(VOV)_ជារៀងរាល់ខែនាថ្ងៃពេញបូណ៌មី អំពូលភ្លើងដាក់បំភ្លឺនៅតាមផ្ទះបុរាណ
នានានៅវិថីបុរាណ Hoi An សុទ្ធតែបានបិទ និងជំនួសមកវិញដោយភ្លើងគោមចង
ព្យួរ ចំរុះព័ណ៌ បានធ្វើអោយបរិយាកាសនៅទីនេះរំលេចដោយពន្លឺភ្លឺផ្លេកៗ ជាពិ
សេស ក្នុងថ្ងៃពេញបូណ៌មី ខែទី៣ គិតតាមច័ន្ទគតិ។ វិថីបុរាណ Hoi An ពេលនេះ
បានក្លាយទៅជាផុលផុសជាងធម្មតាដោយសារវត្តមានរបស់ សិល្បករ សិល្បការ
នីមិនជំនាញចំនួន១៥០០នាក់ មកពីប្រទេសនិងតំបន់ដីចំនួន១៥ លើទូទាំងពិភព
លោក។ គេមកដល់ Hoi An ខេត្ត Quang Nam (ភាគកណ្ដាលវៀតណាម)ក្នុងបំណង
ចូលរួមការប្រឡងប្រគំតន្ត្រីអន្តរជាតិ លើកទី៤។ ដោយបានប្រព្រឹត្តទៅក្នុងឱកាស
រំលឹកខួបអនុស្សាវរីយ៍លើកទី៤០នៃទិវារំដោះភាគខាងត្បូង ឯកភាពប្រទេសជាតិ
ព្រឹត្តិការណ៍ប្រគំតន្ត្រីលើកនេះបានរួមចំណែកឧទ្ទេសនាមរូបភាព Hoi An ទៅកាន់
មិត្តភក្តិអន្តរជាតិ។
 |
| ប្រគំតន្ត្រី Hoi An –ស្ពានតភ្ជាប់មិត្តភក្តិអន្តរជាតិ |
លោកអ្នកនាងកំពុងកំសាន្តចម្រៀង Sirih Kuning ជាបទចម្រៀងប្រពៃណី
ស្ដីពីរដ្ឋធានី Jakarta សម្ដែងដោយក្រុមតន្ត្រីនៃវិទ្យាល័យ Bogor របស់ឥណ្ឌូណេស៊ី ។
នេះគឺជាក្រុមប្រគំតន្ត្រី១ក្នុងចំណោមក្រុមប្រគំតន្ត្រីក្មេងខ្ចីបំផុតក្នុងការប្រឡងលើក
នេះ ដោយទើបបានកើតឡើងមុននេះកន្លះឆ្នាំប៉ុណ្ណោះ។ លោកគ្រូ Benhasinaga នៃ
សាលាមធ្យមសិក្សា Borgor និងជាប្រធានក្រុមប្រគំតន្ត្រី បានចែករំលែកថា៖
“ មកចូលរួមការប្រឡងលើកនេះ យើងខ្ញុំនឹងសម្ដែងបទចម្រៀងចំនួន៣បទ ៖
បទចម្រៀងទីមួយជាភាសាអង់គ្លេស ដោយមានឈ្មោះ Aria បទចម្រៀងទីពីរ គឺ
Sirih Kuning ជាបទចម្រៀងប្រពៃណីស្ដីពីទីក្រុង Jakarta និងបទចម្រៀងទីបី គឺ
Sik Sik Sibatumanikam ។ យើងខ្ញុំមកទីនេះ ដោយបំណងបានជួបប្រាស្រ័យជា
មួយមិត្តភក្តិអន្តរជាតិនានា។”
ពេញចិត្តជាមួយឈុតសម្ដែងតន្រ្តីរបស់ក្រុមឥណ្ឌូនេស៊ីនេះ លោកស្រី Hartini
ជាសមាជិកាក្រុមប្រគំតន្ត្រីម៉ាឡេស៊ី អាយុ ៥៤ឆ្នាំ អង្រួនខ្លួនតាមចង្វាក់បទចម្រៀង
ផង និងកំពុងត្រៀមរៀបចំអោយការសម្ដែងរបស់ក្រុមខ្លួនផង។ ក្រុមរបស់លោក
ស្រីមានសមាជិកចំនួន១៥នាក់ សុទ្ធតែអ្នកមានអាយុជិតចូលនិវត្តន៍ ដែលធ្លាប់
បានចូលរួមការប្រឡងជាច្រើនលើកនៅក្នុងនិងក្រៅប្រទេស។ ប៉ុន្តែ ការប្រឡង
លើកនេះបានប្រព្រឹត្តទៅតាមដងវិថី Hoi An នឹងនាំមកនូវចំណាប់អារម្មណ៍ពិ
