លោក Zelensky និងលោក Macron បានចាប់ដៃគ្នានៅក្នុងសន្និសីទសារព័ត៌មាននៅទីក្រុងប៉ារីសកាលពីថ្ងៃទី ១៦ ខែកុម្ភៈ។ រូបថត៖ AFP

តាមការគ្រោងទុក នាថ្ងៃទី១៦ កុម្ភៈ នៅក្នុងសន្និសិទសន្តិសុខទីក្រុង Munich ដែលបានប្រព្រឹត្តទៅនៅប្រទេសអាឡឺម៉ង់ ប្រធានាធិបតី Zelensky នឹងបន្តអំពាវនាវឱ្យមានការបង្កើនជំនួយដល់អ៊ុយក្រែន។ ដំណើរទស្សនកិច្ចនៅអឺរ៉ុប របស់មេដឹកនាំអ៊ុយក្រែន ត្រូវបានធ្វើឡើងក្នុងបរិបទដែលកញ្ចប់ជំនួយរាប់ពាន់លានដុល្លាររបស់បណ្តាប្រទេសលោកខាងលិចកំពុងប្រឈមមុខនឹងការលំបាក នៅពេលដែលប្រទេសដែលរួមចំណែកធំបំផុតគឺសហរដ្ឋអាមេរិកកំពុងឈានចូលឆ្នាំបោះឆ្នោតដ៏សំខាន់មួយ។ ចាប់តាំងពីចុងឆ្នាំ២០២៣មក វិវាទក្នុងសភាសហរដ្ឋបានធ្វើឱ្យជំនួយយោធាចំនួន ៦០ ពាន់លានដុល្លាររបស់ទីក្រុងវ៉ាស៊ីនតោន សម្រាប់ទីក្រុងគៀវ មិនទាន់ត្រូវបានអនុម័តនៅឡើយទេ៕