(vovworld) – ໃນໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່, ບົດບາດຂອງປະຊາຊົນທັງເປັນເຈົ້າຂອງການກໍ່ສ້າງ, ທັງເປັນຜູ້ຊົມໃຊ້. ດັ່ງນັ້ນເພື່ອເຮັດໃຫ້ປະຊາຊົນຮ່ວມແຮງຮ່ວມໃຈ ກໍ່ສ້າງຊົນນະບົດໃໝ່, ວຽກງານໂຄສະນາ, ລະດົມຂົນຂວາຍມີຄວາມສຳຄັນທີ່ສຸດ. ໂດຍແມ່ນທ້ອງຖີ່ນຜະລິດກະສີກຳເປັນຕົ້ນຕໍ່, ພົນລະເມືອງສ່ວນຫຼາຍແມ່ນຊາວເຜົ່າຈຳ, ດັ່ງນັ້ນອຳນາດການປົກຄອງຕາແສງເຟືອກຫື້ວ, ເມືອງນິງເຟືອກ, ແຂວງນິງທ້ວນໄດ້ຖືເປັນສຳຄັນວຽກງານຂົນຂວາຍປະຊາຊົນ. ພາຍຫຼັງເຄື່ອນໄຫວມາເປັນເວລາ 1 ປີ, “ຮູບແບບໜ່ວຍຂົນຂວາຍປະຊາຊົນບ້ານ“ ໄດ້ປະກອບສ່ວນສົ່ງເສີມພະນັກງານ ແລະ ຊາວທ້ອງຖີ່ນສືບຕໍ່ປັບປຸງບັນດາມາດຖານກໍ່ສ້າງຊົນນະບົດໃໝ່.
ນິງທ້ວນໃນປະຈຸບັນ
(ພາບ: ອິນເຕີແນດ)
ໃນຊຸມປີກ່ອນນີ້, ເມື່ອຝົນຕົກ, ການໄປມາຂອງປະຊາຊົນບ້ານຫື້ວດຶກ, ຕາແສງເຟືອກຫື້ວປະສົບກັບຄວາມຫຍຸ້ງຍາກຫຼາຍຢ່າງ, ແຕ່ປະຈຸບັນ, ທາງຄົມມະ ນາຄົມໃນບ້ານກໍ່ຄືໃນຮ່ອມບ້ານລ້ວນແຕ່ໄດ້ຮັບການກໍ່ສ້າງດ້ວຍເບຕົງ, ປະກອບ ສ່ວນເຮັດໃຫ້ໂສມໜ້າຊົນນະບົດມີຄວາມສະອາດສວຍງາມຍິ່ງຂຶ້ນ. ເພື່ອບັນລຸໄດ້ຜົນງານດັ່ງກ່າວ, ໜ່ວຍຂົນຂວາຍປະຊາຊົນບ້ານຫື້ວດຶກ ໄດ້ຂົນຂວາຍ 16 ຄອບຄົວມອບທີ່ດິນ ແລະ ປະກອບທຶນຕາມອັດຕາສ່ວນ, ປະຊາຊົນປະກອບ 30%, ລັດສະຫງວນ 70%, ດ້ວຍມູນຄ່າກວ່າ 4 ຕື້ດົ່ງ ເພື່ອກໍ່ສ້າງທາງເບຕົງ, ພ້ອມທັງຂົນຂວາຍບັນດາຄອບຄົວຄ້າຂາຍຢູ່ຕະຫຼາດຫື້ວດຶກ ຍົກຍ້າຍໄປບ່ອນອື່ນ ເພື່ອກໍ່ສ້າງຕະຫຼາດໃໝ່ທີ່ມີມູນຄ່າ 5 ຕື້ດົ່ງ. ທ່ານຟູ໋ວັນດ່ຽນ, ເລຂາຄະນະພັກບ້ານຫື້ວດຶກ, ຕາແສງເຟືອກຫື້ວ, ເມືອງນິງເຟືອກ, ແຂວງນິງທ້ວນ, ໃຫ້ຮູ້ວ່າ:
“ພວກຂ້າພະເຈົ້າໄດ້ແບ່ງງານໃຫ້ບັນດາສະມາຊິກໃນໜ່ວຍຂົນຂວາຍປະຊາຊົນ, ບັນດາພະນັກງານໃນຄະນະຄຸ້ມຄອງບ້ານ ແລະ ອຳນາດການປົກຄອງ, ອົງການຈັດຕັ້ງມະຫາຊົນ, ໃນນັ້ນມີບັນດາຜູ້ອາຍຸສູງທີ່ມີອິດທິພົນຊື່ສຽງ ໄປຂົນຂວາຍທຸກຄອບຄົວ ເພື່ອສ້າງເງື່ອນໄຂໃຫ້ບັນດານັກປະມູນເຮັດທາງຊົນນະບົດ. ທີ່ສອງແມ່ນຂົນຂວາຍປະຊາຊົນສະຫງວນທີ່ດິນເພື່ອກໍ່ສ້າງທາງຄົມມະນາຄົມ“.