សេសប្លែក។ នេះគឺជាចំណាប់អារម្មណ៍របស់មិត្ត Chandra មកពីហ្វីលីពីន និង
របស់ លោកស្រី Hartini - ក្រុមម៉ាឡេស៊ី៖
“ នេះគឺជាឱកាសល្អ សំរាប់ប្រទេសនានា ជាពិសេសគឺបណ្ដាប្រទេសអា
ស៊ាន ដើម្បីជួបជុំជាគ្នា ច្រៀងជាមួយគ្នា ។ ខ្ញុំគិតថាតន្ត្រីជាភាសាអន្តរជាតិ និងនាំ
យើងខិតមកជិតគ្នាជាង។”
“យើងខ្ញុំជាក្រុមជម្រើសជាតិរបស់ម៉ាឡេស៊ី។ នេះគឺជាឱកាសល្អ ដើម្បីជួប
ប្រាស្រ័យជាមួយមិត្តនានា និងយល់ដឹងបន្ថែមអំពីប្រវត្តិសាស្ត្ររបស់តំបន់ដីនេះ។
អ្វីៗទាំងអស់ តាំងពីការងារទទួលស្វាគមន៍ ដល់ការងារត្រៀមរៀបចំ សុទ្ធតែល្អ
អស្ចារ្យណាស់។”
 |
| ប្រគំតន្ត្រី Hoi An –ស្ពានតភ្ជាប់មិត្តភក្តិអន្តរជាតិ |
សកម្មភាព១ក្នុងចំណោមសកម្មភាពក្នុងក្របខ័ណ្ឌនៃការប្រឡងលើកនេះ
គឺ ការដើរដង្ហែរក្បួនតាមវិថីបុរាណ Hoi An ក្នុងសម្លៀកបំពាក់ប្រពៃណី របស់ប្រ
ទេសនានា។ សិល្បករ សិល្បការនីចំនួន១៥០០នាក់បានចូលរួមដង្ហែរក្បួនតាម
បណ្ដាដងវិថីនិងច្រៀងបទចម្រៀងរបស់ក្រុមខ្លួន និងបក់ដៃស្វាគមន៍ប្រជាជន
នៅតាមសងខាងវិថី ហើយថែមទាំងរួមគ្នាថតរូបទុកជាអនុស្សាវរីយ៍ទៀតផង។
Chakrapong អាយុ២១ឆ្នាំ នៃក្រុមបាងកក ថៃ ចែករំលែកថា៖
“ ខ្ញុំសប្បាយរីករាយ និងមានមោទនភាពយ៉ាងខ្លាំង ដោយបានចូលរួមកម្ម
វិធីដ៍ធំដូច្នេះ នៅវៀតណាម។ នេះគឺជាលើកដំបូង ដែលខ្ញុំនិងក្រុមរបស់ខ្ញុំបានមកដល់វៀតណាម។យើងខ្ញុំរកឃើញប្រការថ្មីនិងចំឡែកយ៉ាងច្រើនណាស់។
ជាពិសេស យើងខ្ញុំបានស្គាល់មិត្តភត្តិអន្តរជាតិនានាទៀតផង។”
ប្អូន Phuong Thao សមាជិកានៃក្រុមប្រគំតន្ត្រី Vinschool One ជាក្រុមទទួល
បានជ័យលាភីមាសនៅការប្រឡងច្រៀងប្រជាប្រិយ និងជ័យលាភីនៃក្តីសង្ឃឹម
បានអោយដឹងថា៖
“ក្នុងនាមជាក្រុមម្ចាស់ផ្ទះ យើងខ្ញុំហ្វឹកហាត់យ៉ាងម៉ត់ចត់ និងទទួលបាន
ជ័យលាភីមាសខ្ញុំសប្បាយរីករាយណាស់។ ក្នុងរយៈពេលប្រព្រឹត្តទៅការប្រឡង
លើកនេះ យើងខ្ញុំជានិច្ចកាលរួសរាយរ៉ាក់ទាក់ ស្និទ្ធិស្នាលនិងជួយឧបត្ថម្ភមិត្ត
អន្តរជាតិនានាទៀតផង។”
កម្មវិធីប្រគំតន្ត្រីអន្តរជាតិវៀតណាម លើកទី៤ ត្រូវបានបិទបញ្ចប់ ដោយ
កម្មវិធីសម្ដែងរួម៖ រួមចង្វាក់បេះដូង ដោយសិល្បករ សិល្បការនីនានាសម្ដែង
បានបំបាត់ចោលការខុសប្លែកក្នុងភាសា អាយុ និងភូមិសាស្ត្រ ហើយនៅសល់
តែចំណងមិត្តភាព សាមគ្គីភាពជាមួយគ្នាតែប៉ុណ្ណោះ៕