(VOV)_​ក្នុងការអនុវត្តកម្មវិធីជាតិ កសាងជនបទថ្មី ខេត្ត Quang Nam (ភាគកណ្ដាលវៀតណាម) បានវិនិយោគទឹកប្រាក់ចំនួនជិតត១៣ពាន់លានដុង ដើម្បី
កសាងហេដ្ឋារចនាសម្ព័ន្ធ។ ​ការកសាងជនបទថ្មី ដោយមានការការជួយ​ឧបត្ថម្ភពី
រដ្ឋ គ្រួសាររាប់ពាន់គ្រួបានបរិច្ចាកដី រួមកម្លាំងពលកម្ម ដើម្បីធ្វើផ្លូវគមនាគមនន៍ត
ភ្ជាប់ភូមិ ឃុំ ជាមួយគ្នាទាំងអស់គ្នា។ បានធ្វើអោយ មុខមាត់ជនបទនៅខេត្ត Quang
Nam ​អភិវឌ្ឍន៍និងផ្លាស់ប្តូរថ្មីពី១ថ្ងៃទៅ១ថ្ងៃ។

ការកសាងជនបទថ្មីនៅខេត្ត Quang Nam

ឃុំ Dien Trung ស្រុក Dien Ban ខេត្ត Quang Nam ត្រូវបានជ្រើសរើសជា​ឃុំគំរូ​
ក្នុងការកសាងជនបទថ្មី។ ចាប់​ពីពេលអនុវត្តចលនានេះមក ឃុំ Dien Trung ​បាន
ប្រមូលផ្តុំប្រភពទុន វិនិយោគ កសាងជនបទថ្មី។ តាមនោះ ឃុំបានកសាងផ្លូវគម
នាគមន៍ ប្រព័ន្ធធារាសាស្ត្រនិងសំណងផ្សេងៗទៀត ក្នុងការអភិវឌ្ឍន៍កសិកម្ម ឃុំ 
Dien Trung ​បាន​អំពាវនាវ​សហការណ៍នានា​អោយសហការជាមួយអង្គភាព​អាជីវ
កម្ម ​ដើម្បី​ប្រមូល​ទិញ និងកែច្នៃកសិផលដោយនាំមកនូវប្រសិទ្ធិភាពខាងសេដ្ឋកិច្ច 
ធានាជីវភាពរស់នៅសំរាប់ប្រជាពលរដ្ឋ។ នាបច្ចុប្បន្ន ប្រាក់ចំណូលគិតជាមធ្យមសំ
រាប់មនុស្សម្នាក់ក្នុង១ឆ្នាំ នៅឃុំ Dien Trung គឺប្រមាណមួយពាន់ដុល្លារអាមេរិក​ អត្រា
គ្រួសារ​ក្រីក្រ​បានថយចុះនៅកំរិត៣%តែប៉ុណ្ណោះ។ ឃុំ Dien Trung ជាឃុំ១ក្នុងចំ
ណោមឃុំដើមដំបូង របស់ខេត្ត Quang Nam ដែលបានសម្រេចបទដ្ឋានទាំង១៩ អំពី
ការកសាងជនបទថ្មី។ លោក Doan Luong ជាពលរដ្ឋម្នាក់នៅឃុំ Dien Trung ស្រុក 
Dien Ban បានថ្លែង​ថា៖ ការកសាងជនបទថ្មី​នេះ​ប្រជាជនបានដឹង បានពិភាក្សា
 បានសម្រេច និងប្រជាជនជាអ្នកទទួលបាន​ផលប្រយោជន៍ពីកម្មវិធីនេះ៖

          “ ការកសាងជនបទថ្មីនេះមានភាពងាយស្រួលជាច្រើន។ មុននេះ យើង​ធ្វើ
​ស្រែនៅលើផ្ទៃដីតូច ប៉ុន្តែ នាបច្ចុប្បន្ន ធ្វើស្រែនៅលើផ្ទៃដីធំទូលាយ បានជាធ្វើ
ពលកម្មក៏ងាយស្រួលជាង​ និងប្រមូលផលក៏ងាយស្រួលដែរ។ ក្នុងការកសាង
ជនបទថ្មីនេះ​ គ្រួសារខ្ញុំបានបរិច្ចាកដីជាច្រើន ប៉ុន្តែ មិនគិតគូរអ្វីទេ។ពីព្រោះ ប្រ
ការទាំងនេះគឺដើម្បីការអភិវឌ្ឍន៍រួមរបស់សង្គម។”

