ສະມາຄົມຊາວກະສິກອນນະຄອນຮ່າໂນ້ຍ ມອບຂອງຂວັນໃຫ້ບັນດາຄອບຄົວທຸກຍາກ (ພາບ: Ngọc Anh/VOV5)

   ໂດຍໄດ້ປະຕິບັດລາຍການ “ສາຍຈິດມິດໃຈຊາວກະສິກອນ-ສາມັກຄີ ແລະ ແບ່ງປັນ”, ໃນໄລຍະປະຕິບັດການແຍກຫ່າງສັງຄົມ, ສະມາຄົມຊາວກະສິກອນນະຄອນຮ່າໂນ້ຍ ໄດ້ຂົນຂວາຍພະນັກງານ, ສະມາຊິກ ສະໜັບສະໜູນກອງທຶນປ້ອງກັນ, ຕ້ານໂລກລະບາດໂຄວິດ 19 ດ້ວຍຈຳນວນເງິນກ່ວາ 5 ຕື້ດົ່ງ; ສະໜັບສະໜູນກອງທຶນສະກັດກັ້ນໂຄວິດ 19 ເກືອບ 6 ຕື້ດົ່ງ. ທ່ານນາງ ຟ້າມຫາຍຮວາ, ປະທານ ສະມາຄົມຊາວກະສິກອນນະຄອນຮ່າໂນ້ຍ ໃຫ້ຮູ້ວ່າ:

    ຫຼາຍຮູບແບບປະດິດຄິດສ້າງຂອງ ຊາວກະສິກອນນະຄອນຮ່າໂນ້ຍ ໄດ້ຮັບການປະຕິບັດຢ່າງມີປະສິດທິຜົນຄື: ໜ່ວຍເຊື່ອມຕໍ່ຈຳໜ່າຍຜະລິດຕະພັນກະເສດ, ຮ້ານຂາຍເຄື່ອງ 0 ດົ່ງໃຫ້ຜູ້ທຸກຍາກ. ສະມາຄົມທຸກຂັ້ນ ໄດ້ເຊື່ອມຕໍ່ການຈຳໜ່າຍຜະລິດຕະພັນກະເສດນັບພັນໂຕນ, ໜູນຊ່ວຍຜັກຂຽວກ່ວາ 70 ໂຕນໃຫ້ບັນດາເມືອງພາຍໃນນະຄອນ, ສົມທົບກັບຄະນະຊາວໜຸ່ມນະຄອນ ຈັດລາຍການລ້ານຄາບເຂົ້າຮ່າໂນ້ຍ ແຫ່ງສາຍຈິດສາຍໃຈ, ທັງຕັ້ງໜ້າທຳການຜະລິດ, ທັງເຂົ້າຮ່ວມສະໜັບສະໜູນເງິນນັບຮ້ອຍລ້ານດົ່ງ, ມອບຂອງຂວັນໃຫ້ກຳລັງແນວໜ້າປ້ອງກັນໂລກລະບາດ, ຜູ້ອອກແຮງງານທຸກຍາກ.

  ສະມາຄົມຊາວກະສິກອນບັນດາເມືອງ, ເທດສະບານຕາແສງ ໄດ້ຈັດຫຼາຍການເຄື່ອນໄຫວທີ່ມີຄວາມໝາຍ. ພົ້ນເດັ່ນແມ່ນ ສະມາຄົມຊາວກະສິກອນເມືອງແທັງອວາຍ ໄດ້ເປີດຮ້ານວາງຂາຍ, ແນະນຳ, ເຊື່ອມຕໍ່ການຈຳໜ່າຍຜະລິດຕະພັນຢູ່ເທດສະບານກີມບ່າຍ, ສະມາຄົມຊາວກະສິກອນເມືອງອຶງຮ່ວາ ໄດ້ເປີດສະຫຼອງ ແລະ ມອບເງິນກໍ່ສ້າງເຮືອນ “ສາຍຈິດມິດໃຈຂອງຊາວກະສິກອນ”; ເປີດຮ້ານວາງຂາຍເຊື່ອມຕໍ່ແນະນຳ ແລະ ຈຳໜ່າຍຜະລິດຕະພັນກະເສດ ຢູ່ເທດສະບານເມືອງເວິນດິນ. ທ່ານຟ້າມວັນຮຸ່ງ, ປະທານສະມາຄົມຊາວກະສິກອນເມືອງຝູຊວຽນ ໃຫ້ຮູ້ວ່າ:

     ສະມາຄົມຊາວກະສິກອນເມືອງຝູຊວຽນ ສະໜັບສະໜູນຜັກ, ໝາກໄມ້ປະເພດຕ່າງໆໃຫ້ບັນດາເມືອງໃນນະຄອນ ແລະ ເມືອງອື່ນໆທີ່ມີການຜັນແປອັນສັບສົນຂອງພະຍາດ ດ້ວຍປະລິມານກ່ວາ 20 ໂຕນ ແລະ ຜະລິດຕະພັນກະເສດອື່ນໆເກືອບ 10 ໂຕນ ເພື່ອແບ່ງປັນຄວາມຫຍຸ້ງຍາກສວ່ນໃດສ່ວນໜຶ່ງ ກັບບ່ອນເກີດການແຜ່ລະບາດຢ່າງສັບສົນຢູ່ນະຄອນຮ່າໂນ້ຍ.

