(VOV)_ដោយមានដំណោះស្រាយសកម្ម ច្នៃប្រឌិតថ្មី របស់រដ្ឋអំណាចនិងការ
ប្តេជ្ញាចិត្ត រួមកម្លាំងកាយចិត្តរបស់ប្រជាជននៅក្នុងតំបន់ ឃុំ San Thang ​ទីក្រុង​ Lai
Chau ខេត្ត Lai Chau (ភាគខាងជើងវៀតណាម) បានសម្រេចបទដ្ឋាន​ទាំង​១៩ អំពី
ការកសាងជនបទថ្មី។ ឃុំ San Thang បានក្លាយទៅជាតំបន់ដើម​ដំបូង​របស់ខេត្ត
 Lai Chau សម្រេចការកសាងជនបទថ្មី។

ឃុំ San Thang ខេត្ត Lai Chau ឆ្លងកាត់លើការលំបាកដើម្បីកសាងជនបទថ្មី

ផ្លូវបានចាកប៉េតុងដ៏ទូលំទូលាយ ស្អាតបាត ផ្ទះបានដុសឡើងជាបន្តបន្ទាប់នៅ
សងខាងផ្លូវ បានធ្វើអោយមុខមាត់ឃុំ San Thang មានការផ្លាស់ប្តូរថ្មីជា​ច្រើន​ចាប់តាំង
ពីថ្ងៃកសាងជនបទថ្មីមក។ ដោយមានភូមិចំនួន១១ មានជនជាតិចំនួន៥ និង​គ្រួសារចំនួន១៥០០គ្រួ ភាគច្រើនប្រកបមុខរបរកសិកម្ម ប្រាក់ចំណូលគិតជាមធ្យមជាមនុស្ស
ម្នាក់​នាបច្ចុប្បន្ន​​គឺ១៨លានដុង/ឆ្នាំ។ ទោះបីជាមិនទាន់ជា ច្រើន​ក្តី​ ប៉ុន្តែចំពោះឃុំ១នៅ
តំបន់ព្រៃភ្នំឆ្ងាយដាច់ស្រយាល នៅមានការលំបាកជាច្រើន ដូច្នេះនេះគឺជាការខិតខំ
ប្រឹងប្រែងដ៏ធំធេងរបស់ប្រជាជនឃុំ San Thang។

          ឃុំ San Thang ទី២ ជាតំបន់មានជនរួមជាតិជាជនជាតិ Giay រស់នៅជាច្រើន
 ​ប៉ុន្មានឆ្នាំមុនៗ ជីវភាពរស់នៅរបស់ប្រជាជននៅមានការលំបាកជាច្រើន អត្រា​គ្រួ
សារក្រីក្រខ្ពស់ ។ ប៉ុន្តែ តាំងពីពេលអនុវត្តកម្មវិធីកសាងជនបទថ្មីមក ​ជនរួមជាតិនៅ
ទីនេះបានសកម្មបើកទូលាយផ្ទៃដីដាំដុះ ផ្ទេរប្តូររចនាសម្ព័ន្ធដំណាំ អនុវត្តវិទ្យាសាស្ត្រ
 បច្ចេកវិទ្យាចូល​ក្នុងផលិតកម្ម លើកកំពស់ទិន្នផល…លៗ។ គ្រួសារជាច្រើនបានខ្ចីទុន
 វិនិយោគ​អភិវឌ្ឍន៍បណ្ដារូបសណ្ឋានសេដ្ឋកិច្ចថ្មី នាំមកនូវប្រសិទ្ធិភាព​សេដ្ឋកិច្ចខ្ពស់។
 ​ឧទាហរណ៍​គ្រួសារបង Thao Van Hoan បានផ្ទេរប្តូរដំណាំ​ពោតជំនួសអោយដើមស្រូវ
មុននេះ។ រហូតមកដល់ពេលនេះ គ្រួសារបងមិនគ្រាន់តែរួច​ផុតពីភាពក្រីក្រប៉ុណ្ណោះទេ 
ថែមទាំងធ្វើមាន បង្កើតការងារធ្វើជាប្រចាំសំរាប់ពលករផ្សេងៗ​ នៅក្នុងភូមិ។  បង 
Thao Van Hoan បានអោយដឹងថា៖

          “ នាគ្រាដំបូង គ្រួសារខ្ញុំធ្វើស្រែ បន្ទាប់នោះបានដាំផ្សិត ហើយដាំពោត។ ក្នុង​១
ឆ្នាំយើងខ្ញុំក៏ប្រមូលផលបានប៉ុន្មានតោន។ បើប្រៀបនឹងការដាំដុះផ្សេងៗ គឺការដាំ
ផ្សិតនាំមកនូវប្រសិទ្ធិភាពខ្ពស់ជាងច្រើន អាចធ្វើមានសំរាប់គ្រួសារនិងអ្នកផ្សេងៗ
ទៀត។ ជីវភាពរស់នៅរបស់ប្រជាជននៅទីនេះបានមានការផ្លាស់ប្តូរថ្មីជាច្រើនណាស់។”

