សកម្មភាពរំលឹកខួបលើកទី៦៦នៃទិវាយុទ្ធជនពលីពិការវៀតណាម(ទី២៧កក្កដា)។ (thanhtrahatinh.gov.vn)

        VOV-ក្នុងឱកាសរំលឹកខួបលើកទី៦៦នៃទិវាយុទ្ធជនពលី ពិការវៀតណាម
​(ទី​២៧​កក្កដា) នាយប់ថ្ងៃទី២៤កក្កដានៅទីក្រុងហាណូយ បានប្រព្រឹត្តទៅកម្មវិធី
ជួប​ប្រាស្រ័យសិល្បៈដឹងគុណយុទ្ធជនពលីជាមួយប្រធានបទ “អ្នកម្ដាយបាន
មាន​ប្រទេស​ជាតិ”។ ចំណុចសំខាន់របស់កម្មវិធីគឺលើកដម្កើងដឹងគុណបណ្ដា
វីរអ្នក​ម្ដាយ អ្នកម្ដាយយុទ្ធជនពលី- ជាបណ្ដាអ្នកដែលទទួលរងការបាត់បង់ធំធេង
ពលីកម្មដើម្បី​ប្រទេសជាតិសន្តិភាព។ ក្នុងឱកាសនេះដែរ សមាគមជួយឧបត្ថម្ភ
គ្រួសារយុទ្ធជន​ពលី​បាន ប្រគល់ផ្ទះមេត្តាធម៍ចំនួន១១ខ្នងនិងអំណោយជិត១រយ
ចំណែកជូន​បណ្ដា​គ្រួសារយុទ្ធជនពលី វីរអ្នកម្ដាយ អ្នកម្ដាយយុទ្ធជនពលីដែល
មានស្ថានភាព​លំបាក​លើទូទាំងប្រទេស។

        ក្នុងឱកាសនេះដែរ បណ្ដាដំបន់ក្នុងទូទាំងប្រទេសបានសកម្មអនុវត្តការងារ​
តបស្នងសងគុណ។ នៅខេត្ត Ha Tinh សម្ព័ន្ធយុវជនកុម្មុយនីស្តហូជីមិញបាន​រៀបចំ​ទៅសាកសួរសុខទុកចលនាជួយឧបត្ថម្ភគ្រួសារយុទ្ធជនពលី វីរអ្នកម្ដាយ យុទ្ធជន
ពិការជាដើម។ លោក Thai Phuc Son លេខារងសម្ព័ន្ធយុវជនខេត្ត Ha Tinh បានឲ្យ
ដឹងថា៖

        “បានក្លាយទៅជាប្រពៃណីហើយ ខែកក្កដាជារៀងរាល់ឆ្នាំត្រូវបានជ្រើសរើស
​ជាខែកំពូល។ ដំណើរការអនុវត្តបានបង្កើតចលនាប្រឡងប្រណាំងយ៉ាងផុល​ផុស​នៅមូលដ្ឋានសម្ព័ន្ធយុវជនគ្រប់ជាន់ថ្នាក់។ ក្នុងនោះប្រមូលផ្ដុំទៅលើសកម្មភាព​ដូចជាអប់រំប្រពៃណីបដិវត្តន៍សំរាប់ជំនាន់វ័យក្មេង អុធធូបរំលឹកវិញ្ញាណក្ខ័ន្ធរំលឹក​គុណបណ្ដាវីរយុទ្ធជនពលីទៅសាកសួរសុខទុក្ខជូនអំណោយសំរាប់គ្រួសារ​គោល
នយោបាយ។ តាមរយៈនោះសមាជិកសម្ព័ន្ធយុវជនម្នាក់ៗមានការយល់​ដឹង​អំពី
ការទទួលខុសត្រូវរបស់ខ្លួនចំពោះភារកិច្ចកសាងស្រុកកំណើតកាន់តែសម្បូរ​ធូធា
ពីមួយថ្ងៃទៅមួយថ្ងៃ។”

        ខេត្ត Dak Lak បានដកពីថវិការរដ្ឋចំនួនប្រាក់ជិត៥,៥ពាន់លានដុងដើម្បី​ជូន​អំណោយសំរាប់មុខសញ្ញាគោលនយោបាយចំនួនជាង១៧ពាន់នាក់និងបណ្ដា​មូលដ្ឋានចិញ្ចឹមបីបាច់យុទ្ធជនពិការជំងឺក្នុងនិងក្រៅខេត្ត។ រដ្ឋអំណាចនិង​ប្រជាជន
​បណ្ដាខេត្ត Vinh Long, Thai Nguyen, Quang Ngai, Ha Nam, Kien Giang ជាដើម បាន
រៀបចំបណ្ដាគណៈប្រតិភូទៅសាកសួរសុខទុក្ខជូនអំណោយ​សំរាប់គ្រួសារគោល
នយោបាយនិងជនមានគុណូបការៈគំរូនៅដំបន់។ក្នុងឱកាសនេះដែរឧបនាយករដ្ឋមន្រ្តី
លោក​ Nguyen Xuan Phucបានមកអុជធូបនៅមណ្ឌលកេរ្តិ៍ដំណែលDong Loc  នៅស្រុក
Can Loc ខែត្រ Ha Tinh៕