(vovworld) - ມີຫຼາຍວິທີເພື່ອຊອກຮູ້ກ່ຽວກັບການປະຕິວັດເດືອນ 8/1945, ແຕ່ບ່ອນແນະນຳໄລຍະເວລາປະຫວັດສາດຂອງການປະຕິວັດທີ່ ເຮັດໃຫ້ຊາຕາກຳຂອງຊາດຫວຽດນາມ ມີການປ່ຽນແປງຢ່າງສົມບູນທີ່ສຸດ ນັ້ນແມ່ນຫ້ອງວາງສະແດງເລກ 9 ຂອງຫໍພິພິດທະພັນປະຫວັດສາດຫວຽດນາມຢູ່ຖະໜົນ ຕົນດານ ຮ່າໂນ້ຍ
ຫໍພິພິດທະພັນປະຫວັດສາດຫວຽດນາມຢູ່ຖະໜົນ ຕົນດານ ຮ່າໂນ້ຍ
(ພາບ: google.com.vn)
ຫ້ອງວາງສະແດງກວ້າງປະມານ 100 ຕາລາງແມັດ. ພວກເຮົາມາແຫ່ງນີ້ໃນຍາມແລງແຕ່ຍັງຄົງເຫັນວ່າໃນຫ້ອງວາງສະແດງມີຜູ້ມາຊົມເປັນຈຳນວນຫຼວງຫຼາຍຢູ່. ເອື້ອຍ Cam Phuong, ພະນັກງານຫ້ອງໂຄສະນາ ແລະ ສຶກສາຂອງຫໍພິພິດທະພັນ, ພວມຢືນຢູ່ຕໍ່ໜ້າແຜນທີ່ຂະໜາດໃຫຍ່, ເພື່ອແນະນຳໃຫ້ຜູ້ຊົມໜ່ວຍໜຶ່ງ.
”ນີ້ແມ່ນແຜນທີ່ການລຸກຮຶ້ນຂຶ້ນຍາດເອົາອຳນາດການປົກຄອງຢູ່ບັນດາແຂວງ, ນະຄອນເມື່ອເດືອນ 8/1945. ແຜນທີ່ນີ້ແນະນຳການລຸກຮຶ້ຂຶ້ນແຕ່ເໜືອຮອດໃຕ້ຄື: ຢູ່ຮ່າໂນ້ຍເມື່ອວັນທີ 19-8, ເຫວ໋ ເມື່ອວັນທີ 23-8 ແລະ ໄຊງ່ອນເມື່ອວັນທີ 25-8 ແລະ ບ່ອນຊ້າທີ່ສຸດແມ່ນວັນທີ 28-8. ບ່ອນດຳເນີນກ່ອນໝູ່ແມ່ນວັນທີ 16-8. ເປັນອັນວ່າພາຍໃນເວລາພຽງ 2 ສັບປະດາເທົ່ານັ້ນ, ການປະຕິວັດໄດ້ສຳເລັດຜົນໃນຂອບເຂດທົ່ວປະເທດ ”
ຄຽງຂ້າງແຜນທີ່ດັ່ງກ່າວມີບັນດາວັດຖຸພັນຄື: ກ່ຽວ, ຄ້ອນຕີ, ງ້າວ ໄມ້ເທົ້າ… ແມ່ນອາວຸດປະຖົມປະຖານເຊິ່ງປະຊາຊົນໃນທົ່ວປະເທດໄດ້ນຳໃຊ້ໃນການລຸກຮຶ້ຂຶ້ນຍາດເອົາອຳນາດການປົກຄອງເມື່ອເດືອນ 8/1945. ມີຮູບພາບຫຼາຍແຜ່ນຖືກຖ່າຍໃນຈຸດເວລາປະຊາຊົນຫວຽດນາມພ້ອມກັນລຸກຮຶ້ຂຶ້ນຍາດເອົາເອກະລາດ… ນອກນັ້ນຍັງມີທັງບັນດາວັດຖຸພັນທີ່ຕິດພັນກັບຊີວິດປະຈຳວັນຂອງນັກຮົບປະຕິວັດ. ອັນໄດ້ເຮັດໃຫ້ຜູ້ຊົມຮູ້ສຶກສະເທືອນໃຈ… ເມື່ອຊົມບັນດາວັດຖຸພັນນີ້, Tran Hong Anh ນັກສຶກສາມະຫາວິທະຍາໄລພາສາຕ່າງປະເທດ - ເຫວ໋, ໃຫ້ຮູ້ວ່າ:
ຮູບພາບຖືກຖ່າຍໃນຈຸດເວລາປະຊາຊົນຫວຽດນາມພ້ອມກັນລຸກຮຶ້ຂຶ້ນຍາດເອົາເອກະລາດ
(ພາບ: google.com.vn) ”ນ້ອງຮູ້ສຶກນິຍົມນັບຖືການຕໍ່ສູ້ອັນຍືດເຍື້ອຍາວນານ ແລະ ທຸກຍາກລຳບາກນີ້. ເຖິງວ່າອາວຸດຂອງກອງທັບ ແລະ ປະຊາຊົນຫວຽດນາມແມ່ນປະຖົມປະຖານທີ່ສຸດ ແຕ່ຍັງຄົງຕີເອົາຊະນະສັດຕູຄືຝລັ່ງ, ອາເມລິກາ ໄດ້. ລຸ້ນພໍ່, ລຸ້ນອ້າຍຂອງພວກເຮົາຕ້ອງນອງເລືອດຫຼາຍທີ່ສຸດເພື່ອຍາດເອົາເອກະລາດໃນທຸກວັນນີ້ ”.
