(VOV)_តំបន់ខ្ពង់រាប Langbiang នៅខេត្ត Lam Dong តំបន់ខ្ពង់រាបភាគ
កណ្ដាល​វៀតណាមមិនគ្រាន់តែល្បី ឈ្មោះ ដោយ​រមណីដ្ឋាន​ទេសចរណ៍ស្អាត
អស្ចារ្យប៉ុណ្ណោះទេ  ថែមទាំង នៅទីកន្លែងនេះនៅបានស្គាល់ដល់​​ជា​រូបសណ្ឋាន
​កសិកម្មអនុវត្ត​បច្ចេកវិទ្យាខ្ពស់ដែលនាំមកនូវផលចំណេញសំរាប់ជនរួមជាតិ និង
ជាគំរូអំពីការកសាងជនបទថ្មី ទៀតផង។ ​

តំបន់ខ្ពង់រាប Langbiang

          ក្រលែកមើលផ្ទះថ្មីរបស់លោក Cill Nom ដ៏ស្អាត មានគ្រប់សម្ភារះប្រើប្រាស់
ក្នុងផ្ទះ​នៅឃុំ Bon Dung 1 ទីរួមស្រុក Lac Duong ស្រុក Lac Duong (ខេត្ត Lam Dong )
 ពិបាកដឹងថា​​៖ មុននេះ៧ឆ្នាំគ្រួសារលោកជាគ្រួសារក្រីក្រ១។ លោក Cill Nom បាន
រៀប​រាប់ថា៖​ មុននេះគ្រាន់តែដាំស្រូវទឹក គ្រួសារជួបការលំបាកជាច្រើន​ណាស់។​
ដោយសារមានការជួយឧបត្ថម្ភពីរដ្ឋអំ​ណាច​តំបន់​ក្នុងការ​ផ្ទេរប្តូររចនាសម្ព័ន្ធដំណាំ
ដាំដុះ​ ផ្ទេរប្រគល់បច្ចេក​វិទ្យា គ្រួសារខ្ញុំបានផ្ទេរ​ប្តូរផ្ទៃដីដាំស្រូវទាំងឡាយទៅជាដាំ
បន្លែ ផ្កាគ្រប់ប្រភេទ។ តាំងពីនោះមក ប្រាក់ចំណូលគិតជាមធ្យមរបស់គ្រួសារលោក
មានប្រមាណ៣០០លានដុងក្នុង១ឆ្នាំ។ ជាពិសេស ​ក្នុង២ឆ្នាំកន្លងទៅ ដោយបានវិនិ
យោគប្រព័ន្ធបាញ់ទឹកដោយស្វ័យ​ប្រវត្តិ​ និងផ្ទះកញ្ចក់៥០០ម៉ែត្រក្រឡា ដើម្បីផលិត​
ផ្កាគុណភាពខ្ពស់ ​ពីនោះ​ប្រាក់ចំណូលរបស់​គ្រួសារលោកបានកើនឡើង៥០០លាន
ដុង/ឆ្នាំ។ លោក Cill Nom បាន​អោយ​ដឹងថា៖

          “ មុននេះ ដាំស្រូវបានតែ១រដូវ ស្ថានភាពអត់ឃ្លានក្នុងប៉ុន្មានខែបានប្រព្រឹត្ត​
ទៅជាប្រចាំ។ តាំងពីពេលដាំបន្លែ ផ្កាគ្រប់ប្រភេទនេះស្ថានភាពអត់ឃ្លានមិនកើត
មានឡើតទៀតទេ។ ប្រាក់ចំណូលរបស់គ្រួសារបានកើនឡើង ខ្ញុំមានប្រាក់ទិញ​
សម្ភារះប្រើប្រាស់ក្នុងផ្ទះ ហើយថែមទាំងមធ្យោបាយធ្វើដំណើរទៀតផង។”

