(vovworld) - ໃນຍຸດທະສາດພັດທະນາຊັບພະຍາກອນມະນຸດຫວຽດນາມໄລຍະ 2011 – 2020. ລັດຖະບານຫວຽດນາມ ກຳນົດວ່າ: ຊັບພະຍາກອນມະນຸດແມ່ນພື້ນຖານ ແລະ ທ່າສະດວກສຳຄັນທີ່ສຸດເພື່ອພັດທະນາປະເທດຊາດຢ່າງໝັ້ນຄົງ, ເຊື່ອມໂຍງເຂົ້າກັບສາກົນ ແລະ ຮັກສາສະຖຽນລະພາບທາງສັງຄົມ. ລະບົບບັນດາໂຮງຮຽນອາຊີວະຫວຽດນາມ ມີບົດບາດສຳຄັນເພື່ອຍົກສູງຄວາມສາມາດແກ່ງແຍ້ງຂອງຊັບພະຍາກອນຫວຽດນາມ ໃຫ້ເທົ່າກັບບັນດາປະເທດໃນພາກພື້ນ.
(ພາບ: khucongnghiep)
ປະຈຸບັນ, ຫວຽດນາມ ມີວິທະຍາໄລ 167 ແຫ່ງ, ໂຮງຮຽນຊັ້ນກາງ 306 ແຫ່ງ ແລະ ສູນກໍ່ສ້າງວິຊາຊີບ 875 ແຫ່ງ. ຄິດສະເລ່ຍແຕ່ລະປີ, ລະບົບບັນດາໂຮງຮຽນກໍ່ສ້າງວິຊາຊີບຮັບນັກຮຽນໄດ້ປະມານ 200.000 ຄົນ. ບັນດາໂຮງຮຽນສອນວິຊາຊີບຖືກຈັດຕັ້ງຢູ່ບັນດາແຂວງ, ນະຄອນລົງສູ່ຕາແສງ, ບັນດາໝູ່ບ້ານອາຊີບ ແລະ ໃນວິສາຫະກິດຕ່າງໆ... ໄດ້ສ້າງເງື່ອນໄຂສະດວກກວ່າໃຫ້ຜູ້ອອກແຮງງານສຳພັດກັບການບໍລິການກໍ່ສ້າງວິຊາຊີບ. ໄລຍະ 2011-2015, ທົ່ວປະເທດມີ 12 ລ້ານຄົນໄດ້ຮັບການບຳລຸງສ້າງ 34 ວິຊາຊີບ, ເຂົາເຈົ້າມີລະດັບເທົ່າກັບຄົນງານຂອງບັນດາປະເທດພັດທະນາ. ແຫຼ່ງທຶນໃຫ້ແກ່ການກໍ່ສ້າງວິຊາຊີບແມ່ນພັດທະນາຕາມທ່າອ່ຽງຫັນເປັນສັງຄົມ, ຮາກຖານກໍ່ສ້າງວີຊາຊີບເອກະຊົນເພີ່ມຂຶ້ນຢ່າງວ່ອງໄວ, ໃນເບື້ອງຕົ້ນຕອບສະໜອງໄດ້ຄວາມຕ້ອງການຂອງຕະຫຼາດແຮງງານ, ເໝາະສົມກັບຍຸດທະສາດພັດທະນາຊັບພະຍາກອນມະນຸດ ແລະ ແຜນການພັດທະນາເສດຖະກິດ - ສັງຄົມ. ທ່ານ ຫງວຽນຮົ່ງມິງ, ຮອງຫົວໜ້າກົມໃຫຍ່ກໍ່ສ້າງວິຊາຊີບ, ກະຊວງແຮງງານ - ທະຫານເສຍອົງຄະ ແລະ ສັງຄົມ, ໃຫ້ຮູ້:
“ປະຕິບັດບັນດາມາດຕະການນີ້, ຮາກຖານກໍ່ສ້າງວິຊາຊີບຕ້ອງມີພາກສ່ວນໜຶ່ງຮັບຜິດຊອບໜ້າທີ່ພົວພັນກັບບັນດາວິສາຫະກິດ. ລັດອາດຈະມີກົນໄກໜູນຊ່ວຍທຶນ ຫຼືສະໜອງຂໍ້ມູນກ່ຽວກັບຄວາມຕ້ອງການກໍ່ສ້າງວິຊາຊີບໃຫ້ບັນດາວິສາຫະກິດ, ເພາະວ່າບັນດາຮາກຖານກໍ່ສ້າງວິຊາຊີບ, ກໍ່ຄືວິສາຫະກິດອາດຈະບໍ່ກຳໄດ້ຄວາມຕ້ອງການກໍ່ສ້າງວີຊາຊີບໃດໜຶ່ງຫຼືຂົງເຂດໃດໜຶ່ງ, ດັ່ງນັ້ນຕ້ອງສະໜອງຂໍ້ມູນໃຫ້ບັນດາອົງການຂອງລັດ“.
