(VOV)_ប្រសិនបើមុននេះ ការសិក្សាភាសាវៀតណាមនៅថៃ មិនទានបានអនុ
វត្តនៅតាមសាលារៀនក្តី ប៉ុន្តែក្នុងរយៈពេល១០ឆ្នាំថ្មីៗនេះ សាលារៀនជាច្រើន ជាពិ
សេសគឺបណ្ដាមហាវិទ្យាល័យ ដូចជា មហាវិទ្យាល័យ Sinakharinwirot, Ubon Ratchatani
បានបើកបង្រៀនឯកទេសភាសាវៀតណាម។ នាបច្ចុប្បន្ន ភាសាវៀតណាមត្រូវបាន
រដ្ឋាភិបាលនិងប្រជាជនថៃយកចិត្តទុកដាក់ជាច្រើន ជាពិសេសគឺបន្ទាប់ពីពេល
សហគមន៍អាស៊ានត្រូវបានបង្កើតនាចុងឆ្នាំ២០១៥។
 |
| និស្សិតថៃនៅវៀតណាម |
ម៉ោង១៣ នៅក្នុងថ្នាក់រៀន ឯកទេសភាសាវៀតណាម និងសន្ទនា ដេប៉ាតេម៉ង់មហាវិទ្យាល័យ Ubon Ratchatani អ្នកគ្រូ Rujiwan Laophairoj -ប្រធានឯកទេស កំពុង
ណែនាំនិស្សិតចំនួន២០នាក់កំពុងរៀនភាសាវៀតណាម។
ឯកទេសភាសាវៀតណាមនិងសន្ទនានៃមហាវិទ្យាល័យ Ubon Ratchatani ត្រូវបាន
បង្កើតបីឆ្នាំ ២០១៣មក ហើយដល់ឥឡូវនេះបានបណ្ដុះបណ្ដាលបាន៤វគ្គសិក្សា។ អ្នក
គ្រូ Rujiwan Laophairoj បានអោយដឹងថា៖
“ ១០ឆ្នាំមុន ការសិក្សាភាសាវៀតណាមនៅថៃ ត្រូវបានរៀបចំឡើងតាមរបៀប
បណ្ដុះបណ្ដាលក្នុងរយៈពេលខ្លី ប៉ុន្តែក្នុងរយៈពេល១០ឆ្នាំថ្មីៗនេះ មហាវិទ្យាល័យជាច្រើន
បានបើកបង្រៀនផ្នែកភាសាវៀតណាម។នាបច្ចុប្បន្ន នៅថៃមានមហាវិទ្យាល័យចំនួន
៤ បានបណ្ដុះបណ្ដាលភាសាវៀតណាម។ មូលហេតុនៃបរិមាណនិស្សិតថៃរៀនភាសាវៀត
ណាមកើនឡើងនោះគឺប្អូនៗបានឃើញការរីកចំរើនខ្លាំងក្លា អំពីសេដ្ឋកិច្ច និងការ
អភិវឌ្ឍន៍ខ្លាំងក្លារបស់វៀតណាម បានជាប្អូនសង្ឃឹមថា៖ចេះភាសាវៀតណាមនឹង
ជួយអោយប្អូនស្វែងរកការងារធ្វើងាយស្រួលជាងក្នុងអនាគត ឬចូលរួមកម្មវិធី
គំរោងការណ៍សហប្រតិបត្តិការ ផ្លាស់ប្តូររវាងប្រទេសទាំងពីរ។”
.jpg) |
| និស្សិតថៃនៅវៀតណាម |
មូលហេតុមួយទៀត នោះគឺដោយសារការអភិវឌ្ឍន៍របស់អ៊ីនធឺណែត បានជា
និស្សិតថៃបានទាក់ទងនឹងវប្បធម៌វៀតណាម ហើយពីនោះចូលចិត្ត ស្រឡាញ់វប្បធម៌
វៀតណាម៖
“ ចំពោះខ្ញុំ ខ្ញុំឃើញថាភាសាវៀតណាមនឹងមានផលប្រយោជន៍ចំពោះខ្លួន ក្នុង
