(VOVWorld)_ប្រសិនបើមានសំនួរមួយថា៖ កោះណាស្អាតបំផុតនៅក្នុងអាស៊ី
អាគ្នេយ៍ ? មានមនុស្សជាច្រើនបាននិយាយថា៖ នោះគឺកោះ Phuket - ថៃ។ ប៉ុន្តែនៅ អាស៊ីអាគ្នេយ៍នៅមានកោះមួយទៀត​ ដែលទាក់​ទាញទឹកចិត្តយ៉ាងខ្លាំង​ នោះគឺកោះ Boracay របស់ហ្វីលីពីន។ កោះនេះ​ត្រូវ​បានគេហទំព័រទេសចរណ៍ Trip Advisor ដ៏ល្បីឈ្មោះ ជ្រើសរើសជាឆ្នេរ​សមុទ្រឈរលំដាប់ថ្នាក់ទី១មួយក្នុងចំណោមឆ្នេរ សមុទ្រស្អាតបំផុតនៅទ្វីបអាស៊ីចំនួន១០ និងឈរលំដាប់ថ្នាក់ទី២ក្នុង Top ឆ្នេរ សមុទ្រស្អាតបំផុតចំនួន​២៥នៅលើពិភពលោក។ ក្នុងនាទីដំបូលអាស៊ាន ក្នុង
សប្ដាហ៍នេះ សូម​អញ្ជើញ​​លោក​អ្នកនាងមកទស្សនាកោះ Boracay ដ៏ស្អាតនិង
ទាក់ទាញ​​នេះ។

កោះ Boracay

          ស្ថិតនៅចំងាយពីរដ្ឋធានី Manila ប្រវែង ៣១៥គីឡូម៉ែត្រ ​Boracay ជា​កោះ
មួយ ក្នុងចំណោមកោះតូចបំផុតនៅហ្វីលីពីន​ ប៉ុន្តែនេះ​គឺជាកោះ​ស្អាតបំផុតរបស់
ប្រទេសនេះ។ មើលពីយន្តហោះ Boracay ដូចជាគ្រាប់ពេជ្រមួយគ្រាប់នៅលើលំ
ហរសមុទ្រ​។ មិត្ត Hoang Tung Anh ភ្ញៀវទេសចរណ៍វៀតណាមម្នាក់ បានអោយ
ដឹងថា៖

          “ ខ្ញុំមិនអាចភ្លេចបានចំណាប់អារម្មណ៍ក្នុងគ្រាដំបូងមកដល់ទីនេះទេ។ ​ទឹកសមុទ្រខៀវស្រងាត់ ផ្ទៃទឹកភ្លឺស្រឡះ និងខ្យល់ត្រជាក់ស្រួលណាស់។ អ្វីៗ ទាំងអស់នៅទីនេះបានធ្វើអោយរសាត់បាត់អស់​ការហត់នឿយ​ទាំងឡាយ​។”

​          មកដល់ Boracay មិត្តមានជម្រើសជាច្រើន ដូចជា​​ឆ្នេរ​សមុទ្រ ក្បុរសជាឆ្នេរ សមុទ្រមានមនុស្សច្រើនកុះករបំផុត និងក៏គឺជាទីកន្លែងអ៊ូអរ​បំផុត ដោយមាន បណ្ដាមជ្ឈមណ្ឌលលក់ដូរ ភោជនីយដ្ឋាន Bar …ជាដើម។ ​ផ្ទុយទៅវិញ ឆ្នេរ
សមុទ្រ Baling Har មានបរិយាកាសទូលំទូលាយ ​ស្ងៀម​ស្ងាត់ ​។​ ទន្ទឹមនឹងនោះ 
ឆ្នេរសមុទ្រ Puka នៅភាគខាងជើង កោះ Boracay ក៏​​ជាទីកន្លែងទាក់ទាញ បំផុត  ដោយសារផ្ទៃទឹកមានសភាពស្ងប់ស្ងៀម ​ស្រស់ស្អាត ហើយទីនេះក៏ជាទីកន្លែង អស្ចារ្យមួយសំរាប់ដំណើការទៅពិកនិចដែរ។ ក្រៅពីការលង់ខ្លួនចូលក្នុងផ្ទៃទឹកដ៏ ស្រស់ស្អាត មិត្តអាចជ្រើសរើស​ទួរទេសចរណ៍ប្រថុយប្រថាននានា ដូចជា÷​ទៅ
ទស្សនារូង​ប្រជាវ…ជាដើម។

កោះ Boracay

          មិនគ្រាន់ប៉ុណ្ណោះទេ មិត្តអាចទិញសំបុត្រទៅ Beach Hopping និង ​Snorkeling គុយគន់ផ្កាថ្ម ក្នុងរយះពេល១ថ្ងៃ។ ទន្ទឹមនឹងនោះ មិត្តអាចជិះម៉ូតូ​ឆ្លងកាត់តាម ជ្រលងកោះ ជិះសេះតាមមាត់សមុទ្រ ,ល…។ បងស្រី Le Minh Hang ភ្ញៀវទេស
ចរណ៍ វៀតណាមមួយនាក់បានអោយដឹងថា÷

          “ សមុទ្រនៅទីនេះស្អាត​​ និងបណ្ដាសេវាកម្មក៏អស្ចារ្យណាស់។ ​យើងខ្ញុំបាន
ទៅ ទស្សនាផ្កាថ្ម ជិះម៉ូតូជុំវិញកោះ។”

          ប្រការមួយទៀតដែលធ្វើអោយមនុស្សគ្រប់រូបពេញចិត្ត ពេល​មកដល់​កោះ 
Bocaray នោះគឺប្រព័ន្ធធនាគារ និង Resort ត្រូវបានកសាង​និង​រៀបចំ​ដ៏ល្អប្រសើរ 
សុខ ដុមរម្សនាជាមួយធម្មជាតិ។ ទន្ទឹមនឹងនោះ ប្រជាជន​នៅលើកោះ Boracay
មានទឹកចិត្ត​ស្និទ្ធស្នាល រស់រាយ​រាក់ទាក់ ត្រៀមខ្លួន​ជាស្រេចដើម្បីជួយ​ឧបត្ថម្ភ
ភ្ញៀវ​ទេសចរណ៍ទៀតផង។ ដូច្នេះ មិត្តអាចនឹងនរចិត្តដើម្បីទៅ​ដើរលេងនៅគ្រប់
ច្រក់ល្ហក​ អង្គុយតាមដងវិថីដើម្បីអោយជាង​​ក្រងសក់ឬសាក់រូបលើដងខ្លួន។ បណ្ដាអនុស្សាវរីយ៍នេះ ​នឹងជា​បណ្ដា​អនុស្សាវរីយ៍ដែលមិត្តមិនអាចបំភ្លេចបាន នៅពេលមកដល់កោះនេះ​៕