ໃນ 10 ປີມານີ້, ກະຊວງແຮງງານ - ທະຫານເສຍອົງຄະ ແລະ ສັງຄົມໄດ້ສົມທົບກັບບັນດາກະຊວງ, ຂະແໜງການ, ສະຖາບັນ ແລະ ວິສາຫະກິດສ້າງ 164 ຫຼັກສູດສອນວິຊາຊີບລະດັບວິທະຍາໄລ, ຊັ້ນກາງ ແລະ ນັບຮ້ອຍລາຍການສອນວິຊາຊີບໄລຍະສັ້ນ. ມີຫຼາຍໂຮງຮຽນຍັງເປັນເຈົ້າການໃນການທາບທາມບັນດາຫຼັກສູດສອນວິຊາຊີບຂອງຕ່າງປະເທດ, ເພື່ອຊ່ວຍນັກຮຽນຍົກສູງຄວາມສາມາດນຳໃຊ້ບັນດາອຸປະກອນ ແລະ ເຕັກໂນໂລຢີທີ່ທັນສະໄໝຢ່າງມີປະສິດທິຜົນ. ຕໍ່ໜ້າຄວາມຕ້ອງການສູງຂອງຕະຫຼາດແຮງງານຢູ່ເຂດທົ່ງພຽງແມ່ນ້ຳຂອງ, ບັນດາໂຮງຮຽນກໍ່ສ້າງວິຊາຊີບຊັ້ນວິທະຍາໄລ ແລະ ຊັ້ນກາງ ແລະ ບັນດາຮາກຖານສອນວິຊາຊີບຢູ່ແຂວງ ແລະ ນະຄອນຕ່າງໆໃນເຂດ ໄດ້ມີການພົວພັນກັບວິສາຫະກິດໃນເຂດກ່ຽວກັບຄວາມສາມາດຕອບສະໜອງ ແລະ ຄວາມຕ້ອງການ. ຍຸດທະສາດຂອງລະບົບໂຮງຮຽນອາຊີວະໃນທົ່ວເຂດເອົາໃຈໃສ່ເປັນພິເສດເຖິງການເສີມຂະຫຍາບົດບາດຂອງວິສາຫະກິດໃນການກໍ່ສ້າງແຫຼ່ງຊັບພະຍາກອນມະນຸດທີ່ມີລະດັບເຕັກນິກ, ເຕັກໂນໂລຢີຢູ່ທ້ອງຖີ່ນຕ່າງໆ; ກໍ່ສ້າງຖັນແຖວຄູອາຈານສອນວິຊາຊີບໃນໂຮງຮຽນຕ່າງໆໃຫ້ບັນລຸມາດຕະຖານ ແລະ ການອັບເດັດຄວາມຮູ້ຂອງຄົນງານ. ຮອງສາສະດາຈານ, ປະລິຍາເອກ ໂດວັນຢຸງ, ອະທິການບໍດີມະຫາວິທະຍາໄລສ້າງຄູດ້ານເຕັກນິກນະຄອນໂຮ່ຈິມິນ, ໃຫ້ຮູ້ວ່າ:
“ມະຫາວິທະຍາໄລສ້າງຄູດ້ານເຕັກນິກນະຄອນໂຮ່ຈີມິນ ແມ່ນໂຮງຮຽນທຳອິດຢູ່ພາກໃຕ້ມີີສູນກໍ່ສ້າງວິຊາຊີບໂດຍກົງຜ່ານເຄືອຂ່າຍອິນເຕີແນດ, ລັດຖະບານອາເມລິກາ ໄດ້ອຸປະຖຳໃຫ້ໂຮງຮຽນ 250.000 USD ເພື່ອມີຫ້ອງ camera 3D. ເມື່ອບັນດາຄູສອນຈາກມະຫາວິທະຍາໄລສ້າງຄູນະຄອນໂຮ່ຈີມິນ ສອນກ່ຽວກັບຂົງເຂດເຕັກນິກໃໝ່, ຖ້າຫາກມີ ACCoun, ບັນດາຄູສອນໃນເຂດຕາເວັນຕົກສ່ຽງໃຕ້ນີ້ກໍ່ສາມາດຊົມໂດຍກົງໄດ້“.
