វៀតណាមប្រគល់ជូនអង្ករចំនួន ១០០ តោនដល់ក្រុមគ្រូពេទ្យគុយបាក្នុងខ្សែជួរមុខនៃការ ប្រយុទ្ធប្រឆាំងនឹងជំងឺ COVID-១៩
(VOVWORLD) - នាព្រឹកថ្ងៃទី ១៣ ខែឧសភា នៅទីស្នាក់ការស្ថានទូតគុយបាប្រចាំនៅទីក្រុងហាណូយ ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋគុយបាប្រចាំនៅវៀតណាម លោកស្រី Lianys Torres Rivera បានទទួលជានិមិត្តរូបនៃអង្ករចំនួន ១០០ តោនពីលោក Tran Ngoc Anh អគ្គនាយករងនៃអគ្គក្រុមហ៊ុន Viglacera ។
 គ្រូពេទ្យពិនិត្យអ្នកជំងឺនៅមន្ទីរពេទ្យមួយក្នុងឡាហាប់ណាប្រទេសគុយបា។ (រូបថត៖ THX / TTXVN) |
នេះគឺជាអំណោយរបស់កម្មាភិបាលនិងបុគ្គលិករបស់ក្រុមហ៊ុន Vimariel SA ចំណុះអគ្គក្រុមហ៊ុន Viglacera ដែលកំពុងវិនិយោគនិងអភិវឌ្ឍន៍នៅតំបន់សេដ្ឋកិច្ចពិសេស Mariel ប្រទេស គុយបា តាមរយៈស្ថានទូតគុយបាប្រចាំនៅវៀត ណាមដើម្បីផ្តល់ជូនក្រុមគ្រូពេទ្យនោខ្សែរជួរមុខក្នុងការប្រយុទ្ធប្រឆាំងនឹងជំងឺ COVID-១៩ នៅគុយបាផងដែរ។ អំណោយទាំងនេះបានឆ្លុះបញ្ជាំងពីចំណងសាមគ្គីភាពរបស់ប្រជាជនវៀតណាមចំពោះក្រុមគ្រូពេទ្យគុយបានៅខ្សែជួរមុខក្នុងការប្រឆាំងនឹងជំងឺរាតត្បាត ព្រមទាំងបានបង្ហាញនូវបំណងចង់រួមកម្លាំងជាមួយប្រទេសគុយបាដើម្បីជំនះពុះពារលើរាល់ការលំបាកក្នុងការប្រយុទ្ធប្រឆាំងនឹងជំងឺរាតត្បាតសកល COVID-19 ផងដែរ៕