ກໍ່ສ້າງທາງບ້ານດ້ວຍເບຕົງຢູ່ແຂວງນິງທ້ວນ
(ພາບ: ອິນເຕີແນດ)
ໜ່ວຍຂົນຂວາຍປະຊາຊົນບ້ານຍັງຊຸກຍູ້ການພັດທະນາເສດຖະກິດກະສີກຳໃນບໍລິເວນຕາແສງຕາມທິດຜະລິດເປັນສິນຄ້າ, ໝູນໃຊ້ຄວາມກ້າວໜ້າດ້ານວິທະຍາສາດ, ເຕັກນິກເຂົ້າໃນການຜະລິດ. ບັນດາຮູບແບບຄື “ໝູນໃຊ້ກົນຈັກເຂົ້າໃນການຜະລິດ“… ໄດ້ຮັບການຂະຫຍາຍຢ່າງກວ້າງຂວາງຢູ່ຕາແສງ. ພິເສດ, ໃນຍາມເກັບກ່ຽວເຂົ້າລະດູໜາວຕໍ່ລະດູບານໃໝ່ຜ່ານມາ, ສະມັດຕະພາບເຂົ້າສະເລ່ຍໃນຕາແສງບັນລຸ 7 ໂຕນ/ເຮັກຕາ, ຍ້ອນເຫດນັ້ນໄດ້ປະກອບສ່ວນລົບລ້າງຄວາມອຶດຫີວ, ທຸກຍາກ, ນຳມາເຊິ່ງຄວາມອິ່ມໜຳສຳລານໃຫ້ແກ່ປະຊາຊົນ. ໜ່ວຍຂົນຂວາຍປະຊາຊົນບ້ານ ກໍ່ກຳໄດ້ແນວຄິດຈິດໃຈ, ຄວາມມຸ້ງມາດປາຖະໜາຂອງປະຊາຊົນ, ການພິພາດ, ຄວາມຂັດແຍ້ງໃນໝູ່ປະຊາຊົນເປັນປະຈຳ ເພື່ອລາຍງານຕໍ່ອຳນາດການປົກຄອງຢ່າງທັນການ, ພ້ອມທັງສະເໜີມາດຕະການຂົນຂວາຍ, ໄກ່ເກ່ຍອີກ. ນອກນັ້ນ, ໜ່ວຍຂົນຂວາຍປະຊາຊົນບ້ານຍັງຂົນຂວາຍຊາວໜຸ່ມທຸກຄົນທີ່ມີເງື່ອນໄຂຢ່າງພຽງພໍເຂົ້າເປັນທະຫານ. ທ່ານ ເຈິ່ນຍືຮູຍ, ຫົວໜ້າກອງຕຳຫຼວດຕາແສງເຟືອກຫື້ວ, ເມືອງນິງເຟືອກ, ແຂວງນິງທ້ວນ, ໃຫ້ຮູ້ວ່າ:
“ຜ່ານການປຸກລະດົມຂະບວນການຮັກສາຄວາມໝັ້ນຄົງຂອງປະເທດຄັ້ງຕ່າງໆ, ພວກຂ້າພະເຈົ້າໄດ້ຜັນຂະຫຍາຍກອງປະຊຸມຢ່າງເລິກເຊິ່ງກວ້າງຂວາງເຖິງແຕ່ລະບ້ານ. ກ່ອນນີ້, ເມື່ອບໍ່ທັນມີຮູບແບບນີ້, ສະພາບການໃນບ້ານສັບສົນຫຼາຍ, ພິເສດແມ່ນຄວາມສະຫງົບ, ຄວາມເປັນລະບຽບຮຽບຮ້ອຍ, ແລະ ຄວາມປອດໄພທາງຄົມມະນາຄົມໃນບ້ານ, ເມື່ອມີຮູບແບບນີ້ໄດ້ນຳມາເຊິ່ງສະຖຽນລະພາບ, ຄວາມສະຫງົບ, ຄວາມເປັນລະບຽບຮຽບຮ້ອຍໃຫ້ທ້ອງຖີ່ນ”.
