 |
| ប្រជាកសិករខេត្ត Dong Thap ធ្វើមានពីការដាំផ្សិតចំបើង (VNA) |
(VOVworld) – ការដាំផ្សិតចំបើងគឺជាមុខរបរប្រពៃណីនៅស្រុក Lai Vung
ខេត្ត Dong Thap (ភាគខាងត្បូងវៀតណាម)។ ចំពោះមុខតម្រូវការកាន់តែ
ធំនៃ ទីផ្សារ ប្រជាពលរដ្ឋនៅទីនេះបានអនុវត្តរូបសណ្ឋានដាំផ្សិតចំបើងក្នុង
ផ្ទះដើម្បី បង្កើនទិន្នផលនិងគុណភាព។
ផ្សិតចំបើងគឺជាមុខម្ហូបអាហារពោរពេញទៅដោយជីវជាតិនិងវីតាមីន។
ដោយហេតុនេះ ផ្សិតចំបើងនាំមកនូវតំលៃសេដ្ឋកិច្ចខ្ពស់។ នៅស្រុក Lai
Vung ខេត្ត Dong Thap ផ្សិតចំបើងត្រូវបានដាំជាច្រើននៅបណ្ដាឃុំក្បែរ
ទន្លេ Hau ដូចជា៖ ឃុំ Dinh Hoa ឃុំ Tan Hoa ឃុំ Tan Thanh និងឃុំ Vinh
Thoi។ មិនត្រឹម តែដាំនៅវាលស្រែប៉ុណ្ណោះទេនាបច្ចុប្បន្នប្រជាពលរដ្ឋនៅ
ដាំផ្សិតចំបើងនៅចម្ការនិងអភិវឌ្ឍន៍រូបសណ្ឋានដាំផ្សិតក្នុងផ្ទះទៀតផង។
អាស្រ័យដោយការដាំផ្សិតចំបើងគ្រួសារកសិករជាច្រើននៅខេត្ត Dong Thap
បានធ្វើមានធ្វើបានដោយរក បានចំណូលប្រចាំខែឡើងដល់ ២០ លានដុង។
លោក Ngo Minh Tan ប្រជាកសិករមួយរូបនៅឃុំ Hoa Thanh បានឲ្យដឹងថា៖
«នៅវាលស្រែនិងចម្ការ គ្រួសារខ្ញុំត្រូវប្រើប្រាស់ថ្នាំដើម្បីថែទាំផ្សិត ប៉ុន្តែ ដាំ
ផ្សិតចំបើងក្នុងផ្ទះវិញគឺប្រើប្រាស់ទេ។ តំលែនៃផ្សិតចំបើងដែលត្រូវបានដាំ
នៅចម្ការមិនខ្ពស់បើប្រៀបនឹងផ្សិតចំបើងដែលត្រូវបានដាំនៅក្នុងផ្ទះឡើយ។»
រូបសណ្ឋានដាំផ្សិតក្នុងផ្ទះមានឧត្តមភាពគឺមិនទាមទាមានផ្ទៃដីទ្រង់ទ្រាយធំទេ
សន្សំសម្ចៃឲ្យបរិមាណចំបើងប្រើប្រាស់ ចំណាយវិនិយោគទាប ហើយការ ថែ
ទាំងាយស្រួលជាង។ ជាពិសេស ការដាំផ្សិតក្នុងផ្ទះរារាំងអតិបរមាអាសន្នរោគ
បំផ្លាញផ្សិត។ បន្ទាប់ពីប្រមូលផល ផ្សិតមានគុណភាពខ្ពស់ ដោយហេតុនេះ
អតិថិជននិយមចូលចិត្តណាស់។
នាបច្ចុប្បន្ន នៅឃុំ Hoa Thanh ស្រុក Lai Vung មានគ្រូសារកសិករចំនួន ២០
ដាំផ្សិតចំបើង។ គ្រួសារលោក Tong Duy Thong គឺជាគ្រួសារដាំផ្សិតចំបើង
គំរូនៅឃុំ Hoa Thanh ដែលនាំមកនូវចំណូលខ្ពស់ជារៀងរាល់ឆ្នាំ។ លោក Tong
Duy Thong បានចែករំលែកថា៖
