(VOV)_ ពិធីបុណ្យច្រត់ព្រះនង្គ័ល   ត្រូវបាន​រៀបចំឡើងនៅឃុំ Doi Son ស្រុក
 Duy Tienខេត្ត Ha Nam ។ នេះគឺជាពិធី​បុណ្យមួយ ក្នុងចំណោមពិធីបុណ្យនានា ផ្សា ភ្ជាប់ជាមួយដើមស្រូវនិងលើកទឹកចិត្តការអភិវឌ្ឍន៍កសិកម្ម របស់ប្រជាជាតិវៀតណាម។ 

ពិធីបុណ្យច្រត់ព្រះនង្គ័លនៅឃុំ Doi Son ស្រុក Duy Tien ខេត្ត Ha Nam (vietnamfoto.wordpress.com )

ពិធីបុណ្យ ច្រត់ព្រះនង្គ័ល ប្រព្រឹត្តទៅនាថ្ងៃទី ៧ ខែទីមួយជាប្រចាំឆ្នាំ តាមច័ន្ទគតិ។ តាមសៀវភៅ៖ ប្រវត្តិសាស្ត្រវៀតណាមថា នាឆ្នាំ ៩៨៧ ស្ដេច Le Dai Hanh  បាន យាងមកជើងភ្នំ Doi ដើម្បីធ្វើពិធី ច្រត់ព្រះនង្គ័ល​(ភ្ជួរស្រែ) ដើមដំបូងក្នុងប្រវត្តិសាស្ត្រ
វៀត ណាម បើកចេញទំព័រថ្មីដ៏ភ្លឺស្វាងសំរាប់ខឿនអរិយធម៌កសិកម្មស្រូវទឹក  និង ចាប់ផ្តើមអោយទំនៀមទំលាបមួយដ៏ល្អប្រសើរ។

          ចំណុចពិសេសក្នុងពិធីបុណ្យនេះគឺការបង្កើតឡើងវិញរូបភាពស្ដេច Le Dai
 Hanh យាងទៅច្រត់ព្រះនង្គ័ល​ក្នុងនិទាឃរដូវ​ថ្មី។ ស្ដេចយាងចុះទៅច្រត់ព្រះ​នង្គ័ល  មានន័យថា÷ បង្ហាញនូវការរួមសុខរួមទុក្ខ ចែករំលែកការលំបាកជាមួយប្រជាជន
 លើកទឹកចិត្តប្រជាជនធ្វើពលកម្ម ដើម្បីជនគ្រប់រូបមាន​គ្រឿងឧបភោគនិង បរិ
ភោគ គ្រប់គ្រាន់ ប្រទេសជាតិសុខសាន្តត្រាណ។ ដូច្នេះ ​ពេលបង្កើតរូបភាពស្ដេច
ច្រត់ ព្រះនង្គ័លឡើងវិញ គណះចាត់តាំង​ពិធីបុណ្យត្រូវរកអោយបានមនុស្សយ៉ាង
ស័ក្តសម ដើម្បីដើរតួរឯកជាស្ដេច។ លោក ​Tran Dinh Tien ប្រធានការិយាល័យ
វប្បធម៌  គមនាគមន៍ ស្រុកDuy Tien ខេត្ត Ha nam បានអោយដឹងថា÷

          “ ចំពោះបណ្ដាអ្នកបានដើរតួរស្ដេច យើងខ្ញុំត្រូវជ្រើសរើសមនុស្ស​មានរូប សម្បត្តិ ឬកពារនិង ឬទ្ធានុភាពស័ក្តសមជាស្ដេចមួយអង្គ។ បណ្ដាលោកតាដែល
បាន ដើរតួរស្ដេច ត្រូវមានការរួមវិភាគទានច្រើន រក្សារបានទំនាក់ទំនងជាមួយ ប្រជាជនក្នុងភូមី ឃុំ និងជាអ្នកធ្វើផលិតកម្មពូកែ។”

