(ພາບປະກອບ)
(vovworld) - ພາຍຫຼັງ 3 ປີແຫ່ງການຜັນຂະຫຍາຍໂຄງການກໍ່ສ້າງຊົນນະບົດໃໝ່, ປະຈຸບັນ, ນະຄອນຮ່າໂນ້ຍ ໄດ້ນຳໜ້າທົ່ວປະເທດ ດ້ວຍ 50 ຕາແສງປະຕິບັດສຳເລັດໂຄງການກໍ່ສ້າງຊົນນະບົດໃໝ່, 178/386 ຕາແສງບັນລຸໄດ້ແຕ່ 14-18 ມາດຖານກ່ຽວກັບການກໍ່ສ້າງຊົນນະບົດໃໝ່ໂດຍພື້ນຖານ. ໂສມໜ້າຊົນນະບົດນັບມື້ນັບໃຫຍ່ໂຕ ແລະ ສວຍງາມ, ສີວິໄລກວ່າ, ຊີວິດຂອງຊາວກະສິກອນຢູ່ນະຄອນກໍ່ໄດ້ຮັບການຍົກສູງຂຶ້ນເທື່ອລະກ້າວ. ຈຸດພົ້ນເດັ່ນຂອງຮ່າໂນ້ຍໃນການກໍ່ສ້າງຊົນນະບົດໃໝ່ນັ້ນແມ່ນຖືການສ້າງເຂດທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກແມ່ນຂອດບຸທະລຸ.
ເມື່ອກັບເມືອຢາມບ້ານເກີດຢູ່ຕາແສງກື້ເຄ, ເມືອງແທງອວາຍ, ຮ່າໂນ້ຍ, ປ້າ ຈິ້ງທິຮື້ວຄ໋ວາດ, ອາຍຸ 80 ປີ, ປະຈຸບັນອາໄສຢູ່ເຮືອນເລກ 370, ລາແທ່ງ, ເມືອງດົ໋ງດາ ຮູ້ສຶກເອກອ້າງທະນົງໃຈທີ່ສຸດຕໍ່ການປ່ຽນໃໝ່ຂອງບ້ານເກີດເມືອງນອນ. ກ່ອນນີ້ພຽງສອງ, ສາມປີເທົ່ານັ້ນ, ເມື່ອກັບເມືອຢາມບ້ານແຕ່ລະເທື່ອ ເຫັນວ່າ ການໄປມາປະສົບກັບຄວາມຫຍຸ້ງຍາກຫຼາຍ, ທາງເປັນຕົມ, ບໍ່ມີໄຟຟ້າເຍືອງທາງ. ດັ່ງນັ້ນເມື່ອຮູ້ໃນໂຄງການກໍ່ສ້າງຊົນນະບົດໃໝ່ມີການບູລະນະສ້ອມແປງຖະໜົນຫົນທາງ, ສ້າງຄອງເໝືອງເອົານຳ້ເຂົ້າທົ່ງນາ… ເຖິງວ່າອອກຈາກບ້ານເກີດເມືອງນອນມາເປັນເວລານັບສິບປີແລ້ວກໍ່ຕາມ, ປ້າຍັງຕັ້ງໜ້າປະກອບສ່ວນ.
“ປະຈຸບັນແມ່ນຕ່າງກັບກ່ອນນີ້ຫຼາຍ, ບັນດາເສັ້ນທາງໃນໝູ່ບ້ານລ້ວນແຕ່ເຮັດດ້ວຍເບຕົງຢ່າງສະອາດ,ສວຍງາມ ແລະ ມີໄຟຟ້າເຍືອງທາງອີກ, ລົດໂອໂຕຄັນນ້ອຍກໍ່ສາມາດເຂົ້າໄປເຖິງແຕ່ລະຄອບຄົວໄດ້. ຊີວິດຂອງປະຊາຊົນກໍ່ດີຂຶ້ນພໍສົມຄວນ“.
