(vovworld) - ແຈ້ງການໜັງສື່ພິມເມື່ອວັນທີ 18/03, ຂອງຄະນະເລຂາອາຊຽນ ໃຫ້ຮູ້ວ່າ, ອາຊຽນ ແລະ ຈີນ ຫາກໍດຳເນີນກອງປະຊຸມຄັ້ງທີ 14 ຄະນະກຳມະການຮ່ວມມືລວມ (ACJCC) ເພື່ອແນໃສ່ພິຈາລະນາ, ຕີລາຄາການຮ່ວມມື ແລະ ບັນດາການພົວພັນລະຫວ່າງ 2 ຝ່າຍໃນຮອບເວລາໜຶ່ງປີຜ່ານມາ. ກອງປະຊຸມໄດ້ສຸມໃສ່ຕີລາຄາກ່ຽວກັບການປະຕິບັດບັນດາໂຄງການ ແລະ ການເຄື່ອນໄຫວລວມ ອາຊຽນ - ຈີນ ໃນ 3 ເສົ້າຄ້ຳ ເຊິ່ງລວມມີ ການເມືອງ - ຄວາມໝັ້ນຄົງ, ເສດຖະກິດ ແລະ ວັດທະນະທຳ - ສັງຄົມ; ປຶກສາຫາລືກ່ຽວກັບບັນດາຂໍ້ລິເລີ່ມ ແລະ ໝາກຜົນຂອງກອງປະຊຸມສຸດຍອດອາຊຽນ - ຈີນ ຄັ້ງທີ 15 ແລະ ພິຈາລະນາເຖິງການເຄື່ອນໄຫວສະເຫຼີມສະຫຼອງ 10 ປີແຫ່ງການພົວພັນຄູ່ຮ່ວມມືຍຸດທະສາດອາຊຽນ - ຈີນ. ທີ່ກອງປະຊຸມ, ຝ່າຍ ຈີນ ໃຫ້ຄຳໝັນສັນຍາຈະໜູນຊ່ວຍບັນດາໂຄງການລົງທຶນ ແລະ ການເຄື່ອນໄຫວໃນຂອບເຂດແຜນແຜນດຳເນີນງານອາຊຽນ - ຈີນ (ໄລຍະ 2011 - 2015) ແລະ ບັນດາຄວາມມານະພະຍາຍາມໃນການສ້າງປະຊາຄົມອາຊຽນ. ສ່ວນ ACJCC ໄດ້ເນັ້ນໜັກເຖິງບາງຂົງເຂດສຳຄັນເຊິ່ງທັງ 2 ຝ່າຍສາມາດເພີ່ມທະວີການຮ່ວມມືກວ່າອີກ, ໃນນັ້ນມີການຮ່ວມມືເດີນທະເລ ແລະ ເຊື່ອມຕໍ່ອາຊຽນ.