ຢູ່ບ່ອນສຳຄັນທີ່ສຸດໃນຫ້ອງວາງສະແດງຕັ້ງຮູບປັ້ນປະທານ ໂຮ່ຈີມິນ ພວມອ່ານຖະແຫຼງປະກາດເອກະລາດ. ໃນຫ້ອງນີ້, ແຂກມາຢາມຈະໄດ້ຮັບຊົມຮູບເງົາວັນປະກາດເອກະລາດສະຖາປະນາປະເທດ 2-9-1945, ເຊິ່ງແມ່ນຜົນງານອັນໃຫຍ່ຫຼວງທີ່ສຸດຂອງການລຸກຮຶ້ຂຶ້ນຍາດເອົາອຳນາດການປົກຄອງໃນຂອບເຂດທົ່ວປະເທດ.
ຮູບປັ້ນປະທານ ໂຮ່ຈີມິນ ພວມອ່ານຖະແຫຼງປະກາດເອກະລາດ
(ພາບ: google.com.vn) ພາຍຫຼັງມາຢ້ຽມຢາມຫໍພິພິດທະພັນປະຫວັດສາດຫວຽດນາມ, ນາງ Ezabeth, ນັກທ່ອງທ່ຽວມາຈາກອົດສະຕາລີ, ໃຫ້ຮູ້ວ່າ:
”ເປັນເທື່ອທຳອິດທີ່ຂ້າພະເຂົ້າມາແຫ່ງນີ້, ເພື່ອຊອກຮູ້ກ່ຽວກັບປະຫວັດສາດຂອງຫວຽດນາມ, ຂ້າພະເຈົ້າມີຄວາມເຂົ້າໃຈສ່ວນໃດສ່ວນໜຶ່ງກ່ຽວກັບຄວາມມານະພະຍາຍາມສູ້ຮົບເພື່ອປົກປັກຮັກສາປະເທດຊາດ ແລະ ຍາດເອົາເອກະລາດ, ເສລີພາບຂອງຊາດຫວຽດນາມ. ພິເສດ, ພາຍໃຕ້ການຊີ້ນຳນຳພາທີ່ປີຊາສາມາດຂອງປະທານ ໂຮ່ຈີມິນ, ຈາກປະເທດໜຶ່ງທີ່ເປັນຂ້ອຍຂ້າ, ຫວຽດນາມໄດ້ບືນຕົວຂຶ້ນ ກາຍເປັນປະເທດສັນຕິພາບ ແລະ ພັດທະນາ.”
ໄລ່ມາຮອດລະດູບານໃໝ່ປີນີ້, ບັນດາວັດຖຸພັນທຳມະດາສາມັນໃນຫ້ອງວາງສະແດງ ເລກ 9 ໄດ້ປະກອບສ່ວນເລົ່າຄືນເລື່ອງລາວອັນມະຫັດສະຈັນກ່ຽວກັບການປະຕິວັດເດືອນ 8/1945, ເຊິ່ງແມ່ນໄລຍະເວລາທີ່ລຸ້ນພໍ່ລຸ້ນອ້າຍໄດ້ໂຄ່ນລົ້ມແອກປົກຄອງຂອງລ່າເມືອງຂຶ້ນ ຟາດຊິດ, ນຳປະເທດຫວຽດນາມ ຈາກປະເທດຂ້ອຍຂ້າລຸກຂຶ້ນເປັນເຈົ້າຊາຕາກຳຂອງຕົນ.