(vovworld) -
ພາຍຫຼັງປູກຕົ້ນອະງຸ່ນ ແລະ ສ້າງເຄື່ອງໝາຍອະງຸ່ນ ບາມ້ອຍ ມາເປັນເວລາຫຼາຍປີ. ປະຈຸບັນ, ມື້ໃດທົ່ງອະງຸ່ນຂອງທ່ານ ບາມ້ອຍ ຢູ່ຕາແສງເຟືອກທ້ວນ, ເມືອງນິງເຟືອກ, ແຂວງນິງທ້ວນ ກໍ່ຕ້ອນຮັບນັກທ່ອງທ່ຽວມາຢ້ຽມຢາມຫຼາຍຄົນ. ຈາກທົ່ງອະງຸ່ນທີ່ເປັນຮູບແບບທອງທ່ຽວຊີວະພາບນີ້, ຄອບຄົວທ່ານໄດ້ປະກອບສ່ວນໜູນຊ່ວຍໂຄງການກໍ່ສ້າງຊົນນະບົດໃໝ່ຢູ່ນິງທ້ວນ.
ທ່ານບາມ້ອຍກັບທ່ົງອະງຸ່ນຂອງຕົນ
(ພາບ: ອິນເຕີແນດ)
ຢູ່ນິງທ້ວນ ຜູ້ໃດກໍ່ຮູ້ຈັກເຖິງທ່ານ ບາມ້ອຍ, ແຕ່ລະມື້ມີນັກທ່ອງທ່ຽວນັບຮ້ອຍຄົນໄດ້ມາຢ້ຽມຢາມ ແລະ ຖ່າຍຮູບທົ່ງອະງຸ່ນຂອງທ່ານ. ພິເສດ, ນັກທ່ອງທ່ຽວຍັງໄດ້ຊິມໝາກອະງຸ່ນສົດ, ເຫຼົ້າອະງຸ່ນໂດຍບໍ່ຕ້ອງເສຍຄ່າ ແລະ ຊື້ຜະລິດຕະພັນຈາກໝາກອະງຸ່ນອີກ. ປະຈຸບັນ, ໝາກອະງຸ່ນ ບາມ້ອຍບໍ່ພຽງແຕ່ໄດ້ຮັບການຮູ້ຈັກເຖິງຄືດັ່ງຜະລິດຕະພັນພິເສດຂອງນິງທ້ວນເທົ່ານັ້ນ, ຫາກຍັງກາຍເປັນເຄື່ອງໝາຍການຄ້າທີ່ມີຊື່ສຽງຂອງທົ່ວປະເທດອີກດ້ວຍ.
ດ້ວຍບົດຮຽນໃນການປູກຕົ້ນອະງຸ່ນມາເປັນເວລາເກືອບ 30 ປີ, ທົ່ງອະງຸ່ນຂອງທ່ານ ບາມ້ອຍ ບໍ່ພຽງແຕ່ໃຫ້ສະມັດຕະພາບສູງເທົ່ານັ້ນ, ຫາກຍັງຮັບປະກັນຜະລິດຕະພັນໃຫ້ແກ່ຜູ້ຊົມໃຊ້ອີກດ້ວຍ. ພິເສດ, ທ່ານ ບາມ້ອຍ ຍັງປະຕິບັດການພັດທະນາກະສິກຳໄດ້ດີ (VietGAP) ສຳເລັດຜົນ ແລະ ໄດ້ຮັບໃບຢັ້ງຢືນ VietGAP ຈາກສູນຄົ້ນຄ້ວາ ແລະ ນຳໃຊ້ເຕັກໂນໂລຢີເຂດຮ້ອນອີກດ້ວຍ. ນີ້ກໍ່ແມ່ນບາດລ້ຽວເພື່ອໃຫ້ເຄື່ອງໝາຍໝາກອະງຸ່ນ ບາມ້ອຍ ນັບມື້ນັບມີຊື່ສຽງ. ເມື່ອໂອ້ລົມກັບນັກທ່ອງທ່ຽວ, ທ່ານໃຫ້ຮູ້ວ່າ:
“VietGAP ບໍ່ແມ່ນໄມ້ຖູ່ເທວະດາເພື່ອຊ່ວຍຊາວກະສິກອນແຕ່ພັດສ້າງເງື່ອນໄຂໃຫ້ຊາວກະສິກອນສົ່ງຜະລິດຕະພັນຂອງຕົນເຖິງຜູ້ຊົມໃຊ້ ແລະ ຢືນຢັນໄດ້ວ່າ ນີ້ແມ່ນຜະລິດຕະພັນທີ່ມີຄຸນນະພາບ, ງາມ ແລະ ຮັບປະກັນສຸຂະອະນາໄມ. ຍ້ອນເຫດນັ້ນ, ຜູ້ຊົມໃຊ້ຈຶ່ງອູ່ນອ່ຽນໃຈເມື່ອນຳໃຊ້ຜະລິດຕະພັນຂອງຕົນ”.
