ຮ້ອຍໂທ Le xuan Phat ຊົມຄືນຮູບເອກະສານກ່ຽວກັບເກາະ ຊອງຕືໃຕ
|
vovworld- ເກາະ ຊອງຕືໃຕ ແມ່ນ 1 ໃນຈຳນວນ 3 ຕາແສງ, ເທດສະບານເມືອງເກາະ ເຈືອງຊາ. ນີ້ກໍແມ່ນເກາະແຫ່ງທຳອິດໃນເກາະຕ່າງໆໃນໝູ່ເກາະ ເຈືອງຊາ ທີ່ ກຳລັງທະຫານເຮືອປົດປ່ອຍໃນວັນທີ 14/4 ໃນບັ້ນຮົບ ໂຮ່ຈິມິນ ປີ 1975.
ກຳປັ່ນເລກໝາຍ HQ -966 ໄດ້ເດີນທະເລອອກຈາກທ່າໄປຍັງໝູ່ເກາະ ເຈືອງຊາ ໃນມື້ຟ້າແດດງາມ. ບັນດາຜູ້ຄົນໃນກຳປັ່ນ ສວ່ນຫຼາຍແມ່ນຊາວໜຸ່ມທີ່ຍັງບໍ່ທັນມີໂອກາດໄປໝູ່ເກາະ ເຈືອງຊາຈັກເທື່ອ. ແລະ ບໍ່ທໍໃດຄົນທີ່ຈະຮູ້ວ່າໃນການເດີນທະເລຄັ້ງນີ້ ມີການເຂົ້າຮ່ວມຂອງບັນດາຜູ້ຄົນທີ່ໄດ້ເຄີຍຮ່ວມສູ້ຮົບຢ່າງ ດຸເດືອດເພື່ອປົກປັກຮັກສາອະທິປະໄຕຢູ່ເກາະແຫ່ງນີ້.
37 ປີ ນັບແຕ່ປະເທດຊາດໄດ້ທ້ອນໂຮມເປັນເອກະພາບ, ນີ້ເປັນຄັ້ງທຳອິດທີ່ ຮ້ອຍໂທ Le xuan Phat ໄດ້ມີໂອກາດກັບຄືນເກາະ ຊອງຕືໃຕ ພາຍຫຼັງທີ່ໄດ້ປັກທຸ່ງຊາດປົດປ່ອຍຜືນທຳອິດຢູ່ເກາະແຫ່ງນີ້. ຮ້ອຍໂທ Le xuan Phat ເວົ້າວ່າ : “ ຂ້າພະເຈົ້າໄດ້ເດີນທາງຄັ້ງນີ້ ແມ່ນໂຊກດີຫຼາຍ. ຂ້າພະເຈົ້າ ຢາກຢ້ຽມຢາມແຫ່ງລິເລີ່ມແປວໄຟລູກປືນ, ຢາກເຫັນປະຈັກຕາວ່າ ພາຍຫຼັງຫຼາຍປີທີ່ລັດໄດ້ກໍ່ສ້າງຄືແນວໃດ, ອະທິປະໄຕເຂດທະເລໝູ່ເກາະຂອງຕົນຄືແນວໃດ. ບາງຄັ້ງຄາວ, ຫວນຄືນຮູ້ສຶກຕື້ນຕັນໃຈຫຼາຍ, ຢາກຫຼັ່ງນ້ຳຕາ ”
ຫວ່າງຕົ້ນປີ 1975, ຂະນະທີ່ທົ່ວປະເທດພວມຂຸ້ນຂ້ຽວກະກຽມໃຫ້ແກ່ການລຸກຮື້ຂຶ້ນບຸກໂຈມຕີຂະໜາກໃຫຍ່. ຄາວນັ້ນ, Le xuan Phat ພວມເປັນທະຫານສັງກັດກອງພັນ 861 - ເຫຼົ່າທັບເຮືອ, ບັງເອີນໄດ້ຮັບຄຳສັ່ງລົງໄປສູ້ຮົບຢູ່ພາກໃຕ້. ເມື່ອໄປຮອດກອງກຳລັງທະຫານທ່າກຳປັ່ນ ດານັ້ງ ຈຶ່ງໄດ້ຮູ້ວ່າ ໄປປົດປ່ອຍ ເຈື່ອງຊາ. ຮ້ອຍໂທ Le xuan Phat ໃຫ້ຮູ້ວ່າ :