អនាគត។ ខ្ញុំចង់រៀនភាសាវៀតណាមដើម្បីស្វែងយល់វប្បធម៌វៀតណាម។ ប្រការនេះ
នឹងបង្កឱកាសសំរាប់ខ្លួន ប្រសិនបើចងធ្វើការនៅវៀតណាម។”
ដោយបានបណ្ដុះបណ្ដាលឯកទេស បានជានិស្សិតបានរៀន៣ឆ្នាំនៅថៃ និង១ឆ្នាំនៅ
វៀតណាម។ នាបច្ចុប្បន្ន បណ្ដានិស្សិតឆ្នាំទី៤ ឯកទេស កំពុងសិក្សានៅដេប៉ាតេម៉ង់ភាសា មហាវិទ្យាល័យវិទ្យាសាស្ត្រ សង្គមសាស្ត្រ និងមនុស្សសាស្ត្រ វៀតណាម។ Kittiya
និស្សិតមួយនាក់ ក្នុងចំណោមនិស្សិត១០នាក់ កំពុងសិក្សានៅទីនេះបានអោយដឹងថា៖
“ ប្អូនទទួលបានបទពិសោធន៍ជាច្រើនក្នុងជីវភាពរស់នៅ ពីព្រោះនៅថៃខ្ញុំមិនបាន
ប្រើប្រាស់ភាសាវៀតណាមច្រើនដូចនៅទីនេះទេ។ មកទីនេះ យើងខ្ញុំបានយល់ដឹងជា
ច្រើនអំពីជីវភាពរស់នៅរបស់ប្រជាជនវៀតណាម។”
វាយតំលៃអំពីសមត្ថភាពរៀនភាសាវៀតណាមរបស់និស្សិតថៃ ដែលកំពុងសិក្សានៅមហាវិទ្យាល័យវិទ្យាសាស្ត្រ សង្គមសាស្ត្រ និងមនុស្សសាស្ត្រ វៀតណាម អ្នកគ្រូ Pham
Thuong Thuong បានអោយដឹងថា៖
“ និស្សិតថៃខំរៀននិងរៀនឆាប់ឆេះណាស់។ ក្រោយរយៈពេល២-៣ខែនៅវៀត
ណាម មិត្តទាំងនេះនិយាយបានច្រើន និងបញ្ចេញសម្លេងល្អណាស់។នាគ្រាដើមដំ
បូងទើបមកដល់ មិត្តទាំងនេះគ្មានឱកាសច្រើនដើម្បីទាក់ទងជាមួយជនវៀតណាម
ប៉ុន្តែ ក្រោយរយៈពេល៣ខែ មិត្តទាំងនេះបានជួបសន្ទនាជាមួយមិត្តភក្តិ លោកគ្រូ
អ្នកគ្រូវៀតណាម បានជាប្រតិកម្មរបស់មិត្តបានកើនឡើងជាច្រើន។ ឥឡូវនេះ
មិត្តទាំងនេះនិយាយបានល្អណាស់។”
ក្រោយរយៈពេល៣ខែតែប៉ុណ្ណោះ ប៉ុន្តែ មិត្តនិស្សិតថៃបានមានការរីកចំរើនជា
ច្រើន។ ក្រោយមួយឆ្នាំ ជាពិតប្រាកដថា កំរិតភាសាវៀតណាមរបស់មិត្តនិស្សិតថៃ
នឹងបានកើនឡើងជាច្រើន ដើម្បីឆ្លើយតបបានតម្រូវការការងារក្នុងអនាគត។
ពិសេសគឺពេលដែលសហគន៍អាស៊ានត្រូវបានបង្កើត និងការផ្លាស់ប្តូរពលកររវាង
វៀតណាមនិងថៃនិយាយដោយឡែក និង រវាងបណ្ដាប្រទេសអាស៊ាន និយាយរួម
កាន់តែបើកទូលាយពីមួយថ្ងៃទៅមួយថ្ងៃ៕