(VOVWORLD) -ວັນທີ 6/5, ຊາວ ຫວຽດນາມ ໄດ້ຈັດພິທີສະເຫຼີມສະຫຼອງ 65 ປີແຫ່ງວັນໄຊຊະນະ ດ້ຽນບຽນຝູ ຊື່ງແມ່ນໄຊຊະນະ ທີ່ເປັນຂີດໝາຍແຫ່ງການສີ້ນສຸດສະໄໝລ່າເມືອງຂຶ້ນ, ເລີ່ມຕົ້ນສັງກາດເອກະລາດຂອງຫຼາຍປະເທດທີ່ເປັນຫົວເມືອງຂຶ້ນ.
ການສະເຫຼີມສະຫຼອງເຫດການນີ້ກໍ່ມຸ້ງໄປເຖິງອະນາຄົດອັນສົດໃສກ່ວາໃນສາຍພົວພັນລະຫວ່າງ ຫວຽດນາມ ແລະ ຝະລັ່ງ. ປະຈຸບັນ, ຫວຽດນາມ ແລະ ຝະລັ່ງ ໄດ້ກາຍເປັນຄູ່ຮ່ວມມືຍຸດທະສາດ. ປີ 2018, ສອງຝ່າຍໄດ້ສະເຫຼີມສະຫຼອງວັນສ້າງຕັ້ງສາຍພົວພັນທາງການທູດຄົບຮອບ 45 ປີ. ເນື່ອງໃນໂອກາດນີ້, ເຊີນທ່ານຮັບຟັງ
ຂໍຮຽນທ່ານເອກອັກຄະລັດຖະທູດ, ການຮ່ວມມືດ້ານເສດຖະກິດແມ່ນປັດໄຈສຳຄັນໃນສາຍພົວພັນຍຸດທະສາດ. ທ່ານຕີລາຄາຄືແນວໃດຕໍ່ການຮ່ວມມືດ້ານເສດຖະກິດລະຫວ່າງຫວຽດນາມ-ຝະລັ່ງ ໃນປະຈຸບັນ?
ປະຈຸບັນ, ຝະລັ່ງ ມີການຮ່ວມມືກັບ ຫວຽດນາມ ໃນຫຼາຍຂົງເຂດຄື: ພື້ນຖານໂຄງລ່າງ ແລະ ພິເສດແມ່ນການຂົນສົ່ງ, ໃນນັ້ນ ຂະແໜງການບິນແມ່ນຂະແໜງສ້າງລາຍຮັບຫຼາຍກ່ວາໝູ່. ນອກຈາກນັ້ນແມ່ນຂະແໜງເຄື່ອງໃຊ້ສອຍ, ຜະລິດຕະພັນກະເສດ ແລະ ເຄື່ອງສຳອາງ. ຜູ້ຊົມໃຊ້ ຫວຽດນາມ ນິຍົມຊົມໃຊ້ບັນດາຜະລິດຕະພັນຂອງ ຝະລັ່ງ ຫຼາຍ ແລະ ກົງກັນຂ້າມ ຜູ້ຊົມໃຊ້ ຝະລັ່ງ ກໍ່ນິຍົມຊົມໃຊ້ບັນດາຜະລິດຕະພັນຂອງ ຫວຽດນາມ ທີ່ສຸດ.
