ກອງປະຊຸມປະຈຳປີຄັ້ງທີ 21 ລະຫວ່າງ ຄະນະຜູ້ແທນຊາຍແດນ ຫວຽດນາມ - ລາວ
ໃນວັນທີ 24 ແລະ 25 ທັນວາ ປີ 2011, ຢູ່ນະຄອນ ຮ່າໂນ້ຍ ໄດ້ຈັດໃຫ້ມີກອງປະຊຸມປະຈຳປີຄັ້ງທີ 21 ລະຫວ່າງຄະນະຜູ້ແທນຊາຍແດນ ຫວຽດນາມ - ລາວ. 2 ຝ່າຍໄດ້ສຸມໃສ່ປຶກສາຫາຫຼື ແລະ ເປັນເອກະພາບນຳກັນກ່ຽວກັບທິດທາງຮ່ວມມືໃນໄລຍະທີ່ຈະມາເຖິງ, ພິເສດແມ່ນໃນວຽກງານຄຸ້ມຄອງການໄປມາຜ່ານຊາຍແດນ, ສ້າງເງື່ອນໄຂສະດວກໃຫ້ແກ່ການພັດທະນາເສດຖະກິດການຄ້າໃນເຂດຊາຍແດນ, ໄກ້ໄຂບັນຫາ ປຊຊ ອົບພະຍົບແບບເສລີ ແລະ ແຕ່ງງານໂດຍບໍ່ມີການຈົດທະບຽນສົມລົດໃນເຂດຊາຍແດນຂອງ 2 ປະເທດ. 2 ຝ່າຍໃຫ້ຄຳໝັ້ນສັນຍາຈະຍູ້ໄວລະດັບປະຕິບັດໂຄງການປັກຫຼັກມາຍຖີ່ ແລະ ບຸລະນະລະບົບຫຼັກໝາຍຊາຍແດນແຫ່ງຊາດລະຫວ່າງ ຫວຽດນາມ - ລາວ ເພື່ອຮັບປະກັນສຳເລັດວຽກງານປັກຫຼັກໝາຍໃນພື້ນທີ່ຕົວຈິງໃນປີ 2012, ຜັນຂະຫຍາຍການສ້າງອານຸສັນຍາຮັບຮູ້ຜົນງານວຽກງານປັກຫຼັກໝາຍຊາຍແດນເທື່ອລະກ້າວ ເພື່ອສິ້ນສຸດໂຄງການໃນປີ 2014 ໃຫ້ຖືກຕາມການຊີ້ນຳຂອງການນຳຂັ້ງສູງ 2 ປະເທດ. 2 ຝ່າຍໄດ້ເຫັນດີສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 35 ປີ ແຫ່ງວັນເຊັນສົນທິສັນຍາກຳນົດເຂດຊາຍແດນແຫ່ງຊາດລະຫວ່າງ ຫວຽດນາມ - ລາວ ( ຄືວັນທີ 18 ກໍລະກົດ 1977 - 18 ກໍລະກົດ 2012 ) .