(VOV)_ទិវាចាប់បដិសន្ធិសហគមន៍រួមអាស៊ានបានខិតជិតមកដល់។ ក្នុងនោះ
សរសរវប្បធម៌ សង្គម អាស៊ានដោយមានគោលដៅកសាងសហគមន៍បណ្ដាជន
ជាតិអាស៊ាន១ ប្រកបដោយសម្របសម្រួល សាមគ្គីភាព និងកសាងអត្តសញ្ញាណ
រួម១ របស់តំបន់ រហូតមកដល់ពេលបានសម្រេចជាង៩០%។ ដោយមានគ្រឹះដ្ឋាន
ទំនាក់ទំនងទ្វេភាគីដ៏រឹងមាំនេះរវាងវៀតណាមនិងប្រទេសនានាក្នុងតំបន់ វៀត
ណាមបានអះអាងនូវថានះរបស់ខ្លួន រួមចំណែកពង្រឹងនិងពង្រីកការយល់ដឹង
គ្នារវាងបណ្ដាជនជាតិអាស៊ាន ក្រោយរយៈពេល២០ឆ្នាំចូលរួមអាស៊ាន។
 |
| វៀតណាមរូមចំណែកកសាងសហគមន៍វប្បធម៌សង្គមអាស៊ាន |
លោកអ្នកនាងកំពុងស្ដាប់បណ្ដាសូរសម្លេង នៅក្នុងរាត្រីជួបប្រាស្រ័យវប្បធម៌
វិចិត្រសិល្បះ រវាងមាហាវិទ្យាល័យ Tadulako តំបន់ Sulawesi ឥណ្ឌូនេស៊ី និងសា
លាជាន់ខ្ពស់របាំវៀតណាម នាយប់ថ្ងៃទី១១ មិថុនាកន្លងទៅ។ ជាច្បាស់លាសថា៖
ដើម្បីកសាងបានរូបភាព១អំពីសហគមន៍អាស៊ានប្រកបដោយសាមគ្គីភាព យល់
ដឹងគ្នា គឺបណ្ដាសកម្មភាពជួបប្រាស្រ័យវប្បធម៌ សិល្បះ មានសារសំខាន់ណាស់។
នេះគឺជាគំនិតរបស់បងស្រី Magdalena Pebriani Simatupang សិល្បការិនីឥណ្ឌូនេស៊ី ៖
“ នេះគឺជាលើកដំបូងដែលខ្ញុំបានមកដល់វៀតណាម។ ខ្ញុំសប្បាយរីករាយ
ណាស់ ដោយបានជួបជាមួយសិល្បករ សិល្បការិនីវៀតណាមដ៏ស្និទ្ធិស្នាល រូស
រាយរាក់ទាក់។ តាមខ្ញុំ ជំនួបប្រាស្រ័យវប្បធម៏ឥណ្ឌូនេស៊ី និងវៀតណាម បានរួម
ចំណែករឹតបន្តឹងទំនាក់ទំនងមិត្តភាព រវាងប្រទេសទាំងពីរ ក្នុងវិស័យវប្បធម៌។”
នេះគឺជាសកម្មភាព១ក្នុងចំណោមសកម្មភាពជួបប្រាស្រ័យរវាងវៀតណាម
ជាមួយឥណ្ឌូនេស៊ីនិយាយដោយឡែក និងប្រទេសអាស៊ាននិយាយរួម ដែល
បានប្រព្រឹត្តទៅក្នុងរយៈពេលកន្លងទៅ។ ហើយសកម្មភាពទាំងនេះបានរួមចំ
ណែកជំរុញទំនាក់ទំនងរវាងប្រជាជនវៀតណាមជាមួយប្រជាជននៃបណ្ដាប្រ
ទេសអាស៊ានកាន់តែខិតជិតគ្នាជាងទៀត។
សកម្មភាព១ក្នុងចំណោមសកម្មភាពសហប្រតិបត្តិការលេចធ្លោទៀតដែល
បានជំរុញខ្លាំង នាពេលកន្លងទៅ រវាងវៀតណាមជាមួយប្រទេសអាស៊ាននានា
នោះគឺវិស័យអប់រំ បណ្ដុះបណ្ដាល។ ឆ្ពោះទៅសហគមន៍រួម១ នាចុងឆ្នាំ២០១៥
នេះ និងចក្ខុវិស័យដល់ឆ្នាំ ២០២០ កិច្ចសហប្រតិបត្តិការបណ្ដុះបណ្ដាលនឹងក្លាយ
ទៅជាកក្តាសំខាន់ដើម្បីបណ្ដាមិត្តវ័យក្មេង ប្រជាពលរដ្ឋអាស៊ានបន្តពូនជ្រុំ និង
