(VOV)_ពេលបុណ្យចូលឆ្នាំថ្មី(បុណ្យតេត)មកដល់ម្ដងៗ ជនវៀតណាមគ្រប់រូប
បានសម្របខ្លួនចូលក្នុងបរិយាកាសទទួលនិទាឃរដូវថ្មី តាមទំនៀមទំលាប់ប្រពៃ
ណីជាតិ។ ទោះបីជានាបច្ចុប្បន្នមានបំរែបំរួលជាច្រើន តំបន់និមួយៗមានការរៀបចំ
បុណ្យតេតតាមទំនៀមទំលាបរៀងៗខ្លួនប៉ុន្តែអត្ថន័យបុណ្យតេតមិនផ្លាស់ប្តូរក្នុង
អារម្មណ៍ ជីវភាពរស់នៅរបស់ប្រជាជនវៀតណាមនៅឡើយ។
 |
| ទទួលអំណរឆ្នាំថ្មីលើទូទាំងប្រទេសវៀតណាម |
អំណរនិទាឃរដូវថ្មី ប្រជាជនរដ្ឋធានីហាណូយទទួលអំណរបុណ្យចូលឆ្នាំថ្មីប្រពៃណី២០១៥ (ឆ្នាំមមែឆស័ក) ដោយក្តីសប្បាយរីករាយ។ បុណ្យតេតមកដល់
ផ្កាគ្រប់ប្រភេទ ពណ៌ចម្រុះនៅគ្រប់ទិសទីក្នុងប្រទែសបានហូរចូលវិថីហាណូយ
នានា។ ប៉ុន្តែចំពោះជនហាណូយ ផ្កាម៉ាក់ខៃនៅតែជាផ្កាមិនអាចខ្វះបាននៅក្នុង
ឱកាសបុណ្យចូលឆ្នាំថ្មី។ លោក Nguyen Duc Binh ជនហាណូយមួយនាក់បាន
អោយដឹងថា៖
“ មែកម៉ាក់ខៃជានិមិត្តរូបតំណាងអោយនិទាឃរដូវ និងនៅក្នុងផ្ទះមានផ្កា
ម៉ាក់ខៃទើបមានបុណ្យតេត។ ប្រសិនបើគ្មានមែកម៉ាក់ខៃគឺនិទាឃរដូវនិងបុណ្យ
តេតមិនគ្រប់គ្រាន់ទេ។”
ជនហាណូយល្បីល្បាញដោយភាពម៉ត់ចត់ក្នុងការលេងដើមនិងផ្កាសំរាប់
លំអរ។ ឆ្នាំនេះ មនុស្សជាច្រើនបានស្វែងរកដើមឈើសំរាប់លំអរពិសេសគ្មានពីរ
ដោយលោក Le Duc Giap កសិករមួយនាក់នៅស្រុក Hoai Duc ជាយទីក្រុងហា
ណូយបង្កើតឡើង ដោយការផ្សាំដើមឈើចំនួន៩ប្រភេទនៅលើដើមឈើតែមួយ។
លោក Le Duc Giap បានអោយដឹងថា៖
“ លេខ៩ ជាលេខល្អ។ នៅលើដើមឈើមានផ្លែចំនួន៩ប្រភេទមានពណ៌
ចម្រុះ មានចរិតវិចិត្រសិល្បះខ្ពស់។ ទើបខ្ញុំធ្វើដើមឈើនេះឡើង។”
ប្រសិនបើនៅហាណូយមានផ្កាម៉ាក់ខៃ ឬឯនៅទីក្រុងហូជីមិញវិញគឺមាន
ផ្កាអង្គាសិល៍។ ក្នុងឱកាសចូលឆ្នាំថ្មី គ្រួសារណានៅភាគខាងត្បូងក៏មានផ្កាអង្គា
សិល៍នៅក្នុងផ្ទះដែរ។ បង Huynh Van Minh នៅខ័ណ្ឌទី១ ទីក្រុងហូជីមិញ បាន
អោយដឹងថា៖
“ ប្រសិនបើខ្វះផ្កាអង្គាសិល៍ក្នុងផ្ទះ គឺមិនមែនជាបុណ្យតេតទៀតទេ។ មុន
នោះ មានផាវក្រហម ឥឡូវនេះត្រូវមានពណ៌លឿងរបស់ផ្កាអង្គារសិលនៅក្នុង
ប៉ុន្មានថ្ងៃបុណ្យតេត។”
ការតុបតែងវិថី រៀបចំបណ្ដាពិធីបុណ្យនិងវិថីផ្កាដើម្បីទទួលអំណរបុណ្យ
តេតពីច្រើនឆ្នាំមកបានទាក់ទាញភ្ញៀវមកទស្សនា ទទួលបុណ្យចូលឆ្នាំថ្មីយ៉ាង
ច្រើនកុះករ។ ទៅទស្សនាវិថីផ្កា នៅទីក្រុងហូជីមិញ លោក Tran Bien ជនហូជី
មិញមួយនាក់បានអោយដឹងថា៖
“ នៅវិថីផ្កាឆ្នាំនេះ បណ្ដាបុគ្គលិក Saigontourist និងបណ្ដាសិប្បករ សិប្ប
ការនីបានរៀបចំឡើងនូវរូបភាពផ្កាចម្រុះពណ៌ដ៏ស្រស់ស្អាតទាក់ទាញទឹកចិត្ត
សំរាប់ជនរួមជាតិទាំងឡាយមកទស្សនា។ វិថីផ្កាឆ្នាំនេះស្អាត បំពេញបានបំ
ណងប្រាថ្នារបស់ប្រជាជន និងភ្ញៀវទេសចរណ៍ក្នុងបុណ្យតេតឆ្នាំនេះ។”
នៅវៀតណាម និទាឃរដូវជារដូវនៃពិធីបុណ្យផ្សេងៗ។ ពិធីបុណ្យនិមួយៗ
ល្បែងកំសាន្តប្រជាប្រិយនិមួយៗ សុទ្ធតែជាអត្តសញ្ញាណពិសេសដោយឡែក
របស់តំបន់និមួយៗ។ សប្បាយទទួលបុណ្យតេត ជាប្រពៃណីជាភាពល្អស្អាត
របស់ប្រជាជនវៀតណាម ពីព្រោះនោះក៏ជាឱកាសសំរាប់បណ្ដាសមាជិកគ្រួ
សារជួបជុំគ្នាផងដែរ៕