ເກັບກຽວໝາກກະທັນຢູ່ຕາແສງທ້ວນຮວາ

    ໝາກກະທັນແມ່ນໝາກໄມ້ເຂດຮ້ອນທີ່ໄດ້ປູກຫຼາຍ ຢູ່ເຂດທົ່ງພຽງແມ່ນ້ຳຂອງທາງພາກໃຕ້ຫວຽດນາມ. ໝາກກະທັນ ຊອັກຈັງ ມີສີຂຽວງາມຕາ, ເມື່ອສຸກແລ້ວກາຍເປັນສີເຫຼືອງສົດ, ມີທາດວີຕາມິນຊີຫຼາຍ, ກອບ, ຫວານກ່ວາໝາກກະທັນຊະນິດອື່ນໆ. ແຕ່ລະປີ, ໝາກກະທັນ ຊອັກຈັງ ຈະເກັບກ່ຽວໄດ້ 2 ຄັ້ງ, ຄັ້ງທີ 1 ແມ່ນລະດູແທ້ຂອງມັນເຊິ່ງເລີ່ມແຕ່ເດືອນມິຖຸນາ ຫາເດືອນສິງຫາ ແລະ ຄັ້ງທີ 2 ແມ່ນແຕ່ເດືອນພະຈິກ ໄປຫາເດືອນທັນວາ.

ຄອບຄົວທ່ານ ເລຮ່ວາງມາຍ ຢູ່ບ້ານ ຊາເບົາ, ຕາແສງທ້ວນຮວ່າ, ເມືອງເຈົາແທັງ ມີເນື້ອທີ່ດິນ 4.000 m²  ປູກຕົ້ນກະທັນ 300 ຕົ້ນ. ປະຈຸບັນ, ສວນໝາກກະທັນຂອງທ່ານ ພວມຢູ່ໃນລະດູເກັບກ່ຽວແຕ່ລະມື້ສາມາດເກັບກ່ຽວໄດ້ແຕ່ 200 ຫາ 300 ໂລ, ລູກຄ້າໄດ້ເກັບຊື້ດ້ວຍລາຄາແຕ່ 15.000 - 25.000  ດົ່ງອີງຕາມແຕ່ລະຊະນິດ. ເພື່ອເພີ່ມສະມັດຕະພາບດ້ານເສດຖະກິດ, ທ່ານ ມາຍ ໄດ້ປູກຕົ້ນກະທັນ ສະຫຼັບໃສ່ກັບຕົ້ນກະທັນຊະນິດໜຶ່ງຂອງ ໄທ ທີ່ໃຫ້ສະມັດຕະພາບສູງ, ສະນັ້ນ ຈຶ່ງໄດ້ເກັບກ່ຽວຕະຫຼອດປີ.

   ແຕ່ລະມື້, ຂ້າພະເຈົ້າຕ້ອງໄດ້ຫົດນ້ຳ, ເມື່ອຕົ້ນຍັງນ້ອຍປະມານເຄິ່ງເດືອນກໍ່ຈະສີດຢາຂ້າສັດຕູພືດເທື່ອໜຶ່ງ. ສະມັດຕະພາບແມ່ນຕ້ອງຂຶ້ນກັບດິນຟ້າອາກາດ. ຖ້າດິນຟ້າອາກາດເອື້ອຍອຳນວຍ ກໍ່ຈະມີສະມັດຕະພາບດີກ່ວາ, ສ່ວນປີໃດດິນຟ້າອາກາດບໍ່ເອື້ອອຳນວຍ, ແດດຮ້ອນແກ່ຍາວ ຜົນຜະລິດກໍ່ຈະບໍ່ໄດ້ຫຼາຍ. ປີນີ້ບັນລຸສະມັດຕະພາບສູງກ່ວາ ເມື່ອທຽບກັບທຸກປີ.

   ປູກຕົ້ນກະທັນ ຊອັກຈັງ ແມ່ນບໍ່ຍາກ, ພຽງແຕ່ຕ້ອງນຳໃຊ້ເຕັກນິກໃຫ້ຖືກຕ້ອງ, ຕັດຕອນງ່າ, ໃຊ້ຝຸ່ນ, ສີດຢາຂ້າສັດຕູພືດນັ້ນ…ຈຶ່ງຈະບັນລຸສະມັດຕະພາບສູງ. ໝາກທັນແຕ່ລະຕົ້ນຈະເກັບກ່ຽວໄດ້ປະມານ 30-35 ໂລ. ທ່ານ ເຈິ່ນຮ່ວາງຫວູ້, ຢູ່ບ້ານ ຊາເບົາ, ຕາແສງທ້ວນຮວ່າ, ເມືອງເຈົາແທັງ ແມ່ນຜູ້ມີປະສົບການໃນການປູກຕົ້ນກະທັນ ຊອັກຈັງ ເປັນເວລາ 21 ປີ. ໃນເນື້ອທີ່ດິນ 1,5ha, ທ່ານໄດ້ປູກຕົ້ນກະທັນກ່ວາ 1200 ຕົ້ນ. ຄຽງຄູ່ກັນນັ້ນ, ທ່ານໄດ້ລົງທຶນຊື້ຕາໜ່າງມາປົກຄຸມອ້ອມຕົ້ນໝາກກະທັນໄວ້ 100 ຕົ້ນ ເພື່ອຫຼີກລ້ຽງບໍ່ໃຫ້ແມງໄມ້ກິນ, ສະນັ້ນ, ຕົ້ນກະທັນຂອງທ່ານ ຈຶ່ງໃຫ້ສະມັດຕະພາບສູງ ແລະ ຄຸນນະພາບດີ. ທ່ານ ເຈິ່ນຮ່ວາງຫວູ້ ໃຫ້ຮູ້ວ່າ:

ຕາມປົກກະຕິແລ້ວໃນລະດູແລ້ງມັກຂາດນ້ຳ ສະນັ້ນຕ້ອງໄດ້ຫົດນ້ຳ ແລະ ໃສ່ຝຸ່ນໃຫ້ຫຼາຍ ຈຶ່ງຈະດີຕໍ່ລຳຕົ້ນ ແລະ ເປັນໝາກຫຼາຍ. ລະດູເກັບກ່ຽວໝາກກະທັນປີນີ້ ກໍ່ຂາຍໄດ້ລາຄາສູງກ່ວາທຸກປີ ຄືແຕ່ 3000-4000 ດົ່ງ/ໂລ.

ເພື່່ອໃຫ້ຕົ້ນກະທັນ ຊອັກຈັງ ມີສົ້ນອອກເປັນປົກກະຕິ ແລະ ຮ່ວມສຳພັນບັນດາຄອບຄົວປູກນັ້ນ, ຕາແສງທ້ວນຮວ່າ ໄດ້ສ້າງຕັ້ງສະຫະກອນໝາກກະທັນ ຊື່ງມີ 16 ຄອບຄົວເຂົ້າຮ່ວມ, ໄດ້ປູກຕົ້ນກະທັນໃນເນື້ອທີ່ດິນເກືອບ 10 ha. ໃນໄລຍະຈະມາເຖິງ, ທາງສະຫະກອນ ຈະຂົນຂວາຍເອົາຄອບຄົວທີ່ຍັງເຫຼືອ ເຂົ້າຮ່ວມສະຫະກອນ ເພື່ອມຸ່ງໄປເຖິງການປູກຕົ້ນກະທັນ ໃຫ້ໄດ້ຕາມມາດຖານ OCOP. ທ່ານ ຮິງແທັງດຶ້ງ ຮອງປະທານຄະນະກຳມະການ ປຊຊ ຕາແສງທ້ວນຮວ່າ ໃຫ້ຮູ້ວ່າ:

ໃນໄລຍະຜ່ານມາ, ການເກັບກ່ຽວໝາກກະທັນໃນບໍລິເວນຕາແສງ ໄດ້ຮັບຜົນດີທີ່ສຸດ. ສະເລ່ຍແລ້ວໃນເນື້ອທີ່ດິນປູກຕົ້ນກະທັນ 1 ha ການເກັບກ່ຽວໝາກກະທັນ ຈະສ້າງລາຍຮັບໄດ້ແຕ່ 200-225 ລ້ານດົ່ງ. ຄຽງຂ້າງນັ້ນ, ແມ່ນໄດ້ແກ້ໄຂວຽກເຮັດງານທຳໃຫ້ຜູ້ອອກແຮງງານຢູ່ທ້ອງຖິ່ນອີກດ້ວຍ. ໃນໄລຍະຈະມາເຖິງ, ພວກຂ້າພະເຈົ້າ ຈະສືບຕໍ່ຂົນຂວາຍພໍ່ແມ່ປະຊາຊົນ, ຊາວກະສິກອນ ປັບປຸງສວນທີ່ບໍ່ໃຫ້ປະສິດທິຜົນສູງ ເພື່ອປູກຊະນິດຕົ້ນໄມ້ທີ່ມີຄຸນຄ່າດ້ານເສດຖະກິດສູງ, ໃນນັ້ນມີຕົ້ນກະທັນ. ຄະນະກຳມະການ ປຊຊ ຕາແສງ ໄດ້ສົມທົບກັບຫ້ອງການກະສິກຳ ແລະ ພັດທະນາຊົນນະບົດເມືອງ ຈັດຊຸດຝຶກອົບຮົມ ຖ່າຍຖອດວິທະຍາສາດເຕັກນິກການປູກຕົ້ນກະທັນ ໃຫ້ແກ່ ປຊຊ ແລະ ສົມທົບກັບຂະແໜງທີ່ກ່ຽວຂ້ອງ ເພື່ອຊອກຫາສົ້ນອອກ ແລະ ສ້າງຮູບແບບຮ່ວມສຳພັນ ເພື່ອຮັບຊື້ຜະລິດຕະພັນໃຫ້ແກ່ ປຊຊ, ເຮັດໃຫ້ເຂົາເຈົ້າມີຄວາມອຸ່ນອ່ຽນໃຈທຳການຜະລິດ.

ຕາແສງ ທ້ວນຮວ່າ ມີ 24 ຄອບຄົວປູກຕົ້ນກະທັນ, ສ່ວນຫຼາຍແມ່ນຢູ່ບ້ານ ຊາເບົາ, ຈ່າແກັງ ແລະ ຈ່າກິດ. ຕົ້ນກະທັນແມ່ນໜຶ່ງໃນບັນດາຕົ້ນໄມ້ຕົ້ນຕໍ ໄດ້ນຳມາເຊິ່ງແຫຼ່ງລາຍຮັບເປັນປົກກະຕິ ໃຫ້ແກ່ ປຊຊ ຕາແສງ ທ້ວນຮວ່າ.