 ທ່ານ Bertrand Lortholary ເອກອັກຄະລັດຖະທູດສາທາລະນະລັດ ຝະລັ່ງ ປະຈຳຫວຽດນາມ (ພາບ: ສະຖານທູດຝລ່ັງປະຈໍາຫວຽດນາມ) |
ການພົວພັນລະຫວ່າງບັນດາທ້ອງຖີ່ນກໍ່ໄດ້ຮັບການເປີດກ້ວາງດ້ວຍການເຂົ້າຮ່ວມລະຫວ່າງທ້ອງຖີ່ນຂອງຝະລັ່ງ 20 ແຫ່ງ ແລະ ແຂວງ, ນະຄອນຂອງຫວຽດນາມ 15 ແຫ່ງ. ປັດໄຈນີ້ໄດ້ປະກອບສ່ວນສ້າງປະສິດທິຜົນໃຫ້ແກ່ການຮ່ວມມືສອງຝ່າຍ. ຕາມທ່ານແລ້ວ, ການກຳນົດທິດຕົ້ນຕໍໃຫ້ແກ່ການຮ່ວມມືໃນຂົງເຂດນີ້ໃນໄລຍະຕໍ່ໄປແມ່ນຫຍັງ ຂໍຮຽນທ່ານ
ແຕ່ດົນນານມາແລ້ວ, ການຮ່ວມມືລະຫວ່າງບັນດາທ້ອງຖີ່ນຂອງຫວຽດນາມ ແລະ ຝະລັ່ງ ໄດ້ສວມບົດບາດສຳຄັນທີ່ສຸດ, ໂດຍສະເພາະນັບແຕ່ຊຸມປີ 1990 ປັນຕົ້ນມາ. ປະຈຸບັນ, ມີສະຫະກອນຂອງສອງປະເທດ 30 ແຫ່ງໄດ້ຮັບຄົໝັ້ນສັນຍາຮ່ວມມືໂດຍຜ່ານຂໍ້ຕົກລົງຄູ່ຮວ່ມມືສະບັບຕ່າງໆ. ພວກຂ້າພະເຈົ້າໄດ້ຈັດກອງປະຊຸມຮ່ວມມືລະຫວ່າງບັນດາທ້ອງຖີ່ນຂອງຫວຽດນາມ ແລະ ຝະລັ່ງ ຢູ່ Toulouse ພາຍຫຼັງກອງປະຊຸມຄັ້ງກ່ອນທີ່ຈັດຂຶ້ນເມື່ອເດືອນກັນຍາປີ 2016 ທີ່ນະຄອນ ເກີນເທີ. ນີ້ແມ່ນບັນດາການພົວພັນຄູ່ຮ່ວມມືທີ່ໄດ້ຮັບການສ້າງຂຶ້ນແຕ່ດົນນານ ໂດຍອີງຕາມບັນດາຂົງເຂດເສດຖະກິດ-ສັງຄົມ, ການສຶກສາ ແລະ ການພັດທະນາ ແລະ ໄດ້ຮັບການພັດທະນາຢ່າງແຂງແຂງຢ່າງບໍ່ຢຸດຢັ້ງ ບົນພື້ນຖານທີ່ສຳຄັນດັ່ງກ່າວ.
ບັນດາການພົວພັນດ້ານເສດຖະກິດທີ່ແໜ້ນແຟ້ນ ແລະ ຂະຫຍັນຂັນເຄື່ອນນີ້ຍັງມີຄວາມສາມາດບົ່ມຊ້ອນຫຼາຍຢ່າງ. ທ່ານຕີລາຄາແນວໃດກ່ຽວກັບການພົວພັນດ້ານເສດຖະກິດລະຫວ່າງສອງປະເທດໃນໄລຍະທີ່ຈະມາເຖິງ?
ຝະລັ່ງ ແລະ ຫວຽດນາມ ມີບັນດາໂຄງການເສດຖະກິດທີ່ສຳຄັນທີ່ສຸດ. ປະຈຸບັນມີບໍລິສັດຂອງ ຝະລັ່ງ ປະມານ 300 ແຫ່ງມີໜ້ານຢູ່ຫວຽດນາມ ແລ້ວ. ພວກຂ້າພະເຈົ້າຫວັງວ່າ, ດ້ວຍເລື່ອງສັນຍາການຄ້າເສລີລະຫວ່າງສະຫະພັນເອີລົບ ແລະ ຫວຽດນາມ ມີຜົນສັກສິດນັ້ນ ຈະສ້າງໃຫ້ມີບັນດາການແລກປ່ຽນໃນຂົງເຂດເສດຖະກິດລະຫວ່າງເອີລົບ ແລະ ຫວຽດນາມ ເວົ້າລວມ ກໍ່ຄືລະຫວ່າງ ຝະລັ່ງ ແລະ ຫວຽດນາມ ເວົ້າສະເພາະ ຫລາຍກ່ວາອີກ.
ຂໍຂອບໃຈທ່ານເອກອັກຄະລັດຖະທູດ.