យោងតាមស្ថិតិរបស់ក្រសួងព័ត៌មាន និងផ្សព្វផ្សាយដែលបានប្រកាសនៅក្នុងព្រឹត្តិការណ៍ថ្ងៃនេះបង្ហាញថា គិតត្រឹមខែកញ្ញា ឆ្នាំ ២០២២ ចំនួនអ្នកប្រើប្រាស់អ៊ីនធឺណែតនៅក្នុងប្រទេសវៀតណាមមានប្រហែល ៧០ លាននាក់ ស្មើនឹង ៧០% នៃចំនួនប្រជាជនរបស់ប្រទេសជាតិទាំងមូល។ ជាមួយនឹងចំនួននេះ វៀតណាមគឺជាប្រទេសដែលមានចំនួនអ្នកប្រើប្រាស់អ៊ីនធឺណែតច្រើនជាងគេ លំដាប់ទី ១២ នៅទូទាំងពិភពលោក និងទី ៦ ក្នុងចំណោមប្រទេសនិងដែនដីចំនួន ៣៥ នៅអាស៊ី។ បច្ចុប្បន្ននេះ ឈ្មោះដែន ".vn" គឺជាឈ្មោះដែនជាតិដែលមានចំនួនអ្នកប្រើប្រាស់ចុះឈ្មោះច្រើនជាងគេនៅអាស៊ីអាគ្នេយ៍ ជាប់ចំណាត់ថ្នាក់លេខ ១០ នៅអាស៊ី-ប៉ាស៊ីហ្វិក។ របាយការណ៍ e-Conomy SEA ២០២២ របស់ Google ដែលបានចេញផ្សាយនៅចុងខែតុលា បានបញ្ជាក់ថា វៀតណាមនឹងដឹកនាំសេដ្ឋកិច្ចអ៊ីនធឺណែតនៅអាស៊ីអាគ្នេយ៍។ លោក Vu Hoang Lien ប្រធានសមាគមអ៊ិនធឺណែតវៀតណាមបានសង្កត់ធ្ងន់ថា៖“ក្នុងរយៈពេល ២៥ ឆ្នាំកន្លងមកនេះ ការអភិវឌ្ឍអ៊ីនធឺណែតរបស់វៀតណាមគឺគួរឲ្យកត់សម្គាល់ខ្លាំងណាស់។  ជាមួយនឹងលក្ខណៈពិសេសលេចធ្លោនៃអ៊ីនធឺណែត វៀតណាមបានអភិវឌ្ឍយ៉ាងពេញលេញ។  អាចមើលឃើញថា អ៊ីនធឺណែតបាននាំមកនូវឱកាស និងការផ្លាស់ប្តូរថ្មីរបស់វៀតណាម។ ប្រការដែលជាក់ស្តែងបំផុតនោះគឺការផ្លាស់ប្តូរសង្គម ពោលគឺ៖ គំរូសេវាកម្ម និងកម្មវិធីនៅលើអ៊ីនធឺណែតនាំមកនូវការផ្លាស់ប្តូរយ៉ាងឆាប់រហ័សក្នុងការអភិវឌ្ឍសេដ្ឋកិច្ចសង្គមវប្បធម៌ក៏ដូចជាជាចំណេះដឹងសម្រាប់វៀតណាម”។

ក៏នៅក្នុងព្រឹត្តិការណ៍ “ទិវាអ៊ីនធឺណែតឆ្នាំ ២០២២” មជ្ឈមណ្ឌលអ៊ីនធឺណិតវៀតណាម (VNNIC) បានប្រកាសរបាយការណ៍ធនធានអ៊ីនធឺណែតវៀតណាមឆ្នាំ ២០២២ ដោយប្រធានបទ “រយៈពេល ២៥ ឆ្នាំនៃអ៊ីនធឺណិតវៀតណាម”។