(ເປັນຄັ້ງທຳອິດມີງານປະກວດສຽງເພງພື້ນເມືອງສະຫງວນໃຫ້ຊາວ ຫວຽດນາມ ອາໄສຢູ່ຕ່າງປະເທດ)

ມີຊາວ ຫວຽດນາມ ອາໄສຢູ່ຕ່າງປະເທດກວ່າ 5,3 ລ້ານຄົນພວມດຳລົງຊີວິດ, ອອກແຮງງານຢູ່ກວ່າ 130 ປະເທດ ແລະ ເຂດແຄວ້ນໃນໂລກ. ແຕ່ລະມື້, ພໍ່ແມ່ປະຊາຊົນລ້ວນແຕ່ໃຊ້ພາສາ ຫວຽດ ຢູ່ນອກດິນແດນ ຫວຽດນາມ ແລະ ໄດ້ຮັບການສືບທອດຈາກ ຊາວ ຫວຽດນາມ ອາໄສຢູ່ຕ່າງປະເທດແຕ່ລຸ້ນນີ້ຫາລຸ້ນອື່ນ, ດ້ວຍຫຼາຍຮູບແບບທີ່ແຕກຕ່າງກັນ, ໃນນັ້ນມີການຂັບລຳທຳເພງພື້ນເມືອງ.

ເພື່ອຮັກສາ ແລະ ເສີມຂະຫຍາຍພາສາ ຫວຽດນາມ, ເປັນຄັ້ງທຳອິດມີງານປະກວດສຽງເພງພື້ນເມືອງສະຫງວນໃຫ້ຊາວ ຫວຽດນາມ ອາໄສຢູ່ຕ່າງປະເທດ ແລະ ເພື່ອນມິດສາກົນ ເຊິ່ງໄດ້ຈັດຂຶ້ນທາງວິທະຍຸກະຈາຍສຽງ ຫວຽດນາມ (VOV). ງານປະກວດໂດຍ VOV ສົມທົບກັບຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ຈັດຕັ້ງ, ເຊິ່ງໄດ້ຮັບການຕອບສະໜອງຈາກພໍ່ແມ່ພີນ້ອງຊາວ ຫວຽດນາມ ອາໄສຢູ່ 5 ທະວີບໃນໂລກ.

ໃນຄວາມຫຍຸ້ງຍາກຂອງໂລກລະບາດໂຄວິດ-19, ການຫາເງິນລ້ຽງຊີບ ແລະ ເຊື່ອມໂຍງເຂົ້າກັບການດຳລົງຊີວິດຢູ່ປະເທດປະຈຳຖິ່ນ, ຖ້າຫາກວ່າ ບັນດາປັດໃຈວັດທະນະທຳຂອງຊາດ ບໍ່ໄດ້ຮັບຄວາມເອົາໃຈໃສ່ຮັກສານັ້ນ ມັນຈະຄ່ອຍໆສູນຫາຍໄປ, ໂດຍສະເພາະແມ່ນພໍ່ແມ່ປະຊາຊົນຫວຽດນາມ ອາໄສຢູ່ຕ່າງປະເທດລຸ້ນຄົນທີ 2, ທີ 3. ການຮຽນ ແລະ ຂັບລຳທຳເພງພື້ນເມືອງໄດ້ຊ່ວຍໃຫ້ພໍ່ແມ່ປະຊາຊົນ ຫວຽດນາມ ອາໄສຢູ່ຕ່າງປະເທດຝຶກຝົນພາສາແມ່. ຜ່ານງານປະກວດ, ມີບົດເພງພື້ນເມືອງນັບຮ້ອຍບົດທີ່ເຂັ້ມຂຸ້ນໄປດ້ວຍວັດທະນະທຳກົກເຄົ້າເຫງົ້າກໍໄດ້ສ້າງຂີດໝາຍໃນສະຕິຄວາມຮັບຮູ້ ແລະ ນ້ຳໃຈຂອງຊາວ ຫວຽດນາມ ແຕ່ລະຄົນທີ່ອາໄສຢູ່ຫ່າງໄກຈາກບ້ານເກີດເມືອງນອນ. ບັນດາບົດເພງພື້ນເມືອງທ່ີ່ໄດ້ສົ່ງເຂົ້າຮ່ວມງານປະກວດແມ່ນເພງພື້ນເມືອງເກົ່າ, ເພງພື້ນເມືອງໃໝ່ຊຶ່ງໄດ້ຍ້ອງຍໍສັນລະເສິນຊີວິດ, ຄວາມຮັກຕໍ່ປະເທດຊາດ…