ពង្រីកចំណងសាមគ្គីភាពក្នុងសហគមន៍។ អតីតរដ្ឋមន្ត្រីក្រសួងអប់រំ យុវជន និង
កីឡារកម្ពុជា លោក អ៊ឺមសិទ្ធី បានអោយដឹងថា៖ ជាប្រចាំឆ្នាំ វៀតណាមបានផ្តល់
អាហាររូបករណ៍ជាច្រើន សំរាប់សិស្ស និស្សិតកម្ពុជាមកសិក្សារនៅវៀតណាម។
ប្រការនេះបានជួយអោយទំនាក់ទំនងរវាងបណ្ដាប្រទេសក្នុងអាស៊ាន កាន់តែជិត
ស្និទ្ធ សាមគ្គីភាពជាងទៀត៖
“ ទំនាក់ទំនងពិសេសរវាងក្រសួងអប់រំវៀតណាម និងកម្ពុជាបានមានតាំង
ពីយូរណាស់មកហើយ និងនាបច្ចុប្បន្ន នៅបន្តអភិវឌ្ឍន៍ដោយឥតឈប់ឈរ។
យើងខ្ញុំជានិច្ចកាលចងចាំ និងកត់សម្គាល់នូវការជួយឧបត្ថម្ភដ៏ធំធេងរបស់ក្រ
សួងអប់រំ និងបណ្ដុះបណ្ដាលវៀតណាម ចាប់ពីពេលដែលយើងខ្ញុំរួចផុតពីរបប
ប្រល័យពូជសាសន៍ នាថ្ងៃទី៧ មករាឆ្នាំ ១៩៧៩មក ពិសេសគឺក្នុងវិស័យបណ្ដុះ
បណ្ដាលទូទៅ ថ្នាក់ឧត្តមសិក្សា និងក្រោយឧត្តមសិក្សា។”
ទន្ទឹមនឹងវិស័យអប់រំ បណ្ដុះបណ្ដាលនេះ អាស៊ានក៏យកចិត្តទុកដាក់ចំពោះ
គោលដៅបង្កើនការរីកចំរើន និងអាទិភាពវិស័យនានា ដូចជា៖ វិនិយោគអភិ
វឌ្ឍន៍ប្រភពធនធានមនុស្ស ជំរុញការងារចីរភាព …លៗ។ ចំណុចលេចធ្លោ
គឺការប្រឡងថ្វីដៃជំនាញអាស៊ាន ដែលបានប្រព្រឹត្តទៅនាខែតុលាឆ្នាំ ២០១៤
កន្លងទៅ នៅទីក្រុងហាណូយ ដោយមានការចូលរួមរបស់បេក្ខជនចំនួន៣០០
នាក់ មកពីប្រទេសអាស៊ានទាំង១០។ រដ្ឋមន្ត្រីក្រសួងការងារ យុទ្ធជនពិការ និង
សង្គមកិច្ចវៀតណាម លោកស្រី Pham Thi Hai Chuyen បានអោយដឹងថា៖ ការ
ប្រឡងលើកនេះបានជួយប្រជាពលរដ្ឋនៃប្រទេសអាស៊ាននានា យល់ដឹង
បន្ថែមអំពីកំរិតបច្ចេកទេសរបស់គ្នា និងជួយពលករនានាត្រៀមខ្លួនជាស្រេច
ចូលរួមដំណើការធ្វើសមាហរណកម្មក្នុងតំបន់នាចុងឆ្នាំ២០១៥នេះ៖
“ ទីផ្សារអាស៊ាន បើកទូលាយ បានជាយើងត្រូវត្រៀមរៀបចំប្រភពធន
ធានមនុស្សសំរាប់ដំណើការធ្វើសមាហរណកម្មនេះ។ វៀតណាមកំពុងខំប្រឹង
ប្រែងត្រៀបរៀបចំជួរពលករវ័យក្មេង ធ្វើសមាហរណកម្មក្នុងតំបន់។”
បណ្ដាការខំប្រឹងប្រែងយ៉ាងខ្លាំងក្លាពីវៀតណាមនេះ ទទួលបានការវាយតំលៃ
ខ្ពស់ពីប្រទេសជាសមាជិកអាស៊ាននានា។ វៀតណាមអះអាងនូវការប្តេជ្ញាបន្ត
រួមជាមួយប្រទេសនានាសម្រេចគោលដៅកសាងសហគមន៍វប្បធម៌ សង្គម
អាស៊ាននាចុងឆ្នាំ២០១៥នេះប្រកបដោយជោគជ័យ៕