(VOVWorld) - ដាំម្ទេសនៅក្នុងចំការគ្រួសារ ជាវិធានការមួយ ក្នុងចំណោមបណ្ដាវិធាន
ការដែលរដ្ឋអំណាច របស់ប្រធានាធិបតីឥណ្ឌូនេស៊ី ដាក់ចេញ ក្នុងរយះពេលថ្មីៗនេះ
ដើម្បីរាំងស្កាត់អតិផរណាកំពុងកើនឡើងយ់ាងខ្ពស់។ ប្រធានាធិបតីឥណ្ឌូនេស៊ី បាន ចាត់ទុកថា៖ វិធានការនេះ នឹងរាំងស្កាត់បានតំលៃម្ទេស -ជាមុខម្ហូបប្រពៃណីដែលមិនអាចខ្វះបាន ក្នុងការហូបចុករបស់ប្រជាជនឥណ្ឌូនេស៊ី កំពុងកើនឡើងយ៉ាងខ្ពស់ជាបន្តបន្ទាប់ ក្នុងរយះពេលកន្លងទៅ។
 |
| ម្ទេសជាមុខម្ហូបប្រពៃណីដែលមិនអាចខ្វះបាន ក្នុងការហូបចុករបស់ប្រជាជនឥណ្ឌូនេស៊ី(http://vietbao.vn) |
ក្នុងឆ្នាំ ២០១១ ដោយសារធាតុអាកាសទឹកភ្លៀងច្រើន ប្រទេសឥណ្ឌូនេស៊ីត្រូវប្រឈមមុខនឹង ស្ថានភាពលិចទឹកក្នុងរយះពេលច្រើនខែ។ ដូច្នេះ ដង្កូវ មមី កើតមាន ឡើងនៅដំបន់នានា ធ្វើអោយទិន្នផលម្ទេសថយចុះច្រើន។ ប្រភពផ្គត់ផ្គងម្ទេស មិន ឆ្លើយតបបានតម្រូវការទេ ដូច្នេះ តំលៃម្ទេសកើនឡើងជិត 5 ដង។ ដូច្នេះ តំលៃម្ទេស
នៅឥណ្ឌូនេស៊ី ថ្លៃជាងសាច់គោទៅទៀត។ ប្រការនេះកំពុងជះឥទ្ធិពលយ៉ាងខ្លាំងដល់ ប្រជាជនឥណ្ឌូនេស៊ី។ ក្រៅពីស្ថានភាពម្ទេសត្រូវបាត់រដូវ កើនថ្លៃ ការជះឥទ្ធិពលនៃ
ការប្រែប្រួល អាកាសធាតុ បានធ្វើអោយរដូវប្រមូលផលស្រូវនៅដំបន់ជាច្រើនត្រូវ ថយចុះ តំលៃអង្ករកើនឡើងយ៉ាងខ្លាំង។
ចំពោះមុខសភាពការណ៏នេះ រដ្ឋាភិបាលឥណ្ឌូនេស៊ីបានសម្រេចនាំចូលអង្ករចំនួន ១
លាន ៣០ ហ្មឹនតោន ពីថៃនិងវៀតណាម នាខែកុម្ភះឆ្នាំ ២០១២នេះ ក្រោយរយះពេល
២ឆ្នាំបញ្ឈប់ការនាំចូលអង្ករ។ ប៉ុន្តែ រដ្ឋអំណាចឥណ្ឌូនេស៊ីក៏បានអោយដឹងថា៖ កំពុង ខ្វល់ចិត្តអំពីតំលៃរបស់ម្ទេស។ ដូច្នេះ មានតែរបៀបមួយគត់គឺ៖ ប្រជាជនត្រូវដាំម្ទេស ដោយខ្លួនឯង ដើម្បីជួយបញ្ឆុះតំលៃប្រភេទគ្រឿងទេសពិសេសនេះ។ ដូចជាប្រជាជន ឥណ្ឌូនេស៊ីជាច្រើននាក់ផ្សេងៗទៀត គ្រួសារបងស្រី Maryuni នៅភាគកណ្ដាល Jawa
ក៏ប្រើប្រាស់ម្ទេសជាច្រើន ក្នុងការហូបចុកប្រចាំថ្ងៃ៖
“គ្រួសារខ្ញុំដាំម្ទេស ពីព្រោះនោះជាតម្រូវការប្រចាំថ្ងៃ គ្រួសារខ្ញុំមិនអាចហូបចុកបាន