ເມື່ອຢູ່ຫ່າງໄກຈາກບ້ານເກີດເມືອງນອນ, ມີວິທີຊ່ວຍຫຼຸດຜ່ອນຄວາມຄິດຮອດບ້ານເກີດເມືອງນອນແມ່ນການເວົ້າ ແລະ ຮ້ອງເພງຫວຽດ. ຍ້ອນເຫດນັ້ນ, ສຽງຂັບຮ້ອງຂອງບັນດາສະມາຊິກ ເຖິງວ່າມ່ວນຫຼືບໍ່ ແຕ່ອາລົມຈິດນ້ຳໃຈການສະແດງລ້ວນແຕ່ຄ້າຍຄືກັນ. ຫງວຽນຟູກງອັກຮ່າ, ນັກສຶກສາ ຫວຽດນາມ ພວມຮ່ຳຮຽນຢູ່ ລັດເຊຍ, ແບ່ງປັນວ່າ:

“ນີ້ແມ່ນໂອກາດເພື່ອໃຫ້ບັນດານັກສຶກສາຄືພວກນ້ອງໄດ້ສະແດງຄວາມຮັກຕໍ່ບ້ານເກີດເມືອງນອນ, ປະເທດຊາດ ແລະ ກໍ່ໃນໂອກາດນີ້ເພື່ອໃຫ້ພວກນ້ອງໄດ້ມີຄວາມໃກ້ຊິດສະໜິດສະໜົມກັນກວ່າ ແລະ ພວກນ້ອງມີຄວາມເອກອ້າງທະນົງໃຈເມື່ອໄດ້ຂັບຮ້ອງບັນດາບົດເພງຍ້ອງຍໍສັນລະເສີນບ້ານເກີດເມືອງນອນໃຫ້ຫຼາຍຄົນຮັບຟັງ ແລະ ແນ່ນອນວ່າ ສິ່ງນັ້ນແມ່ນມີຄວາມໝາຍ ທີ່ສຸດ.ໃນໄລຍະເປັນນັກສຶກສາ ”

ມີຊາວ ຫວຽດນາມ ອາໄສຢູ່ຕ່າງປະເທດຫຼາຍລຸ້ນຄົນໄດ້ກຳເນີດ ແລະ ເຕີບໃຫຍ່ຢູ່ປະເທດເພື່ອນມິດ ແຕ່ຍັງເຂົ້າຮ່ວມງານປະກວດດັ່ງກ່າວ. ເຖິງວ່າເຂົາເຄົ້າຮ້ອງເພງ ແລະ ເວົ້າພາສາ ຫວຽດ ຍັງບໍ່ທັນຊັດເຈັນກໍ່ຕາມ, ແຕ່ດ້ວຍຈິດໃຈເຂົ້າຮ່ວມງານປະກວດຄືແນວນັ້ນສາມາດຢືນຢັນໄດ້ວ່າ ຄວາມຮັກຂອງພໍ່ແມ່ປະຊາຊົນ ຫວຽດນາມ ອາໄສຢູ່ຕ່າງປະເທດທີ່ມີຕໍ່ເພງພື້ນເມືອງແມ່ນໃຫຍ່ຫຼວງທີ່ສຸດ. ເພື່ອນ ເກີມກີນ, ຊາວ ຫວຽດນາມ ອາໄສຢູ່ ອີຕາລີ, ໃຫ້ຮູ້ວ່າ:

“ບັນດາບົດເພງພື້ນເມືອງ, ຂັບ ກາຍເລືອງ ແມ່ນຈຸດວັດທະນະທຳທີ່ມີມາແຕ່ດົນນານຂອງ ຫວຽດນາມ, ແມ່ນກຳລັງໜູນເພື່ອຊ່ວຍໃຫ້ພວກນ້ອງເຂົ້າຮ່ວມງານປະກວດ. ຈາກງານປະກວດ, ນ້ອງໄດ້ຮູ້ຈັກບົດເພງກ່ຽວກັບເຂດພາກທີ່ແຕກຕ່າງກັນຫຼາຍບົດຕື່ມອີກ. ຊາວ ຫວຽດນາມ ຍັງມີຫຼາຍຄົນມັກຟັງເພງພື້ນເມືອງນີ້ ແລະ ຈະສືບທອດໃຫ້ລຸ້ນລູກລຸ້ນຫລານ ບັນດາບົດເພງທີ່ຕິດພັນກັບບ້ານເກີດເມືອງນອນ ຫວຽດນາມ, ເພື່ອໃຫ້ບັນດາບົດເພງພື້ນເມືອງນີ້ບໍ່ຖືກສູນຫາຍໄປ”.

