(VOV)_ដើម្បីជួយឧបត្ថម្ភប្រជាកសិកររួចផុតពីភាពក្រីក្រដោយនិរន្តភាព ផ្នែក
កសិកម្មស្រុកDuy Xuyen ខេត្ត Quang Nam (ភាគកណ្ដាលវៀតណាម) ​បាន​ធ្វើជា
ស្ពានតភ្ជាប់អោយក្រុមហ៊ុនចំកាត់ ពាណិជ្ជកម្ម និងនាំ​ចេញ នាំចូលវៀតថាំង ជួយ
ឧបត្ថម្ភប្រជាកសិករ ដាំដំណាំត្រសក់ធ្វើពិសោធន៍។ រូបសណ្ឋាននេះបាននាំមក
នូវប្រសិទ្ធិភាពជាជំហានដំបូង ជួយឧបត្ថម្ភប្រជាកសិករ​មានជីវភាពរស់នៅធូរធារ
 រួមចំណែកជំរុញខ្លាំង ចលនាកសាងជនបទថ្មីនៅក្នុងតំបន់។

          នាប៉ុន្មានថ្ងៃ​នេះ កសិករនៅស្រុក Duy Xuyen ខេត្ត Quang Nam កំពុង​ប្រមូល​
ផល ផ្លែត្រសក់ជប៉ុន។ លោក Nguyen Danh នៅឃុំ Duy Trinh ស្រុក Duy Xuyen
ខេត្ត Quang Nam បានអោយដឹងថា៖ ​ក្រៅពីដំណាំ​ដែលធ្លាប់ដាំពីមុនមក​​ដូចជា​៖
ពោត សណ្ដែកដីនោះ ប្រជាកសិករនៅទីនេះបានប្រែទៅជាដាំដំណាំត្រសក់​ជ
ប៉ុន។​ រដូវឆ្នាំនេះ គ្រួសារលោក Danh ​ទទួលបានប្រាក់ចំណេញខ្ពស់ជាង៤ដង 
​បើប្រៀប​នឹង​ដាំស្រូវឬ ដាំដំណាំ​​ផ្សេងៗ លោកបានរៀបរាប់ថា៖

ប្រសិទ្ធិភាពក្នុងការតភ្ជាប់រូបសណ្ឋានរវាងកសិករនិងអង្គភាពអាជីវកម្មនៅខេត្ត Quang Nam

          “ ប្រាក់ចំណូលពីការដាំត្រសក់របស់ប្រជាកសិករគឺល្អណាស់។ ពីព្រោះ​
គ្មានដំណាំណាអាចមានទិន្នផលខ្ពស់ដូចជាដំណាំត្រសក់នោះទេ។ ផ្តល់ទិន្នផល
​ខ្ពស់ហើយ ក្រុមហ៊ុនវៀតថាំងក៏មកប្រមូលទិញនៅនឹងកន្លែងទៀត ដោយប្រគល់
​ប្រាក់ភ្លាមៗ​ បានជាប្រជាកសិករនឹងនរចិត្តណាស់។”

          ដើម្បីបង្កលក្ខណះងាយស្រួលអោយប្រជាកសិករ ក្រៅពីការប្រមូលទិញ​
ផលិតផលនេះ ក្រុមហ៊ុនចំកាត់ ពាណិជ្ជកម្ម នាំចេញ នាំចូល​វៀតថាំង មានទី
ស្នាក់ការនៅខេត្ត Hai Duong (ភាគខាងជើងវៀតណាម)​ ក៏បាន​ជួយឧបត្ថម្ភជា
ប្រាក់ទិញបណ្ដាញ ណែនាំរបៀបថែទាំនិងប្រមូលផល។ លោក​ Nguyen Truong
Son អ្នកគ្រប់គ្រង់សិប្បកម្ម​កែច្នៃកសិផល​ វៀតថាំង នៅឃុំ Duy Chau ស្រុក​ Duy
 Xuyen ខេត្ត Quang Nam បានអោយដឹងថា៖ ក្រៅពីត្រសក់ ក្រុមហ៊ុនក៏​បាន​ស
ហការជាមួយផ្នែកកសិកម្មស្រុក Duy Xuyen ដាំពិសោធន៍ខ្ញីលើផ្ទៃដី២ហិកតា
 ​ដើមត្រប់និងទ្រមាំងលើផ្ទៃដី២ហិកតា តាមរយៈកិច្ចសន្យាផលិតកម្ម ប្រមូល
ទិញផលិតផល។លោក​ Nguyen Truong Son បានអោយដឹងថា៖