ប្រសិនបើគ្មានរស់ជាតិហឹរ ។ ដូច្នេះ គ្រួសារខ្ញុំបានដាំម្ទេសនៅក្នុងចំការរបស់ខ្លួន ។ ចំពោះខ្ញុំ តំលៃម្ទេសនៅលើទីផ្សារកើនឡើងខ្ពស់ ក៏មិនជះឥទ្ធិពលដល់គ្រួសារខ្ញុំដែរ។”
ចលនាដាំម្ទេសនៅចំការរបស់គ្រួសារ បានរីករាលដាលយ៉ាងទូលំទូលាយទៅក្នុងទូទាំងប្រទេស។ នាបច្ចុប្បន្ន ក្រសួងកសិកម្ម ក៏បានចាប់ផ្តើមផ្សព្វផ្សាយយ៉ាងទូលំ ទូលាយ អោយប្រជាជនអំពី បណ្ដារបៀបដាំដុះបន្លែរ និងផ្លែរឈើ ពិសេសគឺក្នុងចំការ របស់ខ្លួន ដើម្បីអាចផ្គត់ផ្គង់អោយការហូបចុករបស់គ្រួសារខ្លួន ដោយខ្លួនឯង។ ក្រៅ ពីនោះ រដ្ឋាភិបាលក៏បានចាប់ផ្តើម ជំរុញយ់ាងខ្លាំង ចលនា ដោយរបៀប ចែកចាយ
គ្រាប់ពូជម្ទេសដោយឥតគិតថ្លៃអោយប្រជាជននៅដំបន់មួយចំនួន។
ជួយជ្រោមជ្រែងចលនាខាងលើ បណ្ឌិត Muhamad Syukur សាស្រ្តចារ្យផ្នែក
ក្សេត្រវិទ្យា និងបន្លែផ្លែឈើ នៃសាលាសភាបណ្ឌិតកសិកម្ម Bogor ក៏បាន ផ្តល់ចំណេះ
ដឹង ជាសារវ័នឲ្យប្រជាជន អំពីការដាំ ម្ទេស ដើម្បីផ្គត់ផ្គង់ វត្ថុធាតុដើម ស្រស់ សម្រាប់
ម្ហូបប្រចាំថ្ងៃ៖
“ជាធម្មតាប្រជាជនអាចដំាម្ទេសនៅទីកន្លែងណាឬរដូវណាក៏បាន។ ម្ទេសអាចដំា នៅតំបន់ខ្ពង់រាបតំបន វាលទំនាបក៏បាន។ ប្រសិនជាយើងមានផ្ទៃដីចង្អៀត យើងនៅតែ ដំាបំរើតំរូវការប្រចាំថ្ងៃបាន។”
លោក Agung Laksono រដ្ឋមន្រ្តីក្រសួងសហប្រតិបត្តិការនិង សម្បូររុងរឿងឥណ្ឌូនេស៊ី
ឲ្យដឹងថា រដ្ឋាភិបាលកំពុងខំប្រឹងប្រែងរារាំងការឡើងថ្លៃម្ទេស ដោយរបៀបស្វែងរក បន្ថែម ប្រភពផ្គត់ផ្គង់លើទីផ្សារ។ មិនត្រឹមតែ អំពាវនាវប្រជាជនដំាម្ទេសដើម្បីបន្ថយអតិផលរណា ប្រធានាធិបតី Yudhoyono ក៏ បានអំពាវនាវប្រជាជនផ្លាស់ប្តូរទម្លាប់យកអង្ករធ្វើជាស្បៀង
អាហារ ចំាបាច់។រដ្ឋាភិបាលក៏បំផុសចលនា អំពាវនាវប្រជាជន ផ្លាស់ប្តូរ រចនាសម្ព័ន្ធម្ហូប
ប្រចំាថ្ងៃដោយ របៀបហូបបន្ថែម គ្រប់ធុញជាតិ ដូចជាពោត ដំឡូង ដើម្បីបន្ធូរស្រាល ក្នុង ការចំណុះទៅ។
ក្នុងស្ថានភាពតម្លៃស្បៀងអាហារលើពិភពលោកកំពុងឡើងដល់ កម្រិតខ្ពស់ រដ្ឋាភិបាលឥណ្ឌូនេស៊ី បានអនុវត្តវិធានការថ្មីជាច្រើន ដោយសង្ឃឹមថា អាចដោះស្រាយបានបញ្ហាស្បៀងអាហារឲ្យប្រជាជន ជាង 230លាននាក់៕