(ພາບ: khucongnghiep) ການພັດທະນາເຄືອຂ່າຍສອນວິຊາຊີບ, ດ້ວຍ 1.500 ຮາກຖານ, ສາມາດກໍ່ສ້າງວິຊາຊີບໃຫ້ນັກຮຽນໄດ້ 2.300.000 ກວ່າຄົນ ເພື່ອຕອບສະໜອງຄວາມຕ້ອງການຂອງວິສາຫະກິດ ແລະ ຕະຫຼາດແຮງງານ, ນັ້ນແມ່ນຄາດໝາຍທີ່ກົມໃຫຍ່ກໍ່ສ້າງວິຊາຊີບ (ກະຊວງແຮງງານ-ທະຫານເສຍອົງຄະ ແລະ ສັງຄົມ) ໄດ້ວາງອອກໃນປີ 2015. ທ່ານ ເຢືອງດຶກເລິນ, ຫົວໜ້າກົມໃຫຍ່ກໍ່ສ້າງວິຊາຊີບ, ກະຊວງແຮງງານ-ທະຫານເສຍອົງຄະ ແລະ ສັງຄົມ, ໃຫ້ຮູ້ວ່າ, ປີ 2015, ການກໍ່ສ້າງວິຊາຊີບຈະສືບຕໍ່ໄດ້ຮັບການປ່ຽນໃໝ່ໂດຍພື້ນຖານ, ຮອບດ້ານຕາມທິດໂອນໂຮງຮຽນວິຊາການຊັ້ນກາງ ແລະ ຊັ້ນວິທະຍາໄລເຂົ້າກັບລະບົບກໍ່ສ້າງວິຊາຊີບ, ສ້າງເປັນລະບົບອາຊີວະສຶກສາທີ່ທັນສະໄໝ, ສະໜອງແຫຼ່ງຊັບພະຍາກອນມະນຸດທີ່ມີຄຸນນະພາບສູງ. ທ່ານ ເຢືອງດຶກເລິນ, ໃຫ້ຮູ້ວ່າ:
“ຄຸນນະພາບແຫຼ່ງຊັບພະຍາກອນມະນຸດສຳຄັນທີ່ສຸດໃນສະພາບການທີ່ພວກເຮົາພວມເຊື່ອມໂຍງເຂົ້າກັບພາກພື້ນ ແລະ ສາກົນ. ຕາມແຜນງານຂອງລັດຖະບານ, ພວກຂ້າພະເຈົ້າຈະກໍ່ສ້າງບັນດາໂຮງຮຽນອາຊີວະທີ່ມີຄຸນນະພາບສູງເຖິງປີ 2020. ນີ້ແມ່ນບັນດາປັດໃຈຮັບປະກັນໃຫ້ແກ່ການເຊື່ອມໂຍງໃນພາກພື້ນ, ກໍ່ສ້າງວິຊາຊີບທີ່ມີຄຸນນະພາບສູງ, ນຳໃຊ້ທ່າສະດວກໃນການແກ່ງແຍ້ງ“.
ຍຸດທະສາດພັດທະນາຊັບພະຍາກອນມະນຸດຫວຽດນາມ ໄລຍະ 2011 – 2020 ໄດ້ວາງຄາດໝາຍເຖິງປີ 2020 ຕ້ອງກໍ່ສ້າງໂຮງຮຽນອາຊີວະທີ່ມີລະດັບເທົ່າກັບສາກົນໃຫ້ໄດ້ຢ່າງໜ້ອຍສຸດແມ່ນ 10 ແຫ່ງ, ສ້າງແຫຼ່ງຊັບພະຍາກອນມະນຸດທີ່ມີຄວາມສາມາດແກ່ງແຍ້ງໃນຕະຫຼາດແຮງງານຢູ່ພາກພື້ນ ແລະ ສາກົນ. ຫວຽດນາມ ໄດ້ ແລະ ພວມເຊື່ອມໂຍງເຂົ້າກັບເສດຖະກິດສາກົນ, ປ່ຽນໃໝ່ການກໍ່ສ້າງວິຊາຊີບ ເພື່ອຕອບສະໜອງ