍທ່ອງທ່ຽວ ກັບບັນດາໂຮງໝໍແຖວໜ້າ, ຍູ້ແຮງການໂຄສະນນາສື່ສານ… ໃນນັ້ນ, ບັນດາຝ່າຍຄວນພິຈາລະນາ, ຄັດເລືອກບັນດາຜະລິດຕະພັນປາຍແຫຼມໃນການບໍລິການດ້ານສາທາລະນະສຸກຄື: ປົວແຂ້ວ, ບຳລຸງຜິວໜັງ, ສົ່ງເສີມສຸຂະພາບດ້ວຍການແພດພື້ນເມືອງ. ທ່ານ ຈິ້ງຫງວຽນຮຸ່ງຢຸງ ກ່າວວ່າ:
“ບໍ່ພຽງແຕ່ທາງດ້ານອຸປະກອນເຄື່ອງຈັກທີ່ທັນສະໄໝເທົ່ານັ້ນ, ຫາກຍັງມີບັນດາສາດສະດາຈານ, ປະລິຍາເອກ ແຖວໜ້າ ເຂົ້າຮ່ວມອີກດ້ວຍ. ແລະ ຕ້ອງມີບັນດາໝາກຜົນໃນຕົວຈິງກ່ຽວກັບບັນຫາປິ່ນປົວ.”
ນັບແຕ່ທ້າຍປີ 2017, ພະແນກທ່ອງທ່ຽວນະຄອນໂຮ່ຈິມິນ ໄດ້ສົມທົບກັບພະແນກສາທາລະນະສຸກ ຈັດຕັ້ງການໂອ້ລົມສົນທະນາ “ກຳນົດທິດພັດທະນາຜະລິດຕະພັນທ່ອງທ່ຽວສາທາລະນະສຸກ”, “ວັນບຸນທ່ອງທ່ຽວປົວແຂ້ວ” ສຳເລັດ, ພ້ອມທັງໄດ້ລົງນາມຮ່ວມມືລະຫວ່າງ 2 ຫົວໜ່ວຍໃນການພັດທະນາຜະລິດຕະພັນທ່ອງທ່ຽວ. ບັນດາການກະທຳດັ່ງກ່າວຂອງພະແນກທ່ອງທ່ຽວນະຄອນໂຮ່ຈິມິນ ໄດ້ເປັນການເລີ່ມຕົ້ນຊຸກຍູ້ວິວັດການຮ່ວມມື, ເຊື່ອມຕໍ່ ພົບປະລະຫວ່າງບັນດາຫົວໜ່ວຍທ່ອງທ່ຽວ ແລະ ບັນດາຮາກຖານສາທາລະນະສຸກ. ທ່ານ ລ້າກວກແຄ໋ງ, ຮອງຫົວໜ້າພະແນກທ່ອງທ່ຽວນະຄອນໂຮ່ຈິມິນ, ໃຫ້ຮູ້ວ່າ.
“ຕ້ອງມີຄວາມເປັນເຈົ້າການຈາກບັນດາບໍລິສັດບໍລິຫານ, ຕົວຢ່າງຄື ບັນດາໂຮງໝໍ, ເມື່ອເຮັດວຽກຄືແນວນັ້ນ, ທີ່ໜຶ່ງແມ່ນຄັດເລືອກບໍລິດສັດທ່ອງທ່ຽວທີ່ດີ, ພ້ອມກັນສ້າງລະບົບມູນຄ່າການບໍລິການໄປພ້ອມ, ບວກກັບການບໍລິການດ້ານສາທາລະນະສຸກ ແລ້ວຈຶ່ງກາຍເປັນບັນດາລາຍການຜະລິດຕະພັນ ແລະ ຂາຍຜະລິດຕະພັນ”.
ໃນປີ 2018, ພະແນກທ່ອງທ່ຽວນະຄອນໂຮ່ຈິມິນ ໄດ້ຜັນຂະຫຍາຍການເຄື່ອນໄຫວສົ່ງເສີມດ້ານການທ່ອງທ່ຽວຫຼາຍຢ່າງ, ເຊື່ອມຕໍ່ໃຫ້ບັນດາວິສາຫະກິດທ່ອງທ່ຽວສຳຫຼວດກວດກາຍົກສູງຄຸນນະພາບຜະລິດຕະພັນຢູ່ບັນດາຮາກຖານສາທາລະນະສຸກ, ບັນດາໂຮງໝໍ. ພ້ອມທັງ, ສືບຕໍ່ເປີດກວ້າງບັນດາຮູບແບບການບໍລິການດ້ານສາທາລະນະສຸກຕາມການກຳນົດທິດແມ່ນ ນະຄອນໂຮ່ຈິມິນ ແມ່ນໃຈກາງສາທາລະນະສຸກລົງເລິກສະເພາະຂອງທົ່ວປະເທດ ແລະ ພາກພື້ນ ເພື່ອແນໃສ່ຫັນຜະລິດຕະພັນທ່ອງທ່ຽວເປັນຫຼາຍຮູບຫຼາຍແບບ, ຕອບສະໜອງຄວາມຕ້ອງການຂອງນັກທ່ອງທ່ຽວ.