ທ່ານ ຫວູຊວນເຮີຍ, ຊາວ ຫວຽດນາມ ອາໄສຢູ່ ໄທ (ພາບ: NVCC)

ງານປະກວດນັກຮ້ອງຊາວ ຫວຽດນາມ ອາໄສຢູ່ຕ່າງປະເທດ ຮ້ອງເພງພື້ນເມືອງທາງ VOV ແມ່ນເວທີສະແດງທີ່ໄດ້ຮັບການລໍ້ຖ້າຢູ່ຕ່າງປະເທດ ຍ້ອນນີ້ແມ່ນໜຶ່ງໃນບັນດາປັດໃຈສ້າງສາງວັດທະນະທຳ ຫວຽດນາມ ທີ່ເຂັ້ມຂຸ້ນສີສັນ. ທ່ານ ຫວູຊວນເຮີຍ, ຊາວ ຫວຽດນາມ ອາໄສຢູ່ ໄທ, ແບ່ງປັນວ່າ:

“ແຕ່ລະເທື່ອ ເມື່ອຮັບຟັງເພງ ຫວຽດ ແຕ່ງໃໝ່ ຂ້າພະເຈົ້າໄດ້ຟັງຊ້ຳແລ້ວຊ້ຳອີກ ແລະ ຂັບຮ້ອງຕາມ. ເລື່ອງນີ້ໄດ້ຊ່ວຍໃຫ້ຂ້າພະເຈົ້າຮູ້ພາສາ ຫວຽດນາມ ຕື່ມອີກ. ຂ້າພະເຈົ້າຫວັງວ່າ, ຈະຈັດງານປະກວດນີ້ຫຼາຍກວ່າ ແລະ ຂ້າພະເຈົ້າຫວັງວ່າ ຈະໄດ້ປະກອບສ່ວນຢ່າງເລກໆນ້ອຍໆຂອງຕົນເຂົ້າໃນການຮັກສາສີສັນວັດທະນະທຳພາສາ ຫວຽດ ກັບບ້ານເກີດເມືອງນອນ ຫວຽດນາມ”.

ໂດຍໄດ້ປຸກລະດົມນັບແຕ່ກາງເດືອນ ພຶດສະພາ 2021, ພາຍຫຼັງເວລາເກືອບ 6 ເດືອນແຫ່ງການຜັນຂະຫຍາຍ, ງານປະກວດໄດ້ຮັບບົດເພງເຂົ້າຮ່ວມການປະກວດ ຂອງຜູ້ເຂົ້າຮ່ວມນັບຮ້ອຍບົດ ຈາກການຮ້ອງເພງ, ສະແດງເປັນກຸ່ມ, ສະໂມສອນ, ບັນດາບົດເພງສະແດງໃຫ້ຫັນການຝຶກແອບຢ່າງສຸມຈິດສຸມໃຈ ພ້ອມກັບເທບວີດີໂອແຜ່ພາບທີ່ສວຍງາມ. ທ່ານ ຮ່ວາງດິ່ງລິງ, ຫົວໜ້າກົມຖະແຫຼງຂ່າວວັດທະນະທຳ, ຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ, ສະມາຊິກຄະນະຈັດຕັ້ງງານປະກວດ, ຖືວ່າ:

“ງານປະກວດແມ່ນການເລີ່ມຕົ້ນອັນດີງາມ ສ້າງພື້ນຖານທີ່ມີຄຸນຄ່າທາງດ້ານຈິດໃຈຂອງຊາດ ແລະ ສ້າງເວທີວັດທະນະທຳທີ່ຕັ້ງໜ້າໃນປະຊາຄົມຊາວ ຫວຽດນາມ ອາໄສຢູ່ຕ່າງປະເທດ. ຄະນະກຳມະການຊາວ ຫວຽດນາມ ອາໄສຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ຫວັງວ່າ ງານປະກວດຈະແມ່ນຂີດໝາຍເປີດສາກສຳຄັນໃຫ້ແກ່ບັນດາການເຄື່ອນໄຫວວັດທະນະທຳຂອງ VOV ເວົ້າລວມ ແລະ ບັນດາເຫດການວັດທະນະທຳມຸ່ງໄປສູ່ປະຊາຄົມຊາວ ຫວຽດນາມ ອາໄສຢູ່ຕ່າງປະເທດ ເວົ້າສະເພາະ”.

ງານປະກວດນັກຮ້ອງຊາວ ຫວຽດນາມ ອາໄສຢູ່ຕ່າງປະເທດ ທາງ VOV ໄດ້ຈັດຂຶ້ນ ບໍ່ເພື່ອຄວາມຫວັງຊອກຫານັກຮ້ອງສຽງດີ, ສິ່ງສຳຄັນແມ່ນເພື່ອໃຫ້ຊາວ ຫວຽດນາມ ອາໄສຢູ່ຕ່າງປະເທດມີຄວາມສະໜິດຕິດພັນຕື່ມອີກ.ແລະ ອວາຍໜ້າເມືອຫາບ້ານເກີດເມືອງນອນ, ປະເທດຊາດອີກດ້ວຍ.