ທ່ານຫົວໜ້າຄະນະໂຄສະນາສຶກສາສູນກາງດິງເທຮິງ
(ພາບ: vietbao.vn)
(vovworld)- ວັນທີ 12/3, ຢູ່ຮ່າໂນ້ຍ, ສະພາທິດສະດີສູນກາງໄດ້ຈັດກອງປະຊຸມຄັ້ງທີ 7 ເພື່ອປຶກສາຫາລືໝາກຜົນວຽກງານປີ 2012 ແລະ ປຶກສາຫາລືທິດທາງ, ໜ້າທີ່ປີ 2013; ປະກອບຄຳເຫັນໃສ່ຮ່າງລັດຖະທຳມະນູນປີ 1992 ສະບັບປັບປຸງ.
ກ່າວຄຳເຫັນໄຂກອງປະຊຸມ, ທ່ານດິງເທຮິງ ກຳມະການກົມການເມືອງ, ເລຂາສູນກາງພັກ, ຫົວໜ້າຄະນະໂຄສະນາສຶກສາສູນກາງ ໄດ້ສະເໜີວ່າ: ດ້ວຍພາລະໜ້າທີ່ຂອງສະພາທິດສະດີສູນກາງ, ບັນດາສະມາຊິກສະພາໄດ້ປະກອບຄຳເຫັນເຂົ້າໃນເນື້ອໃນທັງໝົດຂອງຮ່າງລັດຖະທຳມະນູນປີ 1992 ສະບັບປັບປຸງ ພ້ອມທັງສຸມໃສ່ເຮັດແຈ້ງດ້ານທິດສະດີ ແລະ ພຶດຕິກຳຕົວຈິງບັນດາບັນຫາພື້ນຖານຄື: ອະທິປະໄຕປະຊາຊົນໃນການສ້າງລັດຖະທຳມະນູນ; ບົດບາດຊີ້ນຳຂອງພັກກອມມູນິດຫວຽດນາມ; ອົງການຈັດຕັ້ງສິດອຳນາດແຫ່ງລັດ; ການກຳນົດສິດກຳມະສິດທົ່ວປວງຊົນກ່ຽວກັບທີ່ດິນ, ການກຳນົດກ່ຽວກັບສະພາແຫ່ງຊາດ; ກ່ຽວກັບການເລືອກຕັ້ງ, ກ່ຽວກັບທາດແທ້ ແລະ ໜ້າທີ່ການເມືອງຂອງກຳລັງປະກອບອາວຸດ; ກ່ຽວກັບຂັ້ນຕອນການປັບປຸງລັດຖະທຳມະນູນ ແລະ ບາງບັນຫາສຳຄັນອື່ນໆ. ບັນດາສະມາຊິກສະພາສຸມໃສ່ປະກອບຄຳເຫັນເລິກເຊິ່ງກ່ຽວກັບບັນດາເນື້ອໃນທັງໝົດໃນຮ່າງລັດຖະທຳມະນູນປີ 1992 ສະບັບປັບປຸງ, ເຫັນດີເປັນເອກະສັນ ແລະ ວິເຄາະເຮັດແຈ້ງທິດສະດີກ່ຽວກັບບັນດາບັນຫາໃຫ່ຍ, ສຳຄັນຍິ່ງຍົກອອກໃນຮ່າງລັດຖະທຳມະນູນປີ 1992 ສະບັບປັບປຸງ.