«ក្នុងឆ្នាំនេះ គ្រួសារខ្ញុំបានអភិវឌ្ឍន៍ដាំផ្សិតចំបើងពីមួយផ្ទះឡើងដល់បួនផ្ទះ
ដាំផ្សិតហើយ។ រូបសណ្ឋាននេះសមស្របនឹងស្ថានភាពនិងលក្ខណរបស់ប្រជាកសិករ
នៅតំបន់ដីសណ្តទន្លេ Cuu Long ជាពិសេសនៅស្រុក Lai Vung ដែលជាទីកន្លែង
មានប្រភពចំបើងច្រើន។ ទីពីរគឺយើងកាត់បន្ថយបានប្រភពធនធានមនុស្ស
ដោយសារ មុខរបរនេះមិនត្រូវការពលករជាច្រើននាក់ទេ។»
ប្រភពប្រើប្រាស់ផ្សិតចំបើងនៅស្រុក Lai Vung គឺស្ថិរភាព។ អាជីវករចុះទៅ
កន្លែងដើម្បីប្រមូលរិញផ្សិត។ នៅស្រុក Lai Vung មានក្រុមហ៊ុនភាគហ៊ុន Viet My
ដែលផលិតកែច្នៃនិងនាំចេញផ្សិតនិងបន្លែកំប៉ុង។ រោងចក្រ នៃក្រុមហ៊ុនភាគ
ហ៊ុននេះដែលស្ថិតនៅមជ្ឈមណ្ឌលឧស្សាហកម្ម Song Hau នៅឃុំ Tan Thanh ប្រើ
ប្រាស់ផ្សិតចំបើងចំនួន ១០ តោនក្នុងមួយថ្ងៃ។ នាបច្ចុប្បន្ន តំលៃផ្សិតចំបើង
កើនឡើងពីមួយថ្ងៃទៅមួយថ្ងៃដោយសារតម្រូវការប្រើប្រាស់ក្នុងប្រទេសនិង
ការកែច្នៃនាំចេញកើនឡើងយ៉ាងខ្លាំង។ ក្នុងនោះ ផ្សិតចំបើងដែលត្រូវបាន
ដាំក្នុងផ្ទះមានតំលៃខ្ពស់ជាងពី ១០ ដល់ ១៥ លានដុង/គីឡូក្រាម បើប្រៀបនឹង
តំលៃនៃផ្សិតចំបើងដែលត្រូវបានដាំនៅកណ្ដាលវាល។ លោក Huynh Van Ton
អនុប្រធានការិយាល័យកសិកម្មស្រុក Lai Vung បានឲ្យដឹងថា៖
«ក្នុងនាមជាស្ថាប័នគ្រប់គ្រងរដ្ឋយើងខ្ញុំជួយឧបត្ថម្ភប្រជាកសិករខាង
បច្ចេកទេសរៀបចំសិក្ខាសាលានិងវគ្គហ្វឹកហាត់ ហើយស្នើឲ្យគណៈកម្មាធិការ
ផ្តល់ថវិកា និងណែនាំពីពីវិធីសាស្ត្រដាំផ្សិតចំបើង។ ឥឡូវនេះ យើងខ្ញុំកំពុង
បើកថ្នាក់ បណ្តុះបណ្ដាលវិជ្ជាជីវៈដើម្បីប្រជាកសិករដាំផ្សិតបានស្ទាត់។»
មុខរបរដាំផ្សិតចំបើងនៅស្រុក Lai Vung គឺជាទិសដៅធ្វើមានប្រកបដោយ
ប្រសិទ្ធភាពរបស់ប្រជាកសិករ។ រូបសណ្ឋានដាំផ្សិតចំបើងក្នុងផ្ទះត្រូវបានចាត់
ទុក ជារូបសណ្ឋានកសិកម្មសមស្របនឹងសក្ខណៈផលិតកម្មតាមគ្រួសារកសិករ
ដែលមានប្រភពទុនតិចបច្ចុប្បន្ន។ ក្រៅពីនោះ ការដាំផ្សិតក្នុងផ្ទះក៏ជាដំណោះ
ស្រាយ មួយក្នុងកាលៈទេសៈបំរ៉ែបំរួលអាកាធាតុនាបច្ចុប្បន្នផងដែរ។ រូប
សណ្ឋានដាំផ្សិត ចំបើងក្នុងផ្ទះនឹងអភិវឌ្ឍន៍យ៉ាងខ្លាំងនាពេលខាងមុខ៕