          រួមជាមួយប្រជាជននៅស្រុក Dien Ban ប្រជាជននៅឃុំ Dua Hoa, Duy Trinh,
Duy Son , Duy Phuoc ស្រុក Duy Xuyen ខេត្ត quang Nam ក៏រួមដៃកសាងជនបទថ្មី
ផងដែរ។​ រហូត​មក​ដល់ពេលនេះមក ​ឃុំទាំងនេះ​សម្រេចបានបទដ្ឋានចំនួន១៧
ក្នុងចំ​ណោម​បទដ្ឋានទាំង១៩។ លោក Nguyen Van Chien ប្រធានគណៈកម្មាធិ
ការប្រជាជន​ឃុំ Duy Trinh ស្រុក Duy Xuyen ខេត្ត Quang Nam បានអោយដឹងថា៖ 

          “ ​Duy Trinh ជាឃុំដើរ​ក្រោយគេក្តី ប៉ុន្តែ ដោយមានការខំប្រឹងប្រែង​​របស់
​ខ្លួន​ តំបន់ក៏ជិតទទួលបានបទដ្ឋានទាំងឡាយអំពីជនបទថ្មីហើយដែរ។ ​នា​បច្ចុ
ប្បន្ន​​ បណ្ដាផ្លូវថ្នលនៅ​ភូមិ ឃុំសុទ្ធតែស្អាតដោយមានអំពូលភ្លើង ដូច​វិថីនា​នា
នៅទីក្រុងធំៗ​។​”

          បើនិយាយអំ​ពីជោគជ័យនៃការកសាងជនបទថ្មីនៅស្រុក Duy Xuyenនេះ
គឺត្រូវនិយាយអំពីការកសាងវាលស្រែធំ។ ចាប់ពីពេលមានការផ្តួចផ្តើមគំនិតរ
បស់រដ្ឋ​​ ស្រុក Duy Xuyen បានអនុវត្តន៍ការងារកសាងវាលស្រែធំ រួមជាមួយ​ការ
​វិនិយោគ​កសាងហេដ្ឋារចនាសម្ព័ន្ធ  អនុវត្តវិទ្យាសាស្ត្រ និងបច្ចេកវិទ្យាការដាំដុះ
​ដំណាំ​។ នាបច្ចុប្បន្ន វាលស្រែធំ នៅស្រុក Duy Xuyen បានប្រមូលផ្តុំដាំ​ដំណាំ​ម្ទេស សណ្ដែកដី ពោត…លៗ ដោយផ្តល់ប្រាក់ចំណូលពី១៥០លានដុងដល់
២៥០លានដុង /ហិកតា។ លោក Van Ba Nam ប្រធានប្រធានការិយាល័យ​ក
សិកម្ម​និងអភិវឌ្ឍន៍ជនបទស្រុក Duy Xuyen ខេត្ត Quang Nam បានអោយដឹងថា៖

          “ ការកសាងជនបទថ្មីគឺត្រូវធ្វើពីផ្ទះចេញទៅវាលស្រែ វិនិយោគកសាង​
ហេដ្ឋារចនា​សម្ព័ន្ធ និងពង្រីក​វាលស្រែធំ អនុវត្តវិទ្យាសាស្ត្រ បច្ចេកវិទ្យា ផ្ទេរប្តុរ
រចនាសម្ព័ន្ធដំ​ណាំ ដើម្បីលើកកំពស់តំលៃកសិផល​និងកិច្ចសហប្រតិបត្តិការ​រ
វាងអង្គភាព​អាជីវកម្ម និងកសិករ។ ក្រោយរយៈពេល៤ឆ្នាំកសាងជនបទថ្មីមក 
មុខមាត់ជន​បទ​បានមានការផ្លាស់ប្តូរថ្មីជាច្រើន។”

          ខេត្ត Quang Nam កំពុងខំប្រឹងប្រែងរហូត​ដល់ចុងឆ្នាំ ២០១៥នេះនឹង​មាន
ឃុំចំនួន​៤៤ ​ទទួលបានបទ​ដ្ឋាន​​ជនបទថ្មី។ ដើម្បីសម្រេចបានគោល​ដៅ​នេះ​
បន់ត្រូវបន្តជំរុញខ្លាំងការងារឃោសនា បង្កើនការស្រុះចិត្តគំនិតក្នុង​ប្រជាពល​
រដ្ឋ​​រួមគ្នាកសាង​ជីវភាពរស់នៅ ក្នុងតំបន់ជនបទអោយបានកាន់តែសម្បូធូធារពី
១ថ្ងៃទៅ១ថ្ងៃ៕