(VOV)_មុននេះ មិនយូរខេត្ត Quang Tri នៅជា​តំបន់​ដីក្រីក្រ១នៅភាគកណ្ដាល
ប្រទេស​វៀតណាម ​តំបន់ដីនេះនៅ​​រង​ផលបះពាល់​ជាច្រើនពីផលវិបាកសង្គ្រាម​ និងគ្រោះធម្មជាតិ ទឹកជំនន់។​ ប៉ុន្តែ​​ ខេត្ត Quang Tri នាបច្ចុប្បន្ន បានមានភាព​​ផ្លាស់
ប្តូរ​ជាច្រើន​ ពិសេសគឺតំបន់ជនបទ ។ ​​

ខេត្ត Quang Tri សកម្មកសាងជនបទថ្មី(http://nongnghiep.vn/)

          ដោយលក្ខ័ណធម្មជាតិ អស់រយៈពេលច្រើនឆ្នាំកន្លងទៅ ប្រជាជននៅឃុំ Vinh
Son ស្រុក Vinh Linh ខេត្ត Quang Tri ត្រូវរស់នៅក្នុងស្ថានភាព​ដ៏លំបាកដោយធ្វើដំណើរ ដោយទូកលើចំងាយផ្លូវរាប់​​សិបគីឡូម៉ែត្រ​ ទើបទៅដល់ផ្សារនៅរួមស្រុក Ho Xa។ 
ឃើញ​ការលំបាក​របស់​អ្នកភូមិ​ក្នុងការដឹកជញ្ជូនកសិផលទៅផ្សារទីរួមស្រុក អតីត
យុទ្ធជន Nguyen Van Nam នៅភូមិ Tien An ឃុំ Vinh Son បានផ្តើម​គំនិត​កសាង​ផ្សារ មួយ ដើម្បីប្រជាជនមានទីកន្លែងជួបជុំទិញលក់​កសិផល។​​គាត់បាន​ស្ម័គ្រចិត្តបរិច្ចាក
ដីជាង៥០០​មែត្រ​ក្រឡា​របស់គ្រួសារគាត់​ វិនិយោគប្រាក់ជាង៦០០លានដុង​។ លោក ​
Nguyen Van Nam បានអោយដឹងថា÷

          “ មុននេះ គ្មានផ្សារ អ្នកភូមិ​ត្រូវទៅដល់ទីរួមស្រុក Ho Xa ឬត្រូវទៅដល់តំបន់ 
Gio Linh ។ ឃើញបងប្អូនជួបការ​លំបាកដូច្នេះ ខ្ញុំគិត​ថា​ត្រូវកសាងផ្សារមួយនេះ ដើម្បី ប្រជាជនមានភាពងាយស្រួលក្នុងការដោះដូរកសិផល និងរួមចំណែកអភិវឌ្ឍន៍​សេដ្ឋ
កិច្ច​នៅក្នុងតំបន់។”

          ចាប់ពីថ្ងៃ​ផ្សារ Tien An ត្រូវបានដាក់អោយដំណើការមក​ ប្រជាជន​នៅ ឃុំ Vinh
 Son សប្បាយរីករាយណាស់។ កសិផលរបស់តំបន់ត្រូវបាន​លក់​ដូរយ់ាងងាយស្រួល​ ទំនិញចាំបាច់គឺមិនខ្វះ​ទេ។ លោក Vo Van Quan នៅឃុំ Tien An ឃុំ Vinh Son បាន​ចែក
រំឡែកថា៖

          “ ផ្សារនៅទីនេះជិតទន្លេ ជិតផ្លូវ អ្នកចាស់ៗ​ទៅផ្សារក៏ងាយ​ស្រួលដែរ។ ​បង
 Nam កសាងផ្សារនៅទីនេះគឺជាគំនិតថ្មី ប្រជាជនជាច្រើននាក់កោត​សរសើរគាត់។”

          ក៏ដើម្បីផលប្រយោជន៍សហគមន៍​ ​ព្រឹទ្ធា​ចារ្យ Ho Van Ba ជនជាតិ Van Kieu នៅ
ឃុំ Thanh ស្រុកព្រៃភ្នំ Huong Hoa បានបរិច្ចាកដីចំនួនជិត២ពាន់​មែត្រក្រឡាដើម្បី
កសាង សាលារៀន។ ​ពេល​ដែល​​ឃុំឃោសនាអំពីការ​កសាងជនបទថ្មី លោកបាន
បរិច្ចាកដីដើម្បី​កសាងសាលារៀន។ សព្វថ្ងៃ លោក Ho Van Ba ឃើញសប្បាយរីក
រាយពេលដែលសាលារៀន២ជាន់បានដុះឡើង។ លោកបានអោយដឹងថា៖

          “ នាបច្ចុប្បន្ន ​ក្មួយៗបានប្រមូលផ្តុំសិក្សា​និងហូបចុកនៅក្នុង​សាលា​​​។ ខ្ញុំ​សប្បាយ​រីករាយណាស់ ពេលឃើគក្មួយទាំងអស់។”

          នៅភូមិ Nai Cuu ឃុំ Trieu Dong ស្រុក Trieu Phong គ្រប់សំណង់​សំណងសាធារ
ណៈ បំរើជីវភាព​រួមក្នុងតំបន់ ដូចជា៖​អគ្គីសនី ផ្លូវ ​សាលា​រៀន​…។ល។ សុទ្ធតែបាន​កសាងឡើងដោយការរួមវិភាគទានរបស់ប្រជា​ជន​ Nai Cuu ដែលកំពុងរស់នៅ​គ្រប់​ទិសទីទូទាំងប្រទេស។ ​​​លោក Vo Van Bac អនុប្រធាន​គណៈកម្មាធិការប្រជាជនឃុំ
 Trieu Dong បានអោយដឹងថា៖

          “ Nai Cuu ជាតំបន់មួយក្នុងចំណោមតំបន់​ដែលបានប្រមូលផ្តុំ​កម្លាំង​ប្រជាជន ​ដើម្បីកសាងហេដ្ឋារចនាសម្ព័ន្ធ ដូជា៖ ផ្លូវគមនាគមន៍ ខ្លោងទ្វាធំ…។ល។ ”

          ​ជាង៣ឆ្នាំអនុវត្តកម្មវិធីកសាងជនបទថ្មី បណ្ដាតំបន់នៅខេត្ត Quang Tri បាន​មានរបៀបច្នៃប្រឌិតជាច្រើន​។ ប្រជាជននៅទីនេះបាន​រួមវិភាគ​ទានជាទឹកប្រាក់​ចំនួនរាប់ពាន់លានដុង ថ្ងៃធ្វើពលកម្មរាប់ពាន់ថ្ងៃ ដើម្បី​កសាងជនបទថ្មី។ 

          ដោយការរួមវិភាគទាននិងការជួយជ្រោមជ្រែងយ៉ាងសកម្មរបស់​ប្រជាជន ​តំបន់ជនបទជាច្រើននៅខេត្ត Quang Tri បាន​អភិវឌ្ឍន៍​ជាច្រើន។ ពេលត្រឡប់​មកស្រុកកំណើតវិញ អ្នក​ Quang Tri រស់នៅឆ្ងាយសុទ្ធតែសប្បាយរីក​រាយ ដោយ​សារស្រុកកំណើតមានការផ្លាស់ប្តូរថ្មី​ជាច្រើន ជីវភាពរស់នៅរបស់ប្រជាជន​ត្រូវ​បានលើកស្ទួយពីមួយថ្ងៃទៅ​មួយថ្ងៃ៕