នៅក្នុងកិច្ចប្រជុំនេះ តំណាងសហគ្រាសបានអបអរសាទរចំពោះគោលការណ៍ផ្លាស់ប្តូរគោលដៅ“ សូន្យកូវីដ” ទៅជា“បន្សាំខ្លួនប្រកបដោយសុវត្ថិភាពភាព បត់បែន និងគ្រប់គ្រងប្រកបដោយប្រសិទ្ធភាពនៃជំងឺរាតត្បាតកូវីដ ១៩” ។ ទន្ទឹមនឹងនេះ  បង្ហាញពីការប្តេជ្ញាចិត្ត ក្នុងការចូលរួមជាមួយរដ្ឋាភិបាលនិងប្រជាជនទូទាំងប្រទេសដើម្បីកម្ចាត់ជំងឺរាតត្បាត ស្តារនិងលើកកម្ពស់ផលិតកម្ម អាជីវកម្ម និងអភិវឌ្ឍន៍សេដ្ឋកិច្ចសង្គម។ ប្រតិភូក៏បានលើកសំណើរ ជាច្រើនដើម្បីធានាដល់គោលដៅប្រយុទ្ធប្រឆាំងជំងឺរាតត្បាតផង និងបើកសកម្មភាពសេដ្ឋកិច្ចឡើងវិញឲ្យបានឆាប់ផង។

ថ្លែងមតិសន្និដ្ឋានក្នុងកិច្ចប្រជុំនេះ លោកនាយករដ្ឋមន្រ្តី Pham Minh Chinh បានសង្កត់ធ្ងន់ថាកិច្ចប្រជុំនេះនិងកិច្ចប្រជុំនានាក្នុងរយៈពេលកន្លងទៅ បានសរឲ្យឃើញថា ធុរជនជាច្រើនបានបង្ហាញពីស្មារតីទទួលខុសត្រូវ ដោយបានបង្ហាញយ៉ាងច្បាស់លាស់ពីបំណងប្រាថ្នាជាតិ បំណងប្រាថ្នារួមចំណែកក្នុងការកសាង ប្រទេសជាតិវៀតណាមមានសន្តិភាព និងអភិវឌ្ឍន៍។

លោកនាយករដ្ឋមន្រ្តីបានស្នើដល់មូលដ្ឋានក្រសួងនិងស្ថាប័ននានាបង្កើតសេណារីយ៉ូ “ បន្សាំខ្លួនប្រកបដោយសុវត្ថិភាពភាព បត់បែន និង គ្រប់គ្រងប្រកបដោយប្រសិទ្ធភាពចំពោះការរីករាលដាលនៃជំងឺកូវីដ ១៩” ដោយមានការចូលរួមរបស់សហគ្រាស។ ជាពិសេសផ្តោតសំខាន់លើកំណែទម្រង់រដ្ឋបាល ទទួលយកមតិយោបល់និងសំណើររបស់សហគ្រាសដើម្បីបន្តដោះស្រាយបញ្ហាតាមទស្សនៈថា“ ផលប្រយោជន៍ប្រកបដោយភាពសុខដុម និងចែករំលែកហានិភ័យ” ។ ជាមួយគ្នានេះ លោកនាយករដ្ឋមន្រ្តីបានអំពាវនាវឱ្យមានការរួមដៃគ្នា សាមគ្គីភាព ឯកភាពគ្នា ចែករំលែករវាងសហគ្រាស រដ្ឋ និងប្រជាជន ដើម្បីជំនះពុះពារលើការលំបាកផងដែរ៕