គំនូរជនបទថ្មី ដែលកំពុងលេចចេញយ៉ាងច្បាស់ ពីមួយថ្ងៃទៅមួយថ្ងៃ ពេល
ដែល កម្មវិធីគោលដៅជាតិអំពីការកសាងជនបទថ្មី ត្រូវបានអនុវត្តនៅឃុំព្រៃភ្នំ
Sin Cheng ស្រុក Sin Ma Cai ខេត្ត Lao Cai ។ ដោយការប្តេជ្ញាចិត្តនិងការខំប្រឹង
ប្រែង របស់រដ្ឋអំណាចនិងប្រជាជនតំបន់ ឃុំ Sin Cheng បានក្លាយទៅជាឃុំគំរូ អំពីការកសាងជនបទថ្មី របស់ខេត្ត Lao Cai។
 |
| ឃុំព្រៃភ្នំ Sin Cheng ស្រុក Sin Ma Cai ខេត្ត Lao Cai(internet) |
មុននេះ២ឆ្នាំ ផ្លូវធ្វើដំណើរទៅភូមិ Mao Seo Phin ជាផ្លូវដី១រដិបរដុប នារដូវ វស្សារ ម៉ូតូមិនអាចធ្វើដំណើរទៅបានទេព្រោះផ្លូវចោត ហើយរអិល ។ ប្រជាជន
នៅ ភូមិ Mao Seo Phin នាពេលមានការងារត្រូវចុះឃុំ ឬទៅផ្សារ ត្រូវដើរអស់
ប៉ុន្មានម៉ោងដែរ។ ប៉ុន្តែ ឥឡូវមិនដូចមុនទៀតទេ ផ្លូវត្រូវបានកសាង ជួសជុលបើក
ទូលាយទៅ ដល់ភូមិនិមួយៗ ម៉ូតូអាចចូលទៅដល់ផ្ទះនិមួយៗ។ មេភូមិ លោក
Giang A Trang បានអោយដឹងថា÷
“ ក្នុងការកសាងជនបទថ្មី មិនគ្រាន់តែគ្រួសារខ្ញុំប៉ុណ្ណោះទេ គ្រួសារទាំងអស់ ក្នុងភូមិ សុទ្ធតែបានចូលរួមការរួមវិភាគទាន ជាកម្លាំងកាយចិត្ត និងបរិច្ចាកដីធ្លី
ដើម្បីកសាងផ្លូវ។ រដ្ឋជួយឧបត្ថម្ភ ៣០-៤០%តែប៉ុណ្ណោះ ហើយប្រជាជនរួមវិភាគ
ទាននាំគ្នាកសាង។ ឥឡូវនេះ មានផ្លូវចូលទៅដល់ទីប្រជុំជននិមួយៗហើយ ការ ដឹកជញ្ជូនទំនិញគឺងាយស្រួលណាស់។”
ក្រៅពីការទទួលផលពីការកសាងផ្លូវថ្មី ប្រជាជនក្នុងឃុំនៅបានខ្ចីទុន ដើម្បី
កាត់បន្ថយភាព ក្រីក្រទៀតផង។ រូបភាពជនបទ Sin Cheng កំពុងផ្លាស់ប្តូរជារៀង
រាល់ថ្ងៃ។
បង Ma A Nao ជនជាតិ Mong នៅភូមិ Ban Kha ឃុំ Sin Cheng បានអោយដឹង
ថា÷ ក្នុងភូមិចំនួន២នេះ មានតែគ្រួសារបងមានម៉ាស៊ីនកិនអង្ករ ដូច្នេះ គ្មានពេល ណាអស់ការងារធ្វើទេ។ ពីទឹកប្រាក់ចំនួន ១០លានដុង ខ្ចីពីធនាគារគោល នយោ បាយសង្គម ស្រុក Si Ma Cai បងបានបើកទូលាយផលិតកម្ម ដោយការជីកស្រះ ចញ្ជឹមត្រី ទិញបន្ថែមគោ ក្របី ធ្វើម់ាស៊ីនកិនអង្ករ និងប្រមូលទិញកសិផល របស់