          “ ក្រុមហ៊ុននឹងវិនិយោគសម្ភារះជាលើកដំបូងសំរាប់ប្រជាកសិករ ហើយ
ប្រ​មូល​ទិញកសិផលទាំងអស់។ គោលដៅរបស់ក្រុមហ៊ុនគឺកសាងមណ្ឌលវត្ថុ
ធាតុ​ដើមសំរាប់ផលិតកម្ម។ ដោយបានស្រុក Duy Xuyen បង្កលក្ខណះងាយ
ស្រួល ​អោយក្រុមហ៊ុនវៀតថាំងប្រមូលទិញបានកសិផលផង និងជួយឧបត្ថម្ភ
លើក​កំពស់ប្រាក់ចំណូលសំរាប់ប្រជាកសិករទៀតផង។​ ”

          នាបច្ចុប្បន្ន គ្រួសារចំនួន១៥០គ្រួនៅឃុំ Duy Trung, Duy Chau, Duy Trinh,
Duy Thanh , Duy Tan របស់ស្រុក Duy Xuyen កំពុងដាំដំណាំ​ត្រសក់​ជប៉ុន ​នៅ
លើផ្ទៃដី១៣ហិកតា។ គណៈកម្មាធិការប្រជាជនស្រុក Duy Xuyen បាន​ជួយ​
ឧបត្ថម្ភប្រជាកសិករនូវទឹកប្រាក់ចំនួន២៥០ ០០០ វៀតណាមដុង (ស្មើនឹង១២
ដុល្លារ​អាមេរិក) នៅលើផ្ទៃដី៣៦០ម៉ែត្រក្រឡា ដើម្បីទិញពូជដំណាំ។ ក្រៅពី
នោះ ប្រជាកសិករក៏បានណែនាំបច្ចេកទេសដាំដុះ បង្ការដង្កូវនិងជំងឺផ្សេងៗ
ទៀតផង។ លោក Van Ba Nam ប្រធានការិយាល័យកសិកម្មនិងអភិវឌ្ឍន៍ជន
បទស្រុក Duy Xuyen  ខេត្ត Quang Nam បានអោយដឹងថា៖ រូបសណ្ឋានសហ
ការរវាងផលិតកម្មជាមួយការប្រមូល​ទិញត្រសក់ជប៉ុន បាននាំមកនូវប្រសិទ្ធិ
ភាពខាងសេដ្ឋកិច្ចខ្ពស់សំរាប់ប្រជាកសិករ លើកស្ទួយជីវភាពរស់នៅ។ ទន្ទឹម
នឹងនោះ រូបសណ្ឋាននេះក៏រួមចំណែកយ៉ាង​សកម្មក្នុងចលនាកសាងជនបទថ្មី
នៅក្នុងតំបន់ទៀតផង។លោក Van Ba Nam បានអោយដឹងថែមទៀតថា៖

          “យើងខ្ញុំបានសហការជាមួយអង្គភាពអាជីវកម្មជាច្រើន ជាមួយប្រជា​
កសិករ​​ ដើម្បីចុះហត្ថលេខាលើកិច្ចសន្យាដាំត្រសក់ជប៉ុននាំចេញ។ ​រូបសណ្ឋាន
នេះ​បាននាំមកនូវប្រាក់ចំណូលខ្ពស់ បើប្រៀបនឹងដាំស្រូវ។”

          នាបច្ចុប្បន្ន ស្រុក Duy Xuyen ខេត្ត Quang Nam បន្តសហការ​ជាមួយ
​បណ្ដាអង្គភាពអាជីវកម្ម ដើម្បីបើកទូលាយផ្ទៃដីដាំដំណាំ​ផ្សេងៗទៀត ។
ជោគ​ជ័យ​​​ជំហានដំបូងពីរូបសណ្ឋានដាំត្រសក់ជប៉ុនបែបនេះ បានបើកចេញ
​ទិស​ដៅ​ថ្មី ក្នុងការអភិវឌ្ឍន៍កសិកម្ម ក៏ដូចជាជួយឧបត្ថម្ភកសិករនៅទីនេះ
ស្ថិរភាពជីវភាព​រស់នៅ កាត់បន្ថយភាពក្រីក្រប្រកបដោយនិរន្តភាព ក៏ដូចជា
សម្រេចការកសាងជនបទថ្មីនៅ​ក្នុងតំបន់ទៀតដែរ៕