នាយករដ្ឋមន្ត្រីកម្ពុជាសម្ដេចហ៊ុនសែន

ពិតណាស់ថា បរិយាកាសសុខសន្តិភាព និងសុភមង្គលបានគ្របដណ្ដប់មកលើទូទាំងព្រះរាជាណាចក្រកម្ពុជាក្នុងរយៈពេល ៣ សប្តាហ៍ នៃយុទ្ធនាការឃោសនារកសម្លេងឆ្នោត និងនាថ្ងៃបោះឆ្នោតសភានីតិកាលទី ៦។ គណបក្សនយោបាយទាំង ២០ ដែលចូលរួមការបោះឆ្នោតលើកនេះ សុទ្ធតែត្រូវបានដំណើរការរៀបចំការឃោសនារកសម្លេងឆ្នោត និងឃោសនាកម្មវិធីនយោបាយដោយសេរីភាព។ ប្រជាជនកម្ពុជាក៏មានសេរីភាពក្នុងការជ្រើសរើស និងបញ្ចេញមតិគាំទ្រចំពោះគណបក្សនយោបាយដែលគេគាំទ្រ។

លោកស្រី  SomSokhun អ្នកបោះឆ្នោតនៅមណ្ឌលខេត្តកណ្ដាលបានសំណេះសំណាលថា៖

"នាងខ្ញុំទៅបោះឆ្នោត ដើម្បីជ្រើសតាំងថ្នាក់ដឹកនាំដែលនាងខ្ញុំស្រឡាញ់ពេញចិត្ត។ នាងខ្ញុំជ្រើសរើសថ្នាក់ដឹកនាំល្អ ដើម្បីនាំមកនូវជីវភាពរស់នៅសុខសានត្រាណ មនុស្សគ្រប់រូបសុទ្ធតែមានកាងារធ្វើ និងទទួលបានជីវភាពរស់នៅដោយសេរីភាពផងដែរ"។

អ្នកបោះឆ្នោតកម្ពុជាមានទំនុកទុកចិត្តក្នុងការបោះឆ្នោតរដ្ឋសភាកម្ពុជា

រាល់តួរលេខគួរឲ្យចាប់អារម្មណ៍ដូចជា៖ គណបក្សនយោបាយចំនួន ២០ បានចូលរួមការបោះឆ្នោតលើកនេះ  អ្នកបោះឆ្នោតទៅបោះឆ្នោតមាន អត្រ 82,89%  អ្នកសង្កេតការណ៍ជាតិ និងអន្តរជាតិជាង ៩ ហ្មឺននាក់ចួលរួមសង្កេតមើលការបោះឆ្នោតលើកនេះ។ ទាំងនេះគឺជាតួរលេខឯតគ្គកម្ម ដែលហួសឆ្លាយប្រើប្រៀបនឹងការបោះឆ្នោតមុននេះក្នុងប្រវត្តិសាស្ត្រកម្ពុជា។ ប្រការនេះបានឆ្លុះបញ្ចាំងយ៉ាងគ្រប់គ្រាន់នូវលទ្ធិប្រជាធិបតេយ្យពហុបក្ស សេរីភាពរបស់ប្រជាពលរដ្ឋដែលត្រូវបានពង្រីកជាអតិបរមា។

លោក Vijay Jolly អ្នកនយោបាយជើងចាស់ ថ្នាក់ដឹកនាំជាន់ខ្ពស់នៃគណបក្ស BJP មកពីប្រទេសឥណ្ឌា  បានចូលរួមការសង្កេតមើលការបោះឆ្នោតរដ្ឋសភាកម្ពុជាតាំងពីពេលបណ្ដាគណបក្សនយោបាយដំណើរការយុទ្ធនាការឃោសនាបោះឆ្នោតបានចែករំលេកថា៖

"ប្រទេសកម្ពុជាមានប្រជាធិបតេយ្យពិតប្រាកដ តាមរយៈស្នូរសម្លេងទះដៃរបស់មនុស្សគ្រប់រូប និងស្នាមញញឹមរបស់យុវជន យើងអាចមើលឃើញក្ដីសម្បាយរីករាយ និងទំនុកទុកចិត្តរបស់មនុស្សន៍គ្រប់រូប។ ហេតុដូច្នេះហើយ យើងខ្ញុំមានជំនឿជាក់យ៉ាងមុតមាំថាលទ្ធិប្រជាធិបតេយ្យត្រូវបានរក្សានិងអភិវឌ្ឍន៍នៅកម្ពុជាផងដែរ"។

អ្នកបោះឆ្នោតមួយរូបទៅបោះឆ្នោតរដ្ឋសភាកម្ពុជា

លោក YouseffAwad អនុប្រធានវេទិកាអន្តរជាតិស្ដីពីបណ្ដាគណបក្សនយោបាយអាស៊ី  (ICAPP) ជា អ្នកសង្កេតការណ៍បោះឆ្នោតរដ្ឋសភាកម្ពុជានីតិកាលទី ៦ បានចាត់ទុកថា៖

“ខ្ញុំសង្កេតមើលឃើញថា អត្រាចំនួនអ្នកបោះឆ្នោតទៅបោះឆ្នោតគឺ 80% ហើយការបោះឆ្នោតលើកនេះប្រព្រឹត្តិទៅដោយសន្តិភាព និងល្អប្រសើរ។ រីឯការបោះឆ្នោតនាខែឧសភាឆ្នាំ ២០១៨ នៅប្រទេសលីបង់ ដែលជាស្រុកកំណើតរបស់យើងខ្ញុំនោះ អត្រាអ្នកបោះឆ្នោតទៅបោះឆ្នោតមានត្រឹមតែក្រោម 50%។ ខ្ញុំសូមអបអរសាទរចំពោះអនាគតដ៏ភ្លឺស្វាងនៅប្រទេសកម្ពុជាផងដែរ”។

ក្នុងចំណោមអ្នកបោះឆ្នោតជាង ៨ លាន ៣ សែននាក់ ដែលត្រូវបានចុះឈ្មោះនោះ មានប្រជាជនចំនួន ៧ លាននាក់បានបំពេញ កាតព្វកិច្ចជាប្រជាពលរដ្ឋ ក្នុងការជ្រើសតាំងគណបក្សដឹកនាំប្រទេសជាតិ។ លទ្ធផលក្នុងការបោះឆ្នោតនឹងត្រូវប្រកាសនាប៉ុន្មានថ្ងៃខាងមុខនេះមិនត្រឹមតែបង្ហាញអំពីទំនុកចិត្តប៉ុណ្ណោះទេ ថែមទាំងឆន្ទៈនយោបាយរបស់ប្រជាជនភាគច្រើននៅកម្ពុជាទៀតផង ហើយការសម្រេចចិត្តនេះរបស់ប្រជាជនកម្ពុជាចាំបាច់ត្រូវគោរពដែរ។

ក្រោយពីពេលបោះឆ្នោតរដ្ឋសភាមក តាមរយៈដួងនេត្រា ទឹកមុខរបស់ប្រជាជនកម្ពុជាគ្រប់រូបគឺសុទ្ធតែមានមោទនភាពចំពោះភាពជោគជ័យរួមនៃប្រទេសជាតិ និងទំនុកទុកចិត្តចំពោះសម័យកាលអភិវឌ្ឍន៍ថ្មីរបស់ប្រទេសជាតិ ដើម្បីឆ្ពោះទៅរអនាគតដ៏វិបុលភាព សប្បូររុងរឿង នៅទូទាំងប្រទេសកម្ពុជាផងដែរ៕