ការផលិតគ្រឿងបន្លាស់រថយន្តនៅវៀតណាម។ រូបថត៖ Hồng Đạt/TTXVN

នាថ្ងៃទី ១៤ ខែតុលា នៅខេត្ត Tay Ninh គណៈកម្មាធិការប្រជាជនខេត្តបានសម្របសម្រួលជាមួយក្រសួងឧស្សាហពាណិជ្ជកម្មវៀតណាម រៀបចំសន្និសីទផ្នែកឧស្សាហពាណិជ្ជកម្មបណ្ដាខេត្ត ក្រុងភាគខាងត្បូងវៀតណាមលើកតី ៨ ឆ្នាំ ២០២២។ យោងតាមតួរលេខស្ថិតិ ក្នុងរយៈពេល ៩ ខែដើមឆ្នាំ ២០២២ ការលក់រាយទំនិញសរុប និងប្រាក់ចំណូលពីសេវាកម្មរបស់តំបន់ភាគខាងត្បូងកើន ២៥,២% បើប្រៀបធៀបនឹងរយៈពេលដូចគ្នាកាលពីឆ្នាំ ២០២១ ស្រូបយកសមាមាត្រ ៥៣% បើប្រៀបធៀបនឹង ប្រទេសទាំងមូល។ មានខេត្តក្រុងចំនួន ១៤/២០ សម្រេចបានកំណើនខ្ពស់ជាងកម្រិតនៃប្រទេសជាតិទាំងមូលដូចជា៖ Ba Ria - Vung Tau, Can Tho, Tra Vinh, Soc Trang។ សន្ទស្សន៍ផលិតកម្មឧស្សាហកម្មក្នុងរយៈពេល ៩ ខែដើមឆ្នាំ ២០២២ របស់តំបន់ក៏សម្រេចបានកំណើនខ្ពស់ជាង បើប្រៀបធៀបនឹងរយៈពេលដូចគ្នាកាលពីឆ្នាំ ២០២១។ មានខេត្ត ក្រុងចំនួន ១២/២០ សម្រេចបានអត្រាកំណើនខ្ពស់ជាងកម្រិតមធ្យមរបស់ប្រទេសទាំងមូលដូចជា៖ ទីក្រុង Can Tho, Vinh Long, Tay Ninh។