ភ្ញៀវទេសចរមកដល់ទីក្រុង Da Nang ក្នុងថ្ងៃដំបូងនៃបុណ្យចូលឆ្នាំថ្មី ឆ្នាំ ២០២៤។ (រូបថត៖ dangcongsan.vn)

ជាក់ស្តែងចាប់ពីថ្ងៃទី ៨ ខែកុម្ភៈ (ពោលគឺថ្ងៃទី ២៩ នៃបុណ្យតេត) ដល់ថ្ងៃទី ១៤ ខែកុម្ភៈ (ពោលគឺថ្ងៃទី ៥ នៃបុណ្យតេត) មានជើងហោះហើរក្នុងស្រុក និងអន្តរជាតិ ចំនួន ៨៩៤ ជើង ដែលនាំអ្នកដំណើរទៅកាន់ទីក្រុង Da Nang កើនឡើង ១៦% បើ ធៀបនឹងរយៈពេលដូចគ្នាកាលពីឆ្នាំមុន។ កំពង់ផែ Tien Sa ទទួលកប៉ាល់ទេសចរណ៍ អន្តរជាតិចំនួន ៣ គ្រឿង ស្នាក់នៅរយៈពេល ១ យប់ ដោយមានភ្ញៀវជាង ៣៤០០ នាក់។ យោងតាមនាយិកាមន្ទីរទេសចរណ៍ទីក្រុង Da Nang លោកស្រី Truong Thi Hong Hanh ចំនួនភ្ញៀវទេសចរណ៍សរុបទៅកាន់ទីក្រុង Da Nang ក្នុងឱកាសបុណ្យ ចូលឆ្នាំថ្មីប្រពៃណីជាតិ ឆ្នាំ២០២៤ ត្រូវបានប៉ាន់ប្រមាណថា មានជិត ៣៦២ ពាន់នាក់ កើនឡើង ២៣% បើធៀបនឹងរយៈពេលដូចគ្នាកាលពីឆ្នាំមុន។ ក្នុងនោះភ្ញៀវអន្តរជាតិត្រូវបានប៉ាន់ប្រមាណថាមានចំនួន ១៧២ ពាន់នាក់ ភ្ញៀវក្នុងស្រុកមានចំនួន ១៩ ម៉ឺននាក់។

ក្នុងឆ្នាំ ២០២៤ ទីក្រុង Da Nang កំណត់គោលដៅបម្រើភ្ញៀវជាង ៨,៤ លាននាក់ កើនឡើង ១៣,៨% បើធៀបនឹងឆ្នាំមុន។ ក្នុងនោះមានភ្ញៀវអន្តរជាតិចំនួន ២,៥ លាន នាក់ ចំណូលពីសេវាកម្មស្នាក់នៅ ហូបចុក និងធ្វើដំណើរ សម្រេចបានជាង ៣០,៨ ទ្រីលានដុង (១,២៦ ពាន់លានដុល្លារ) កើនឡើងជាង ១០%៕