ບໍ່ພຽງແຕ່ຢູ່ຕາແສງກື້ເຄ ເທົ່ານັ້ນ, ຫາກປະຈຸບັນຢູ່ຮ່າໂນ້ຍກໍ່ໄດ້ມີ 50 ຕາແສງບັນລຸມາດຖານຊົນນະບົດໃໝ່, ທັງແມ່ນທ້ອງຖີ່ນນຳໜ້າກ່ຽວກັບຈຳນວນຕາແສງບັນລຸມາດຖານໃນທົ່ວປະເທດ. ເພື່ອບັນລຸໄດ້ຜົນງານດັ່ງກ່າວ, ນັບແຕ່ເລີ່ມປະຕິບັດໂຄງການເມື່ອປີ 2010, ຄະນະຊີ້ນຳການພັດທະນາຊົນນະບົດ, ກໍ່ສ້າງຊົນນະບົດໄລຍະ 2011-2015, ໄດ້ເລືອກເຟັ້ນວຽກງານສ້າງທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກເປັນຂອດບຸກທະລຸ. ເພື່ອກໍ່ສ້າງຊົນນະບົດໃໝ່ຕ້ອງມີແບບວິທີຍົກສູງປະສິດທິຜົນການຜະລິດກະສິກຳ, ນຳໃຊ້ກົນຈັກເຂົ້າໃນການຜະລິດກະສິກຳ, ສ້າງເປັນເຂດປູກຝັງສະເພາະທີ່ມີປະສິດທິຜົນສູງ, ສ້າງແຫຼ່ງທຶນຢ່າງໝັ້ນຄົງເພື່ອກໍ່ສ້າງຊົນນະບົດໃໝ່. ສິ່ງດັ່ງກ່າວຮຽກຮ້ອງໃຫ້ມີການວາງແຜນກຳນົດພື້ນຖານໂຄງລ່າງ, ກິດຈະກຳສະຫວັດດີການໃນໄລຍະຍາວໃຫ້ເຂດຊົນນະບົດ. ທ່ານ ຫງວຽນກົງຊ໋ວາຍ, ຫົວໜ້າຄະນະຊີ້ນຳການກໍ່ສ້າງຊົນນະບົດໃໝ່, ນະຄອນຮ່າໂນ້ຍ, ໃຫ້ຮູ້ວ່າ:
“ປະສິດທິຜົນດີທີ່ສຸດນັ້ນແມ່ນກົນໄກນະໂຍບາຍເພື່ອປະຕິບັດວຽກງານສ້າງເປັນທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກ, ກໍ່ສ້າງພື້ນຖານໂຄງລ່າງໃນເຂດຊົນນະບົດ. ເຖິງວ່າການສ້າງເປັນທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກບໍ່ແມ່ນມາດຖານໃນການກໍ່ສ້າງຊົນນະບົດໃໝ່ກໍ່ຕາມ, ແຕ່ຖ້າຫາກບໍ່ປະຕິບັດວຽກງານນີ້, ການຜະລິດຕາມແຜນກຳນົດ,ເພື່ອຍົກສູງຄຸນນະພາບຜະລິດຕະພັນກະເສດແມ່ນຍາກທີ່ຈະປະຕິບັດໄດ້, ດັ່ງນັ້ນພວກຂ້າພະເຈົ້າຈຶ່ງເດັດດ່ຽວສຸມໃສ່ວຽກງານສ້າງເຂດທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກ “.
ເລື່ອງສ້າງເຂດທົ່ງນາຂະໜາດໃຫຍ່ ແລະ ຫັນປ່ຽນຜົນລະປູກ, ໃນເບື້ອງຕົ້ນໄດ້ຮັບການປະຕິບັດຢູ່ຕາແສງໜຶ່ງຕາມລາຍການຂອງສູນກາງ, ຕໍ່ມາກໍ່ຜັນຂະຫຍາຍການປະຕິບັດຢູ່ 3 ຕາແສງຂອງນະຄອນ, ຫຼັງຈາກນັ້ນແມ່ນປະຕິບັດຢູ່ບັນດາຕາແສງທີ່ເປັນແບບຢ່າງຂອງເມືອງ. ທ່ານ ດິງກວານຊານ, ປະທານຄະນະກຳມະການປະຊາຊົນຕາແສງດົງໂລ໋, ເມືອງອຶ໋ງຮ່ວາ, ໃຫ້ຮູ້ວ່າ:
“ການສ້າງເຂດທົ່ງນາຂະໜາດໃຫຍ່ຊ່ວຍໃຫ້ປະຊາຊົນຫັນປ່ຽນຜົນລະປູກຢ່າງສະດວກ. ບ່ອນໃດເລິກແມ່ນປູກເຂົ້າ, ລ້ຽງປາ, ລ້ຽງເປັດ, ບ່ອນໃດພື້ນທີ່ສູງແມ່ນປູກຕົ້ນໄມ້ກິນໝາກ, ປູກພືດ. ການເຮັດວຽກງານກະສິກຳກໍ່ສະດວກສະບາຍກວ່າ, ກ່ອນນີ້ການການດຳນາ ແລະ ເກັບກ່ຽວເຂົ້າຕ້ອງເສຍເວລານັບເປັນເດືອນກໍ່ບໍ່ແລ້ວ, ແຕ່ປະຈຸບັນພຽງແຕ່ເຮັດໃນເວລາໜຶ່ງສັບປະດາກໍ່ແລ້ວ“.
ພ້ອມກັບວິວັດການກໍ່ສ້າງຊົນນະບົດໃໝ່, ໂສມໜ້າເຂດຊົນນະບົດຂອງນະຄອນຫຼວງກໍ່ໄດ້ຮັບການປັບປຸງ ແລະຍົກລະດັບຢ່າງບໍ່ຢຸດຢັ້ງ. ປະຈຸບັນ, ຮ່າໂນ້ຍພວມຜັນຂະຫຍາຍວຽກງານສະຫຼຸບຖອດຖອນບົດຮຽນຢູ່ບັນດາຕາແສງທີ່ໄດ້ປະຕິບັດສຳເລັດບັນດາມາດຖານໃນການກໍ່ສ້າງຊົນນະບົດໃໝ່, ຈາກນັ້ນສ້າງເປັນກຳລັງຂະຫຍາຍອອກສູ່ຕາແສງອື່ນໆ. ຄາດໝາຍກໍ່ສ້າງຊົນນະບົດໃໝ່ຂອງຮ່າໂນ້ຍໃນໄລຍະຈະມາເຖິງແມ່ນສຸມໃສ່ເຂົ້າໃນການພັດທະນາບັນດາຮູບແບບເສດຖະກິດທີ່ມີປະສິດທິຜົນສູງ; ປັບປຸງບົດບາດຂອງບັນດາສະຫະກອນ ແລະ ດຶງດູດ