បង ប្អូនក្នុងភូមិ។ នាបច្ចុប្បន្ន គ្រួសារបងសាងសងផ្ទះមួយដ៏ល្អស្អាត និងជីវភាព
រស់នៅគ្រប់គ្រាន់។ បង Ma A Nao បានអោយដឹងថា÷
“ ក្នុងកម្មវិធីកសាងជនបទថ្មី ប្រជាជនឃុំ Sin Cheng ត្រូវបានបក្ស រដ្ឋ យកចិត្តទុកដាក់ជាច្រើន។ ចំណែកខ្លួនឯងវិញ ខ្ញុំបានខ្ចីទុនពីធនាគារ ដើម្បីធ្វើអាជីវកម្ម។ គ្រួសារខ្ញុំ ឥឡូវ បានរួចផុតពីភាពក្រីក្រ មានរបស់ញ៉ាំ មានរបស់ទុកហើយ។ ខ្ញុំសប្បាយរីករាយណាស់។ ”
តាមដំណាក់កាល ដល់ឆ្នាំ ២០១៥ ឃុំ Sin Cheng នឹងសម្រេចបទដ្ឋានទាំង ១៩ ដើម្បីក្លាយទៅជា ឃុំជនបទថ្មី។ នាបច្ចុប្បន្ន នៅមានបទដ្ឋានមួយចំនួនដែលឃុំមិន
ទាន់ បានសម្រេច ដូចជា÷ ប្រព័ន្ធធារាសាស្ត្រ ហេដ្ឋារចនាសម្ព័ន្ធ កំរិត ចំណូល គិត ជាមធ្យមចំពោះមនុស្សម្នាក់…។ល។ លោក Ly Xuan Thanh លេខាគណះកម្មាធិការ
បក្ស និងជា ប្រធានគណះកម្មាធិការប្រជាជន ឃុំ Sin Cheng បានអោយដឹងថា÷បទដ្ឋានជនបទថ្មីមួយចំនួន ត្រូវបានបំពេញបន្ថែម កែសម្រួល អោយសមស្រប ជាមួយអត្តសញ្ញាណរបស់តំបន់ និមួយៗ÷
“ ជាមួយបណ្ដាបទដ្ឋាននៅសេសសល់ ខ្ញុំឃើញថា÷ ពិបាកអនុវត្តណាស់
ដោយសារមិនសមស្របជាមួយស្ថានភាពជាក់ស្ដែង របស់តំបន់ព្រៃភ្នំឆ្ងាយដាច់ ស្រយាល ភាគច្រើនធ្វើកសិកម្មដូចជាយើងខ្ញុំ។ ទីពីរគឺ អត្រាក្រីក្ររបស់ឃុំនៅមាន
កំរិតខ្ពស់ ដូច្នេះ បណ្ដាប្រភពកម្លាំងរួមវិភាគទានសំរាប់ការកសាងជនបទថ្មី នៅមាន កំហិតនៅឡើយ។ ប៉ុន្តែ ក្នុងរយះពេលកន្លងទៅ ឃុំបានបំផុសចលនារួមកម្លាំងកាយ ចិត្តកសាងជនបទថ្មី ដើម្បីប្រមូលផ្តុំប្រភពកម្លាំង ក្នុងប្រព័ន្ធនយោបាយទាំងមូល
ក៏ដូចជា អង្គភាពអាជីវកម្មនានាចូលរួមដែរ។”
ក្នុងស្ថានភាពជាក់ស្ដែង ការអនុវត្តការកសាងជនបទថ្មី នៅឃុំព្រៃភ្នំ Sin Cheng
ស្រុក Si Ma Cai ខេត្ត Lao Cai បានសរអោយឃើញថា÷ ទន្ទឹមនឹងការប្តេជ្ញាចិត្ត ការ
ខំប្រឹង ប្រែងរបស់រដ្ឋអំណាចតំបន់ និងប្រជាជន គឺរដ្ឋក៏ត្រូវយកចិត្តទុកដាក់ វិនិយោគ
ទាន់ ពេលវេលា និងមានបណ្ដាការស្រាវជ្រាវ កែលំអរបទដ្ឋាន ដើម្បីសមស្របទៅ
នឹងស្ថានភាពជាក់ស្ដែង នៅតំបន់ព្រៃភ្នំ លំបាក៕