          រីឯ គ្រួសារបង Le Van Tinh បានសម្រេច​​ផ្ទេរប្តូរផ្ទៃដី៣ហិកតាដាំស្រូវ ​ទៅជាដាំ
ផ្កា ដោយប្រភពទុនរបស់គ្រួសារនិងកម្ចីពី​ធនាគារ​គោល​នយោបាយ សង្គម​។ ក្រោយ
រយៈពេល២ឆ្នាំអនុវត្ត ​ផ្កាអភិវឌ្ឍន៍ល្អ និងការផ្គត់ផ្គងផ្ការបស់គ្រួសារបងស្របយកភាគ
ច្រើននៅ​ទីផ្សារ​របស់ទីក្រុង Lai Chau ហាណូយ និងតំបន់ជំវិញផ្សេងៗ។ ​នា​បច្ចុប្បន្ន 
​ប្រាក់ចំណូលរបស់គ្រួសារបង Le Van Tinh ទទួលបានរាប់រយលានដុងក្នុង១​ឆ្នាំ ​។ 
បង Le Van Tinh បានអោយដឹងថា៖

          “ នាគ្រាដំបូង ខ្ញុំក៏ជួបការលំបាកជាច្រើនណាស់។ ធ្វើយូរៗ ខ្ញុំឃើញថា៖ ​ធាតុ
អាកាស់តំបន់សមស្របជាមួយការរីកលូតលាស់របស់ផ្កា។ នាបច្ចុប្បន្ន គ្រួសារខ្ញុំដាំ
ផ្កាកុលាប  ហើយក្នុងឱកាសបុណ្យចូលឆ្នាំថ្មី នឹងដាំបន្ថែមផ្កាលីលី ផ្កាអ័រគីដេ។ ចំ
ណេញពីការដាំផ្កាកុលាបក្នុង១ឆ្នាំអាចទទួលបាន១រយលានដុង/ហិកតា។”

          យកចិត្តទុកដាក់ដល់គំរោងការណ៍អភិវឌ្ឍន៍បណ្ដាតំបន់ផលិតជំនាញ​ប្រមូល
ផ្តុំ ផ្ទេរប្តូររចនាសម្ព័ន្ធសេដ្ឋកិច្ចឡើងវិញ ឃុំ San Thang បានវិនិយោគ​កសាងបណ្ដា
មណ្ឌលផលិតកម្មស្រូវគុណភាពខ្ពស់ ដាំតែ ចិញ្ជឹមសត្វពាហនះ​ បក្សាបក្សី…លៗ 
ទន្ទឹមនឹងនោះ ឆ្លៀតយកគ្រប់ប្រភពកម្លាំង រួមផ្សុំបណ្ដាកម្មវិធី គំរោងការណ៍វិនិ
យោគ កសាងហេដ្ឋារចនាសម្ព័ន្ធសេដ្ឋកិច្ច សង្គម បំរើប្រជាជន។ ដើម្បីទទួលបាន
លទ្ធផលនោះ ឃុំបានសកម្មជំរុញខ្លាំងការងារឃោសនា ចលនា ប្រមូលផ្តុំប្រជា
ជនគ្រប់ស្រទាប់ចូលរួម។លោក Truong Thanh Nam, អនុប្រធាន​គណៈកម្មាធិការ
ប្រជាជនឃុំ San Thang បានអោយដឹងថា៖ 

          “ ពីឆ្នាំ២០១០ មក ជីវភាពរស់នៅរបស់ប្រជាជននៅទីនេះបានមានការផ្លាស់
​ប្តូរសកម្មជាច្រើន។ ពិសេសគឺផលិតកម្ម នាឆ្នាំ២០១០មានផ្ទៃដីផលិតកម្មចំនួន
៧៥ហិកតាតែប៉ុណ្ណោះ ប៉ុន្តែដល់នាបច្ចុប្បន្ន បានមានជាង២៣៨ហិកតា។ ក្នុង
ឃុំខ្ញុំនៅមានផ្ទៃដីជាង២០០ហិកតា​ដាំតែទៀតផង។ នេះគឺជាដំណាំ១ប្រភេទ​ដើរ
តួនាទី​ជាមុខ​ព្រួញ ក្នុងការកាត់បន្ថយភាពក្រីក្រ បង្កើតការងារធ្វើសំរាប់ប្រជាជន
នៅក្នុងតំបន់។”

          មុខមាត់ជនបទនៅ San Thang បានមានការផ្លាស់ប្តូរថ្មីពី១ថ្ងៃទៅ១ថ្ងៃ ​
ធ្វើអោយជីវភាព​រស់នៅរបស់ប្រជាជនបានអភិវឌ្ឍន៍ដ៏ចីរភាព​។​ ដូច្នេះ ក្នុងប៉ុន្មាន
ឆ្នាំជាបន្ត ឃុំ San Thang ប្តេជ្ញាពង្រឹងនិង​ពង្រីករាល់បទដ្ឋានដែលទទួលបាន និង
នាំចេញបណ្ដាទិសដៅអភិវឌ្ឍន៍ថ្មី ជួយប្រជាជនអភិវឌ្ឍន៍សេដ្ឋកិច្ច លើកកំពស់
ជីវភាពរស់នៅខាងសម្ភារះ ក៏ដូចជាខាងស្មារតី ធ្វើសុក្រិតហេដ្ឋារចនាសម្ព័ន្ធសំ
រាប់ផ្នែកអប់រំនិងសុខាភិបាល៕