          នាសព្វថ្ងៃ ពិធីបុណ្យ ច្រត់ព្រះនង្គ័លនៅមានអត្ថន័យ១ទៀត ធំធេង​ជាង។​ ពិធីបុណ្យមិនគ្រាន់តែបង្កើតឡើងវិញនូវរូបភាពទឹកដីប្រកប​ដោយ​សុខសាន្តត្រាណ  ទទួលបានផលហូរហៀប៉ុណ្ណោះទេ ថែមទាំងលើកកំពស់តួនាទីរបស់ប្រជាកសិករ 
ផ្តោតសំខាន់ដល់របរកសិកម្ម យកចិត្តទុកដាក់អភិវឌ្ឍន៍ កសិកម្ម ពិសេសគឺការ
កសាងជនបទថ្មី។ លោកTran Xuan Loc លេខា​គណះកម្មាធិការបក្សខេត្ត Ha Nam បានអោយដឹងថា÷ ​ឃុំ ​Doi Son ខេត្ត Ha Nam ត្រូវបានជ្រើសរើសជា ឃុំគំរូអំពី​​ការ
កសាង​ជនបទថ្មី។ ក្រោយរយះពេល៣ឆ្នាំអនុវត្តគំរោងការណ៍កសាងជនបទថ្មី ។មុខមាត់ជនបទថ្មី​របស់ឃុំបាននិងកំពុងមានការផ្លាស់ប្តូរថ្មី ។ ក្នុងរយះពេលប៉ុន្មាន
ឆ្នាំថ្មីៗ នេះ ពិធីបុណ្យ ច្រត់ព្រះនង្គ័ល ជានិច្ចកាលឆ្ពោះទៅប្រជាជនក្នុងឃុំ Doi Son និយាយដោយឡែក និងប្រជាជនខេត្តHa Nam និយាយរួម ចូលរួមការ​កសាង​ជន
បទថ្មី។ លោក Tran Xuan Loc បានអោយដឹងថា÷ 

          « ពិធីបុណ្យ ច្រត់ព្រះនង្គ័ល ជាពិតប្រាកដថា បានក្លាយទៅជាចំណុច​វប្បធម៌ សំខាន់ បានឈានចូលក្នុងព្រលឹងរបស់មនុស្សគ្រប់រូប។ ពិធី​បុណ្យវប្បធម៌មួយពោ
ពេញទៅ ដោយអត្ថន័យប្រវត្តិសាស្ត្រ និងទំនើប។ ​ក្នុងរយះពេលច្រើនឆ្នាំកន្លងទៅ 
ពី​ដើមនិទាឃរដូវមក របស់ពិធី​បុណ្យនេះ ប្រជាកសិករ Ha Nam ទទួលបរិយាកាស
ដ៏សប្បាយ រីករាយ ខំប្រឹងប្រែងដាំដុះ ​អនុវត្តវិទ្យាសាស្ត្រ  បច្ចេកវិទ្យា អភិវឌ្ឍន៍ កសិកម្មលើគ្រប់វិស័យ។ »

          ពិធីបុណ្យ ច្រត់ព្រះនង្គ័ល នាសព្វថ្ងៃ មិនគ្រាន់តែបន្តពង្រឹងនិងពង្រីក ​ចំណុច លក្ខណះប្រពៃណីប៉ុណ្ណោះទេ ថែមទាំងអប់រំជំនាន់កូនចៅបន្តការបោះជំហានរបស់
ជីដូនជីតា កសាងស្រុកកំណើត ទឹកដីកាន់តែស្អាត ​សម្បូររុងរឿង។

          រួមជាមួយបរិយាកាសនិទាឃរដូវរបស់ដី មេឃ ពិធីបុណ្យ ច្រត់ព្រះនង្គ័ល​បាន នាំមកស្មារតីថ្មី ឬទ្ធានុភាពធ្វើពលកម្មថ្មី ដើម្បីប្រជាជនខេត្ត Ha Nam រួមជាមួយ
ប្រជាជន ក្នុងទូទាំងប្រទេស រួមដៃកសាងមាតុប្រទេស កាន់តែស្អាតជាង  សម្បូររុង រឿងជាង អនុវត្តចលនាកសាងជនបទថ្មីប្រកបដោយជោគជ័យ៕