ຜັນຂະຫຍາຍການປະຊຸມປຸກລະດົມການເຄື່ອນໄຫວຕ່າງໆໃນແຂວງ
(ພາບ: ອິນເຕີແນດ)
ຍ້ອນມີການປະກອບສ່ວນຢ່າງຕັ້ງໜ້າຂອງໜ່ວຍຂົນຂວາຍປະຊາຊົນບ້ານເຂົ້າໃນບັນດາໂຄງການຈຸດໝາຍແຫ່ງຊາດກ່ຽວກັບການກໍ່ສ້າງຊົນນະບົດໃໝ່. ມາຮອດປະຈຸບັນ, ຕາແສງເຟືອກຫື້ວ ບັນລຸໄດ້ 5/19 ມາດຖານກ່ຽວກັບການກໍ່ສ້າງຊົນນະບົດໃໝ່. ທ່ານ ລາວັນດຽມ, ຜູ້ຮັບຜິດຊອບໜ້າທີ່ຂົນຂວາຍປະຊາຊົນຕາແສງເຟືອກຫື້ວ, ໃຫ້ຮູ້ວ່າ:
“ພວກຂ້າພະເຈົ້າເຮັດວຽກງານຂົນຂວາຍປະຊາຊົນ, ດັ່ງນັ້ນຕ້ອງໂຄສະນາ ຄືແນວໃດໃຫ້ປະຊາຊົນເຂົ້າໃຈໄດ້ມາດຖານກໍ່ສ້າງຊົນນະບົດໃໝ່. ປີ 2013, ພວກຂ້າພະເຈົ້າສູ້ຊົນບັນລຸຕື່ມອີກ 2 ມາດຖານ, ປີ 2014, 2015 ພວກເຮົາສູ້ຊົນບັນລຸຕື່ມອີກແຕ່ 4 – 5 ມາດຖານ”.
ການເກັບກ່ຽວເຂົ້າຢູ່ແຂວງນິງທ້ວນໄດ້ຮັບຜົນດີ
(ພາບ: ອິນເຕີແນດ) ແຂວງນິງທ້ວນ ກຳນົດການກໍ່ສ້າງຊົນນະບົດໃໝ່ແມ່ນ “ບັ້ນຂົນຂວາຍ”, ແມ່ນການຮ່ວມແຮງຮ່ວມໃຈຂອງປະຊາຊົນ, ດັ່ງນັ້ນຕ້ອງເສີມຂະຫຍາຍບົດບາດຂອງວຽກງານ “ຂົນຂວາຍປະຊາຊົນ” ໃຫ້ດີ, ເພື່ອສ້າງຄວາມເຫັນດີເຫັນພ້ອມລະຫວ່າງແນວຄິດຂອງພັກ ຈິດໃຈຂອງປະຊາຊົນ, ເສີມຂະຫຍາຍຈິດໃຈກຸ້ມຕົນເອງ, ສ້າງຄວາມເຂັ້ມແຂງດ້ວຍຕົນເອງຂອງປະຊາຊົນ. ບັນດາແບບຢ່າງທີ່ດີໃນການຂົນຂວາຍປະຊາຊົນຢູ່ຕາແສງເຟືອກຫື້ວ, ເມືອງນິງທ້ວນ ພວມຂະຫຍາຍອອກຢ່າງກວ້າງຂວາງຢູ່ແຂວງນິງທ້ວນ.