សកម្មភាពទទួលអំណរឆ្នាំថ្មី ២០២១ របស់ប្រជាជនវៀតណាម

ជាក់ស្ដែង នៅទីក្រុងហាណូយ ដើម្បីធានាការប្រយុទ្ធប្រឆាំងជំងឺរាតត្បាតកូវីដ ១៩ នោះ ក្នុងរាត្រីឆ្លងឆ្នាំ ២០២១ ទីក្រុងហាណូយបានរៀបចំពិធីបាញ់កាំជ្រួចនៅកន្លែងតែមួយគត់ដើម្បីផ្សាយបន្តផ្ទាល់នៅលើទូរទស្សន៍បម្រើប្រជាជន។ ប្រជាជនក៏ត្រូវបានណែនាំមិនអោយប្រមូលផ្តុំគ្នាច្រើន ហើយគ្រប់វិធានការណ៍បង្ការ ប្រយុទ្ធប្រឆាំងជំងឺរាតត្បាតត្រូវបានអនុវត្តដោយកម្លាំងមានសមត្ថកិច្ចប្រកបដោយស្មារតីទទួលខុសត្រូវខ្ពស់ ធានាថាប្រជាជននឹងទទួលអំណរឆ្នាំថ្មីប្រកបដោយក្ដីសម្បាយរីយរាយ និងសុវត្ថិភាព។

ក្នុងពេលនោះ ប្រជាជននៅទីក្រុងហូជីមិញ និងទីក្រុង Da Nang ក៏ទទួលអំណរបុណ្យតេតដ៏វិសេសវិសាលបំផុតក្នុងរយៈពេលជាច្រើនទសវត្សកន្លងមក ពោលគឺមិនមានពិធីបាញ់កាំជ្រួច ហើយក៏មិនមានការប្រមូលផ្តុំមនុស្សច្រើន ដើម្បីប្រយុទ្ធប្រឆាំងជំងឺកូវីដ ១៩ផងដែរ។

សូមបញ្ជាក់ថា ឆ្នាំឆ្លូវ ត្រីស័ក ២០២១ គឺជាឆ្នាំដ៏ពិសេសសម្រាប់ប្រជាជននៅទូទាំងប្រទេស ខណៈពេលដែលជំងឺរាតត្បាតកូវីដ ១៩ នៅតែមានការវិវឌ្ឍដ៏ស្មុគស្មាញ។ ប៉ុន្តែដោយមានសេចក្តីប្រាថ្នានិងសកម្មភាពជាក់លាក់ ប្រជាជនមានក្ដីជឿជាក់ថានឹងទទួលអំណរឆ្នាំថ្មីដ៏សប្បាយរីយរាយ សន្តិសុខ សណ្ដាប់ធ្នាប់ និងសុវត្ថិភាពសង្គមត្រូវបានធានាផងដែរ៕