ໝາກອະງຸ່ນທີ່ປູກຕາມຮູບແບບ VietGAPຂອງທ່ານບາມ້ອຍ
(ພາບ: ອິນເຕີແນດ)
ແຕ່ລະປີ, ທົ່ງອະງຸ່ນຂອງທ່ານສາມາດເກັບກ່ຽວໝາກອະງຸ່ນໄດ້ 2 ລະດູການ, ດ້ວຍສະມັດຕະພາບແຕ່ 10-15 ໂຕນ/ເຮັກຕາ/ລະດູການ, ສາມາດເກັບລາຍຮັບໄດ້ແຕ່ 150 – 200 ລ້ານດົ່ງ/ເຮັກຕາ. ດ້ວຍຄວາມສາມາດຂອງຕົນ, ທ່ານ ບາມ້ອຍ ສາມາດຍົກສະມັດຕະພາບອະງຸ່ນຂຶ້ນສູງກວ່າ, ແຕ່ສິ່ງທີ່ທ່ານເອົາໃຈໃສ່ທີ່ສຸດນັ້ນແມ່ນຕ້ອງຍົກສູງຄຸນນະພາບໝາກອະງຸ່ນຂຶ້ນຕື່ມ, ສ້າງບາດກ້າວບຸກທະລຸໃນການພັດທະນາກະສິກຳ.ຈາກນັ້ນປ່ຽນໃໝ່ໂສມໜ້າຊົນນະບົດຂອງແຂວງນິງທ້ວນ. ທ່ານ ບາມ້ອຍ, ໃຫ້ຮູ້ວ່າ:
“ມາຮອດປະຈຸບັນ, ພວກຂ້າພະເຈົ້າໄດ້ຮ່ວມສຳພັນກັບບັນດາຄອບຄົວຊາວກະສິກອນໃນເຂດ. ຢູ່ແຂວງ ນິງທ້ວນ, ມີເນື້ອທີ່ປູກຕົ້ນອະງຸ່ນຕາມມາດຕະຖານ VietGAP 200 ກວ່າເຮັກຕາເພື່ອສະໜອງໝາກອະງຸ່ນໃຫ້ຕະຫຼາດ. ຂ້າພະເຈົ້າເຊື່ອໝັ້ນວ່າ, ດ້ວຍການປູກຕົ້ນອະງຸ່ນຕາມ ມາດຕະຖານ VietGAP ນັ້ນ, ຊາວກະສິກອນບໍ່ພຽງແຕ່ລົບລ້າງຄວາມອຶດຫີວຫຼຸດຜ່ອນຄວາມທຸກຍາກໄດ້ເທົ່ານັ້ນ, ຫາກເຂົາເຈົ້າຍັງສາມາດເປີດທິດທຳມາຫາກິນໃໝ່ໄດ້ອີກດ້ວຍ “.
ໝາກອະງຸ່ນແຂວງນິງທ້ວນ
(ພາບ: ອິນເຕີແນດ)
ດ້ວຍເລື່ອງນຳໃຊ້ເຕັກໂນໂລຢີສຳຄັນ 3 ຢ່າງນັ້ນແມ່ນ: “ຜະລິດອະງຸ່ນຮັບປະກັບຂຸຂະອະນາໄມ“, “ຜະລິດເຫຼົ້າແວງໃນຄອບຄົວ“ ແລະ “ຜະລິດນຳ້ອະງຸ່ນ, ເມຶດອະງຸ່ນ“, ຊາວກະສິກອນນັບຮ້ອຍຄອບຄົວ, ດ້ວຍເນື້ອທີ່ 1.100 ເຮັກຕາ ຢູ່ແຂວງນິງທ້ວນ, ສະໜອງຜະລິດຕະພັນທີ່ບັນລຸມາດຕະຖານໃຫ້ບັນດາຮາກຖານຜະລິດ, ປຸງແຕ່ງອະງຸ່ນ ບາມ້ອຍ. ບໍ່ພຽງແຕ່ໄດ້ຮັບຜົນສຳເລັດໃນເບື້ອງຕົ້ນຄືດັ່ງກ່າວເທົ່ານັ້ນ, ທ່ານ ບາມ້ອຍ ຍັງສະແດງຄວາມປາຖະໜາຢາກນຳເຄື່ອງໝາຍອະງຸ່ນບາມ້ອຍ ກໍ່ຄືໝາກອະງຸ່ນ ນິງທ້ວນ ເຖິງຕະຫຼາດສາກົນອີກດ້ວຍ. ໃນຕໍ່ໜ້າ, ທ່ານຈະສ້າງຮູບແບບຜະລິດໝາກອະງຸ່ນທີ່ທັນສະໄໝຕາມມາດຕະຖານ EurepGap ຂອງຊະວິດ. ດ້ວຍລະບົບການຜະລິດຄົບວົງຈອນ ເພື່ອຮັບປະກັນສົ້ນອອກໃຫ້ໝາກອະງຸ່ນນິງທ້ວນ.
ການສົມທົບລະຫວ່າງການປູກອະງຸ່ນກັບການທ່ອງທ່ຽວຊີວະພາບ ແມ່ນຮູບແບບເພື່ອໃຫ້ເຄື່ອງໝາຍອະງຸ່ນ ບາມ້ອຍ ເວົ້າສະເພາະ, ແລະ ອະງຸ່ນນິງທ້ວນ ນັບມື້ນຫບມີຊື່ສຽງໃນປະຊາຄົມ. ທ່ານ ບາມ້ອຍ ຖືວ່າ, ນີ້ກໍ່ແມ່ນເສັ້ນທາງລວມເພື່ອໃຫ້ຜະລິດຕະພັນກະເສດປະເພດອື່ນຢູ່ເຂດຊົນນະບົດແຂວງນິງທ້ວນ ປະສົບຜົນສຳເລັດ.