ភ្ញៀវទេសចរមកស្វែងយល់អំពីវប្បធម៌របស់សហគមន៍ជនជាតិភាគតិចនៅភូមិ Sin Suoi Ho (រូបថត៖ VOV)

ស្ថិតនៅលើជួរភ្នំ Hoang Lien Son ភូមិ Sin Suoi Ho ស្រុក Phong Tho មាន អាកាសធាតុត្រជាក់ស្រួលពេញមួយឆ្នាំ និងត្រូវបានធម្មជាតិប្រទានឲ្យមានទេសភាព រហោស្ថានស្អាតអស្ចារ្យ។ ទោះបីទើបនឹងបានបើកសេវាទេសចរចាប់ពីឆ្នាំ ២០១៣មកក្ដី ប៉ុន្តែភូមិ Sin Suoi Ho បានក្លាយទៅជារមណីយដ្ឋានដែលមិនអាចរំលងបាន ឡើយនាពេលភ្ញៀវទេសចរមកដល់ Lai Chau ម្ដងៗ។

លោក Vang A Giang អ្នកភូមិ Sin Suoi Ho មួយរូប បានចែករំលែកថា អាកាសធាតុនៅតំបន់នេះគឺអំណោយផលសំរាប់រុក្ខជាតិជាច្រើនប្រភេទ ពិសេសគឺផ្កា អ័រគីដេ។នាបច្ចុប្បន្ន ប្រជាជនក្នុងភូមិបានចេះតុបតែងផ្ទះលំអរដោយផ្កា អ័រគីដេ ដើម្បីទទួលភ្ញៀវទេសចរ។ អ្នកណាក៏ស្ទាត់ជំនាញការទទួលភ្ញៀវ ក៏ដូច ជាណែនាំភ្ញៀវនាពេលមកដល់ទីនេះផងដែរ។ លោក Vang A Giang បានឲ្យ ដឹងថា៖

“ប្រជាជនក្នុងភូមិបានផ្លាស់ប្ដូរការគិតគូរ សាមគ្គី និងជួយឧបត្ថម្ភគ្នាដើម្បីធ្វើ ទេសចរណ៍។ ដោយទទួលបានការជួយឧបត្ថម្ភពីបក្ស រដ្ឋនិងអាជ្ញាធំតំបន់ យើង ខ្ញុំនឹងខំប្រឹងប្រែងកសាងភូមិក្លាយទៅជាមណ្ឌលទេសចរណ៍”។

ទន្ទឹមនឹងការពង្រីកឧត្តមភាពខាងភូមិសាស្ត្រនិងអាកាសធាតុនោះ ប្រជាជន នៅភូមិ Sin Suoi Ho ក៏ចេះផ្សព្វផ្សាយលក្ខណៈវប្បធម៌ដ៏វិសេសវិសាលរបស់ ជនជាតិ Mong ទៅដល់ភ្ញៀវទេសចរទៀតផង។ លក្ខណៈវប្បធម៌ទាំងនេះរួមមាន សម្លៀកបំពាក់ សិល្បៈប៉ាក់ឬការច្រៀងឆ្លើយឆ្លង ជាដើម។ ការដើរកំសាន្តនៅ ជុំវិញភូមិ ហិតក្លិនក្រអូបនៃផ្កាគ្រប់ប្រភេទនិងទស្សនាផ្ទះប្រពៃណីរបស់អ្នកភូមិ នឹងនាំមកនូវចំណាប់អារម្មណ៍ដ៏សុខសាន្តសំរាប់ភ្ញៀវទេសចរម្នាក់ៗនាពេលមក ដល់ភូមិ Sin Suoi Ho ម្ដងៗ។ អ្នកស្រី Tran Thu Ha ភ្ញៀវទេសចរមួយនាក់មកពី រដ្ឋធានីហាណូយបានចែករំលែកថា៖