“ ເລີ່ມເດີນທະເລຈາກ ດານັ້ງ ໃນວັນທີ 11, ຮອດເວລາ 4ໂມງເຄິ່ງເຊົ້າຂອງວັນທີ 14/4/1975 , ພາຍຫຼັງໄດ້ກຳນົດເປົ້າໝາຍ, ທອດສະໝໍ, ຄຳສັ່ງຂອງກອງບັນຊາການແມ່ນເຕືອນສັນຍານໃຫ້ບັນດານັກຮົບໃນກຳປັ່ນຂຶ້ນຕິດຕາມເປົ້າໝາຍ. ເມື່ອອ້າຍນ້ອງຕື່ນນອນ ແມ່ນເມົ່າເຮືອຢູ່. ຫຼັງຈາກນັ້ນໄດ້ຖືກລົງເຮືອ ຢ່າງກາວຊູ ເພື່ອເຂົ້າໄປເກາະ ”
ຮ້ອຍໂທ Le xuan Phat ຄາວນັ້ນ, ນອກຈາກໜ້າທີ່ສູ້ຮົບແລ້ວ, ກໍຍັງມີໜ້າທີ່ຕື່ມອີກທີ່ໜັກໜ່ວງ, ນັ້ນແມ່ນຕ້ອງປັກທຸງຂອງກອງທັບປົດປ່ອຍຢູ່ເກາະຊອງຕືໃຕ ໃຫ້ໄດ້. ຮ້ອຍໂທ Le xuan Phat ເລົ່າສູ່ຟັງວ່າ :
“ ທຸ່ງຊາດ, ໂທລະໂຄ່ງ ໄດ້ຮັບຢູ່ດິນຕໍ່ແຜ່ນ . ຂ້າພະເຈົ້າພຽງແຕ່ຮູ້ໜ້າທີ່ຂອງຕົນແມ່ນຈັບທຸງ ແລະ ໂທລະໂຄ່ງມື. ຖ້າມີກາລະໂອກາດ ແມ່ນເຂົາໄປແຂວນທຸງເພື່ອຂົນຂວາຍສັດຕູອອກຍອມຈຳນົນ. ທຸງກໍຖືກມັດໃສ່ແອວ, ເມື່ອລອຍເຂົ້າໄປຮອດເກາະ ກໍຍັງປຽກຢູ່. ໜ້າທີ່ແມ່ນແຂວນທຸງປົດປ່ອຍເພື່ອເຕືອນສັນຍານວ່າເກາະໄດ້ຖືກຢຶດຄອງ . ທີ່ 2 ແມ່ນໃຊ້ໂທລະໂຄ່ງມືເພື່ອຂົນຂວາຍສັດຕູອອກຍອມຈຳນົນເພື່ອຫຼຸດຜ່ອນຄວາມບາດເຈັບລົ້ມຕາຍ. ເມື່ອກຳລັງທະຫານປົດປ່ອຍບຸກເຂົ້າເກາະດ້ວຍການຍິງປືນບາດທຳອິດ, ຂ້າພະເຈົ້າໄດ້ເຂົ້າເຖິງເສົາທຸງໃນຂະນະທີ່ຍັງມີລູກປືນຢ່າງຫຼວງຫຼາຍຖືກຍິງໃສ່ເສົາທຸງ, ຕໍ່ຈາກນັ້ນປະມານ 15 ນາທີ , ການຍິງຕໍ່ສູ້ສິ້ນສຸດລົງ ”
ພຽງບໍ່ທໍໃດນາທີ ພາຍຫຼັງທຸງຊາດປົດປ່ອຍຖືກປັກຢູ່ ເກາະ ຊອງຕືໃຕ, ພວກທະຫານຫຸ່ນໄຊງອ່ນໄດ້ອອກຍອມຈຳນົນທັງໝົດ. ທ່ານຜູ້ອ່ານທີ່ເຄົາລົບ! ເກາະ ຊອງຕືໃຕ ໃນຊຸມມື້ຕົ້ນເດືອນເມສານີ້, ເບິ່ງຄືວ່າທ້ອງຟ້າແຈ່ມໃສກ່ວາຍ້ອນສີຂຽວຂອງນ້ຳທະເລ, ຂອງຕົ້ນໄມ້ໃບຫຍ້າພວມພາກັນແຕກດອກອອກໜໍ່ຢູ່ເກາະຊຶ່ງພວມໄດ້ຮັບການເວນຍາມຈາກພວກອ້າຍທະຫານຫວຽດນາມເພື່ອປົກປັກຮັກສາອະທິປະໄຕເຂດທະເລໝູ່ເກາະຂອງຫວຽດນາມ.