(VOV)_ក្រោយរយៈពេលច្រើនថ្ងៃត្រៀមរៀបចំ រួចរាល់មកក្រុមមិត្តរបស់លោក
Van Nam ដែលកំពុងរស់នៅនិងធ្វើការនៅទីក្រុងហូជីមិញ(ភាគខាងត្បូងវៀតណាម)
បានចាប់ផ្តើមដំណើរទេសចរណ៍ទៅប្រទេសកម្ពុជាក្នុងប៉ុន្មានថ្ងៃឈប់សម្រាក់ចុង
សប្ដាហ៍។ ហើយរាជធានីភ្នំពេញ ជាទីមកដល់ដើមដំបូង ក្នុងដំណើរទេសចរណ៍នេះ។
 |
| បរមរាជវាំង |
ស្ថិតនៅលើវិថីព្រះស៊ីសុវត្ថិ ឆ្ពោះទៅទន្លេបាសាក់ បរមរាជវាំងកម្ពុជាត្រូវបាន
ក្រុមលោក Van Nam ផ្តល់អាទិភាពចំបងគេ ក្នុងចំណោមតំបន់ផ្សេងៗទៀតនៅភ្នំ
ពេញ។ លោក Thanh Trung ជាសមាជិកមួយនាក់ក្នុងក្រុម បានឧទ្ទេសនាមជាមួយ
មិត្តភក្តិអំពីសំណង់ល្បីឈ្មោះនេះថា៖
“ នៅខាងមុខទីលានគឺជាទន្លេចតុមុខ និងខាងក្រោយគឺជាមរមរាជវាំង។ នេះ
គឺជាទីជាកន្លែងគង់ប្រថាប់របស់ព្រះមហាក្សត្រ ជួបជុំជាមួយសមាជិករដ្ឋាភិបាល
ក៏ដូចជាទទួលជួបសន្ទនាជាមួយគណៈប្រតិភូពីប្រទេសនានាលើពិភពលោក។
បរមរាជវាំងនេះត្រូវបានកសាងឡើងពីឆ្នាំ ១៨៦៦។”
បរមរាជវាំងជាជានិមិត្តរូបដ៏អស្ចារ្យនៃស្ថាបត្យកម្មបុរាណខ្មែរ។ ក្នុងបរមរាជ
វាំងមានតំបន់មួយដែលភ្ញៀវទេសចរមិនអាចរំលងបានទេ នោះគឺព្រះវិហារព្រះ
កែវមរកត មានដំកល់ព្រះពុទ្ឋបដិមា១អង្គធ្វើអំពីត្បូងកែវដ៏មានតំលៃ ដែលមាន
ព៌ណដូចមរកត។ ភ្ញៀវបរទេសនិយមហៅថា វត្តប្រាក់ព្រោះបាតក្រោមនៃព្រះវិ
ហារមានក្រាលការ៉ូធ្វើពីប្រាក់សុទ្ឋ ។
ចេញពីបរមរាជវាំងនាពេលរសៀល ក្រុមមិត្ត Van Nam បានរួមគ្នា ជិះទុកទុក
ទៅកាន់វិមានឯករាជ្យ ជានិមិត្តរូបដ៏ស្អាតមួយនៅភ្នំពេញ។ វិមានឯករាជ្យ ត្រូវ
បានកសាងនៅឆ្នាំ១៩៥៨។ វិមានឯករាជ្យមានកំពស់ ២០ម៉ែត្រ មាន ៥ជាន់
លំអដោយក្បាលពស់នាគរាជចំនួន១០០ ។ ពីវិមានឯករាជ្យនេះ ក្រុមមិត្ត Van
Nam បន្តដំណើរទេសចរណ៍តាមទន្លេបាសាក។ លោក Van Nam បានអោយ
ដឹងថា៖
“ ទីក្រុងភ្នំពេញដ៏ស្អាត និងសុខសាន្តត្រាណ។ នេះគឺជាទីប្រសព្វគ្នានៃ
ទន្លេមេគង្គ ទន្លេសាប ទន្លេបាសាក់ បានជាប្រជាជនកម្ពុជាហៅថាទីក្រុងទន្លេ
ចតុមុខ។ មកដល់ភ្នំពេញ ក្រៅពីការទស្សនាបរមរាជវាំង ភ្ញៀវទេសចរណ៍ក៏
អាចជិះទូកលេងកំសាន្ត តាមបណ្ដោយទន្លេផងដែរ។”
ក្រោយរយៈពេល១ម៉ោងជិះទូកតាមទន្លេសាបដ៏រូម៉ានទិកនេះ ក្រុមមិត្ត Van
Nam បន្តដំណើរទៅដល់ផ្សាររាត្រី ដើម្បីស្វែងរកទិញវត្ថុអនុស្សាវរីយ៍មួយចំនួន។
Ha Thu នារីមួយនាក់នៅក្នុងក្រុមបានចែករំលែកថា៖
“ នៅទីនេះមានលក់វត្ថុអនុស្សាវរីយ៍ជាច្រើនណាស់ ដូចជាថាសប្រាក់មាន
និមិត្តរូបប្រទេសកម្ពុជា រូបបដិមា ។ ខ្ញុំបានទិញរូបភាពនិងវត្ថុអនុស្សាវរីយ៍មួយចំ
នួនហើយ។ ខ្ញុំសប្បាយរីករាយណាស់។”
បរមរាជវាំងពោពេញទៅដោយអាថ៍កំបាំង ទន្លេសាបស្អាតនិងរូម៉ានទិក និង
ផ្សាររាត្រីដ៏អ៊ូអរ បានបង្កើតចំណាប់អារម្មណ៍ជាច្រើន ចំពោះក្រុមមិត្ត Van Nam។
ប្រការទាំងនេះ បានធ្វើអោយភ្ញៀវទេសចរមកដល់កម្ពុជាកាន់តែច្រើនពីមួយថ្ងៃ
ទៅមួយថ្ងៃ។ ក្នុងរយៈពេល៦ខែដើមឆ្នាំ ២០១៥ កម្ពុជាទទួលភ្ញៀវទេសចរចំនួន
ជីត២លាននាក់ ហើយវៀតណាមជាប្រទេសឈរលំដាប់ថ្នាក់ទីមួយ ក្នុងចំណោម
ភ្ញៀវទេសចរណ៍មកដល់ប្រទេសកម្ពុជា៕