“តាមផ្លូវធ្វើដំណើរ នាងខ្ញុំគិតថា ជីវភាពរស់នៅរបស់ប្រជាជននៅទីនេះជួប ការលំបាកជាច្រើនណាស់ ប៉ុន្តែហេតុអ្វីដែលគេនៅតែស្នាក់នៅទីនេះ។ ហើយ ពេលមកដល់ភូមិទេសចរអេកូឡូស៊ីនេះ នាងខ្ញុំបានឃើញការសម្រេចចិត្តដ៏ធំធេង របស់គេ។ ទីនេះមានបរិយាកាសស្អាតបរិសុទ្ធ និងសោភ័ណ្ឌភាពស្រស់បំព្រងគួរ ឲ្យធូរស្រាលចិត្តណាស់ ធ្វើឲ្យនរណាក៏ដោយពេលមកដល់តែម្ដង់ក៏ចង់វិលត្រឡប់មកវិញម្ដង ទៀតដែរ”។

មុននេះប៉ុន្មានឆ្នាំ ជីវភាពរស់នៅរបស់គ្រួសារទាំង១០៣ក្នុងភូមិជួបការ លំបាកជាច្រើន ព្រោះថាពឹងផ្អែកទាំងស្រុងទៅលើការធ្វើស្រែតែប៉ុណ្ណោះ។ អត្រា គ្រួសារក្រីក្រក្នុងភូមិឡើងដល់ទៅ៦០%។ ប៉ុន្តែ អាស្រ័យដោយមានការផ្លាស់ប្ដូរ ក្នុងការអភិវឌ្ឍសេដ្ឋកិច្ចដែលតភ្ជាប់នឹងការឆ្លៀតយកឧត្តមភាពដើម្បីអភិវឌ្ឍន៍ទេសចរណ៍នោះ បានធ្វើឲ្យមុខមាត់ភូមិមានការផ្លាស់ប្ដូរថ្មីទាំងស្រុង។ លោក Cheo Quay Hoa អនុប្រធានគណៈកម្មាធិការប្រជាជនឃុំ Sin Suoi Ho បានអះអាងថា ទេសចរណ៍កំពុងជាប្រៀបខ្លាំងក្នុងការអភិវឌ្ឍសេដ្ឋកិច្ចនៃតំបន់នេះ។ នាឆ្នាំ ២០១៧ ប្រជាជនក្នុងភូមិទទួលបានប្រាក់ចំណូលប្រមាណជាង២ពាន់លានដុង ពីការលក់ផ្កាអ័រគីដេ។ នាបច្ចុប្បន្ន គ្មានគ្រួសារក្រីក្រក្នុងភូមិទៀតឡើយ ហើយ មួយភាគបីក្នុងចំណោមគ្រួសារសរុបក្នុងភូមិមានប្រាក់ចំណូលសមរម្យ។ លោក Cheo Quay Hoa បានឲ្យដឹងថា៖

“នាបច្ចុប្បន្ន ឃុំកំពុងបញ្ជាណែនាំឲ្យប្រជាជនការពារព្រៃ ដើម្បីអភិវឌ្ឍន៍ដើម ក្រវាញនិងផ្កាអ័រគីដេ។ ប្រជាជនគ្រប់រូបសុទ្ធតែយល់ថា ការពារព្រៃដើម្បី រកប្រាក់ចំណូលពីសេវាកម្មបរិស្ថានព្រៃផង និងដើម្បីអភិវឌ្ឍន៍ដំណាំដែលនាំមក នូវប្រសិទ្ធភាពខាងសេដ្ឋកិច្ចខ្ពស់ទៀតផង”។

លក្ខណៈវប្បធម៏វិសេសវិសាលរបស់ជនជាតិ Mong រួមជាមួយសោភ័ណ្ឌ ភាពស្រស់ស្អាតនិងរស់ជាតិឈ្ងុយឆ្ងាញ់នៃមុខម្ហូបនៅតំបន់ព្រៃភ្នំនេះ បានបង្កើត ឡើងការចាប់អារម្មណ៍ដែលមិនអាចបំភ្លេចបានឡើយចំពោះភ្ញៀវទេសចរម្នាក់ៗនាពេលមកដល់ភូមិព្រំដែន Sin Suoi Ho៕