          មិនគ្រាន់តែក្តាប់ជាប់បច្ចេកវិទ្យាផលិតកម្មទំនើបៗប៉ុណ្ណោះទេ ប្រជាពលរដ្ឋ
ជាជនជាតិភាគតិចនៅក្នុងតំបន់នៅបន្តផ្លាស់ប្តូររូបសណ្ឋានតភ្ជាប់ផលិតកម្ម និង
ការលក់ចេញផលិតផលទៀតផង។ ឈានទៅមុខក្នុងការងារនេះ លោក Pang
Tinh Sin  នៅភូមិ Dan Kia ទីរួមស្រុក Lac Duong បានអោយដឹងថា៖ 

          “ ការ​ដាំផ្កាទាមទារអោយមាន​វិធីច្រើនបើប្រៀបនឹងដាំបន្លែ ក៏ដូចជាចំណេះ
ដឹងខាង​បច្ចេកវិទ្យា។​បញ្ហាទីពីរគឺត្រូវគិតអំពីទីផ្សារសំរាប់ផលិតផល​ បន្លែមានទី
ផ្សារតិចជាងនិងប្រាក់ចំណូលក៏តិចជាង បើប្រៀបនឹងការដាំផ្កា។”

          រហូតមកដល់ពេលនេះ Lac Duong បានអនុវត្តបច្ចេកវិទ្យា​ខ្ពស់ចូលក្នុង៧០%
នៃផ្ទៃដី​ចំនួន១៥០០ហិកតា ដាំបន្លែ…លៗ​ លោក Nguyen Duy Hai ប្រធាន​គណៈ
កម្មាធិការប្រជាជនស្រុក Lac Duong បានអោយដឹងថា៖ បណ្ដា​លទ្ធផលដំបូងនេះ
 បានសរអោយឃើញនូវការផ្លាស់ប្តូរថ្មីក្នុងការគិតគូរ របៀបធ្វើ​របស់ប្រជាកសិករ
ក្នុងតំបន់។ នាពេលខាងមុខនេះ តំបន់នឹងមានបណ្ដាគោលនយោបាយជាក់ស្ដែង
 ដើម្បីកម្មវិធីផលិតកម្មកសិកម្មបច្ចេកវិទ្យាខ្ពស់ នៅតំបន់ជន​រួមជាតិជាជនជាតិ
ភាគតិច។ លោក Nguyen Duy Hai បានអោយដឹងថា៖

          “ នាបច្ចុប្បន្ន តំបន់យើងខ្ញុំ​បានមានរូបសណ្ឋាន​សេដ្ឋកិច្ចដែល​​នាំមកនូវ​ចំ
ណូល​យ៉ាងគ្រាន់បើ ​លើកស្ទួយជីវភាពរស់នៅសំរាប់ជនរួមជាតិ​ជាជនជាតិ​ភាគ
តិច​នៅទីនេះ។ ​យើងខ្ញុំអនុវត្ត​បច្ចេកវិជ្ជាខ្ពស់ក្នុងការ​ដាំផ្កាកូឡាប​ និងប្រភេទផ្កា
ផ្សេងៗទៀត។”

          អភិវឌ្ឍន៍កសិកម្មតាមទិសបច្ចេកវិទ្យាខ្ពស់ របស់ប្រជាពលរដ្ឋជាជនជាតិ
​ភាគតិចនៅក្នុងតំបន់ខ្ពង់រាប Lang Biang ដែលកំពុងពង្រីកប្រសិទ្ធិភាព​ពី១ថ្ងៃ
ទៅមួយថ្ងៃ ជីវភាពរស់នៅរបស់ប្រជាជនត្រូវបានលើកស្ទួយដោយឥតឈប់
ឈរ។ ពីនោះ បុព្វហេតុកសាងជនបទថ្មីនៅក្នុងតំបន់នឹងបានសម្រេចយ៉ាង
ឆាប់ៗ ​ដើម្បិនិទាឃរដូវមកដល់ម្ដង់ៗ ជីវភាពរស់នៅនៅក្នុងតំបន់នេះកាន់តែ
សម្បូរធូធារ និងសុភមង្គល៕