ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໊ງ ກ່າວຄຳເຫັນທີ່ພິທີ (ພາບ: VGP)

ຕອນຄ່ຳວັນທີ 5 ມິຖຸນາ, ກອງທຶນວັກຊິນກັນໂຄວິດ - 19  ໄດ້ເປີດຕົວຢ່າງເປັນທາງການຢູ່ ຮ່າໂນ້ຍ ໂດຍມີການເຂົ້າຮ່ວມຂອງທ່ານນາຍົກລັດຖະມົນຕີ ຟ້າມມິງຈິ໊ງ. ພິທີເປີດຕົວເພື່ອແນໃສ່ຮຽກຮ້ອງໃຫ້ພໍ່ແມ່ປະຊາຊົນ, ນັບຮົບທັງຢູ່ພາຍໃນ ແລະ ຕ່າງປະເທດ, ບັນດາວິສາຫະກິດ, ນັກທຸລະກິດ, ບັນດາອົງການຈັດຕັ້ງ, ສ່ວນບຸກຄົນທັງຢູ່ພາຍໃນ ແລະ ຕ່າງປະເທດເຂົ້າຮ່ວມສະໜັບສະໜູນ, ບໍລິຈາກ, ໜູນຊ່ວຍໃຫ້ແກ່ກອງທຶນວັກຊິນກັນໂຄວິດ - 19 ດ້ວຍຄວາມສະໝັກໃຈ.

ກ່າວຄຳເຫັນທີ່ພິທີ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິ໊ງ ໃຫ້ຮູ້ວ່າ ໃນໄລຍະທີ່ຜ່ານມາ, ດ້ວຍການຊີ້ນຳຢ່າງຂ້ຽວຂາດຂອງພັກ, ລັດ, ຄະນະພັກທຸກຂັ້ນ, ອຳນາດການປົກຄອງທ້ອງຖິ່ນ, ການເຂົ້າຮ່ວມຂອງທັງລະບົບການເມືອງ ແລະ ການຕອບສະໜອງ, ຄວາມເຫັນດີເຫັນພ້ອມ, ຄວາມຮັບຜິດຊອບຂອງທົ່ວປວງຊົນທັງຊາດ. ຫວຽດນາມ ໄດ້ຮັບການຢັ້ງຢືນແມ່ນຈຸດພົ້ນເດັ່ນຂອງໂລກ ກ່ຽວກັບການປະຕິບັດ “ເປົ້າໝາຍຄວບຄູ່” ທັງປ້ອງກັນ, ສະກັດກັ້ນໂລກລະບາດໂຄວິດ - 19, ທັງພັດທະນາເສດຖະກິດ - ສັງຄົມ. ກ່ຽວກັບການປ້ອງກັນ, ສະກັດກັ້ນໂລກລະບາດໂຄວິດ - 19, ຫວຽດນາມ ນອນໃນກຸ່ມບັນດາປະເທດມີການຮັບມືກັບໂລກລະບາດໂຄວິດ - 19 ດີທີ່ສຸດດ້ວຍຈຳນວນຜູ້ຕິດເຊື້ອ ແລະ ເສຍຊີວິດຕຳທີ່ສຸດໃນໂລກ. ສ່ວນເສດຖະກິດ, ຫວຽດນາມ ແມ່ນໜຶ່ງໃນບັນດາປະເທດທີ່ຫາຍາກດ້ວຍການເຕີບໂຕເປັນບວກໃນໂລກ ໃນໄລຍະເກີດໂລກລະບາດໂຄວິດ - 19.

ທ່ານນາຍົກລັດຖະມົນຕີເນັ້ນໜັກວ່າ ເພື່ອນຳຊີວິດການເປັນຢູ່ຂອງປະຊາຊົນກັບຄືນສູ່ສະພາບທີ່ເປັນປົກກະຕິ, ພັກ ແລະ ລັດ ໄດ້ປະຕິບັດເປົ້າໝາຍສັກວັກຊິນໂດຍບໍ່ເສຍຄ່າໃຫ້ແກ່ປະຊາຊົນໝົດທຸກຄົນ ເພື່ອແນໃສ່ບັນລຸໄດ້ການຕ້ານເຊື້ອໃນວົງຄະນະຍາດ ແລະ ສິ່ງນີ້ຕ້ອງໄດ້ຮັກສາປະຈຳປີ.

ໄລ່ຮອດຕອນແລງວັນທີ 6 ມິຖຸນາ, ກອງທຶນກັນໂຄວິດ - 19 ໄດ້ຮັບເງິນເປັນຈຳນວນ 28,6 ຕື້ ດົ່ງ ສະໜັບສະໜູນຜ່ານຂໍ້ຄວາມ. ກ່ອນໜ້ານ້ໜ, ໃນພິທີ, ກອງທອນກໍ່ໄດ້ຮັບເງິນສະໜັບສະໜູນ ແລະ ຄຳໝັ້ນສັນຍາຈະໜູນຊ່ວຍຈຳນວນເງິນ 6.600 ຕື້ດົ່ງ ຈາກບັນດາອົງການ, ວິສາຫະກິດ, ກະຊວງ, ຂະແໜງການ ແລະ ທ້ອງຖິ່ນ.