ທ່ານ ຫງວຽນກວາງເຢືອງ
ເລຂາຄະນະພັກ ກຸ່ມບັນດາອົງການສູນກາງ
(vovworld) - ຕອນເຊົ້າວັນທີ 19/7, ຢູ່ ຮ່າໂນ້ຍ, ອົງຄະນະພັກກຸ່ມບັນດາອົງການສູນກາງຈັດຕັ້ງ ກອງປະຊຸມຄັ້ງທີ 4 ປະເມີນການປະຕິບັດງານ ແລະ ວຽກງານກວດກາ, ຕິດຕາມກວດກາ, ການປະຕິບັດວິໄນພັກໃນ 6 ເດືອນຕົ້ນປີ, ຜັນຂະຫຍາຍໜ້າທີ່ໃນ 6 ເດືອນທ້າຍປີ 2016 ຂອງອົງຄະນະພັກກຸ່ມ. ກ່າວຄວາມເຫັນທີ່ກອງປະຊຸມ, ທ່ານ ຫງວຽນກວາງເຢືອງ, ເລຂາຄະນະພັກ ກຸ່ມບັນດາອົງການສູນກາງ, ຖືວ່າ: ໃນໄລຍະຈະມາເຖິງ, ສະພາບສາກົນມີການປ່ຽນຫັນປ່ຽນຫຼາຍຢ່າງ, ສືບຕໍ່ມີຜົນສະທ້ອນເຖິງເສດຖະກິດພາຍໃນປະເທດ. ດັ່ງນັ້ນຮຽກຮ້ອງໃຫ້ອົງຄະນະພັກກຸ່ມ ຕ້ອງມີບັນດາມາດຕະການຮັບມືຢ່າງທັນການ. ໃນໜ້າທີ່ການເມືອງ, ຈຳເປັນຕ້ອງມີຄວາມເປັນເອກະພາບກັນກ່ຽວກັບຄວາມຮັບຮູ້, ປະຕິບັດບັນດາມະຕິຂອງພັກ. ເປັນເຈົ້າການສົມທົບກັບບັນດາອົງການ, ຫົວໜ່ວຍ ຊອກຫາບັນດາມາດຕະການທີ່ມີປະສິດທິຜົນ ເພື່ອແກ້ໄຂບັນດາບັນຫາເຄັ່ງຮ້ອນ, ສຸມໃສ່ພັດທະນາເສດຖະກິດສັງຄົມ. ເພີ່ມທະວີວຽກງານກວດກາ, ຕິດຕາມກວດກາ, ໃນນັ້ນເອົາໃຈໃສ່ເປັນພິເສດເຖິງການປະຕິບັດບັນດາແຜນນະໂຍບາຍ, ມະຕິຂອງພັກ. ທ່ານ ຫງວຽນກວາງເຢືອງ, ເນັ້ນໜັກວ່າ:
“ເພີ່ມທະວີການກໍ່ສ້າງປັບປຸງພັກ, ຍູ້ແຮງການຕໍ່ສູ້ຕ້ານການສໍ້ລາດບັງຫຼວງ, ການຟຸມເຟືອຍ, ອາດຍາສິດ. ເດັດດ່ຽວຕໍ່ສູ້ປົກປັກຮັກສາເອກະລາດ, ອະທິປະໄຕ, ເອກະພາບ ແລະ ຜືນແຜ່ນດິນອັນຄົບຖ້ວນຂອງປະເທດຊາດ. ພ້ອມທັງເລືອກເຟັ້ນບັນດາເນື້ອໃນທີ່ເໝາະສົມກັບລັກສະນະພິເສດຂອງບັນດາອົງການຈັດຕັ້ງ, ຫົວໜ່ວຍ, ປະກາດໃຊ້ບັນດາມະຕິຫົວເລື່ອງສະເພາະ ເພື່ອບັນຊາພະນັກງານສະມາຊິກພັກເອົາໃຈໃສ່ເຖິງການປ່ຽນໃໝ່ ກ່ຽວກັບວຽກງານການເມືອງ, ແນວຄິດ ເພື່ອສ້າງຄວາມເຫັນດີເຫັນພ້ອມສູງໃນພັກ.“