   ໄລ່ຮອດຈຸດເວລານີ້, ສະມາຄົມຊາວກະສິກອນນະຄອນຮ່າໂນ້ຍ ທຸກຂັ້ນ ໄດ້ໄປຢ້ຽມຢາມ, ມອບຂອງຂັວນໃຫ້ກຳລັງແນວໜ້າປ້ອງກັນ, ຕ້ານໂລກລະບາດ, ຜູ້ຖືກຜົນສະທ້ອນຈາກໂລກລະບາດໂຄວິດ 19 ລວມທັງເງິນ ແລະ ວັດຖຸດ້ວຍມູນຄ່າທັງໝົດກ່ວາ 12 ຕື້ດົ່ງ. ພິເສດ, ໃນໄລຍະເກີດໂລກລະບາດ ແຕ່ລະບົບສະໜອງຜະລິດຕະພັນກະເສດໃຫ້ແກ່ນະຄອນບໍ່ໄດ້ຂາດວັກຂາດຕອນ. ທ່ານນາງ ຫງວຽນທິແທັງ ປະທານສະມາຄົມຊາວກະສິກອນເມືອງຮ່ວາຍດຶກ ເລົ່າສູ່ຟັງວ່າ:

  ສະມາຄົມຊາວກະສິກອນພວກຂ້າພະເຈົ້າທຸກຂັ້ນ ໄດ້ສ້າງຕັ້ງບັນດາໜ່ວຍຈຳໜ່າຍຜະລິດຕະພັນກະເສດຈາກເມືອງຮອດຕາແສງ. ພວກຂ້າພະເຈົ້າໄດ້ເຊື່ອມຕໍ່ກັບບັນດາທ້ອງຖິ່ນໃນເມືອງ ເພື່ອປະສານງານ ກໍ່ຄືເຊື່ອມຕໍ່ກັບສະມາຄົມຊາວກະສິກອນນະຄອນຮ່າໂນ້ຍ, ບັນດາສະມາຄົມ, ອົງການຈັດຕັ້ງ, ໝູ່ຄະນະຢູ່ເມືອງອື່ນໆ. ຜະລິດຕະພັນກະເສດໃນເມືອງທີ່ຈຳໜ່າຍບໍ່ໝົດ ຈະສົ່ງໄປຂາຍຢູ່ເມືອງອື່ນ ຫຼືຊ່ວຍຈຳໜ່າຍຜະລິດຕະພັນຂອງເມືອງອື່ນຄື: ຊື້ກົບຂອງເມືອງ ແທັງອວຍ, ໜໍ່ໄມ້ຂອງເມືອງບາວີ່.

   ໂດຍໄດ້ຕອບສະໜອງລາຍການ “ຂອງຂວັນລ້ານພູດ-ຜະລິດຕະພັນກະເສດພັນໂຕນ” ໂດຍສູນກາງສະມາຄົມຊາວກະສິກອນຫວຽດນາມ ປຸກລະດົມນັ້ນ, ສະມາຄົມຊາວກະສິກອນນະຄອນຮ່າໂນ້ຍ ໄດ້ມອບເງິນຊ່ວຍເຫຼືອສະມາຄົມຊາວກະສິກອນນະຄອນໂຮ່ຈີມິນ, ສະມາຄົມຊາວກະສິກອນແຂວງບິນເຢືອງ ແລະ ສະມາຄົມຊາວກະສິກອນແຂວງດົ່ງນາຍ, ແຕ່ລະຫົວໜ່ວຍ 50 ລ້ານດົ່ງ. ໄດ້ປະກົດມີຫຼາຍແບບຢ່າງຊາວກະສິກອນດີເດັ່ນ ໃນການຜະລິດ ດຳເນີນທຸລະກິດ, ພ້ອມກັນຜ່ານຜ່າຄວາມຫຍຸ້ງຍາກໃນໄລຍະເກີດໂລກລະບາດ. ເອື້ອຍຫວູ້ທິຢຸງ, ຫົວໜ້າສາຂາອາຊີບຕັດຫຍິບຕາແສງ ກາວວຽນ, ເມືອງແທັງອວາຍ ໃຫ້ຮູ້ວ່າ:

   ພວກຂ້າພະເຈົ້າໄດ້ສ້າງຕັ້ງກຸ່ມຕິດຕໍ່ສະເພາະໃນສື່ສັງຄົມ ຢາໂລ, ເມື່ອມີສິນຄ້າປະເພດໃໝ່, ຮູບແບບໃໝ່ກໍ່ເອົາລົງໃນ ຢາໂລ, ແບ່ງປັນຂໍ້ມູນຕ່າງໆຄື: ແຫຼ່ງວັດຖຸດິບ, ລາຄາ ແລະ ລາຄາຂາຍກໍ່ໄດ້ຂາຍຕາມລາຄາທີ່ໄດ້ກຳນົດ.

    ສະມາຄົມຊາວກະສິກອນນະຄອນຮ່າໂນ້ຍ ໄດ້ ແລະ ພວມຮ່ວມເດີນທາງພ້ອມກັບຊາວກະສິກອນ, ພ້ອມທັງໜູນຊ່ວຍ, ແບ່ງປັນຄວາມຫຍຸ້ງຍາກກັບຊາວກະສິກອນ ດ້ວຍບັນດາວຽກງານທີ່ແທດຈິງ. ຈິດໃຈ “ຮັກແພງ ຊ່ວຍເຫຼືອຊື່ງກັນ ແລະ ກັນ” ແມ່ນການລະດົມກຳລັງໃຈອັນໃຫ່ຍຫຼວງ ເພື່ອໃຫ້ທຸກຄົນ ພ້ອມກັນຜ່ານຜ່າຄວາມຫຍຸ້ງຍາກຍ້ອນໂລກລະບາດກໍ່ຂຶ້ນ ເພື່ອສ້າງຊີວິດການເປັນຢູ່ເປັນປົກກະຕິ./.