(vovworld) - ໃນລະຫວ່າງວັນທີ 11 – 14/12, ຢູ່ຮ່າໂນ້ຍ, ຈະດຳເນີນກອງປະຊຸມໃຫຍ່ຜູ້ແທນທົ່ວປະເທດຄະນະຊາມໜຸ່ມກອມມູນິດໂຮ່ຈິມິນຄັ້ງທີ 10 (ອາຍຸການ 2012 - 2017) ກ້ວຍຫົວຂ້ໍວ່າ “ຄວາມໄຝ່ຝັນຂອງໄວໜຸ່ມ”. ນີ້ແມ່ນຂ່າວເຊິ່ງຄະນະເລຂາສູນກາງຊາວໜຸ່ມກອມມູນິດໂຮ່ຈິມິນ ຍົກອອກມາທີ່ກອງປະຊຸມຂ່າວແນະນຳກ່ຽວກັບກອງປະຊຸມໃຫຍ່ຄັ້ງນີ້. ກອງປະຊຸມໃຫຍ່ແມ່ນສະແດງຄວາມຕັດສິນໃຈດ້ານການເມືອງຂອງໄວໜຸ່ມຫວຽດນາມ ໃນໄລຍະໃໝ່, ພະຍາຍາມອອກແຮງບື່ນຕົວຂຶ້ນ, ຜ່ານຜ່າທຸກຄວາມຫຍຸ້ງຍາກ, ສິ່ງທະທ້າຍ, ມີຄວາມໝັ້ນໃຈຮັບບົດບາດເປັນເຈົ້າຂອງການສ້າງສາ ແລະ ປົກປັກຮັກສາປະເທດຊາດ. ທີ່ການປະຊຸມຂ່າວ, ທ່ານ ຫງວຽນດັກວິງ (Nguyen Dac Vinh) ເລຂາທີ 1 ຄະນະບໍລິຫານງານສູນກາງຊາວໜຸ່ມກອມມູນິດໂຮ່ຈິມິນຊຸດທີ 9, ໃຫ້ຮູ້ວ່າ.
“ພວກຂ້າພະເຈົ້າປາດຖະໜາວ່າ ບັນດາສະມາຊິກ, ຊາວໜຸ່ມລ້ວນແຕ່ມີຄວາມໄຝ່ຝັນກາຍເປັນພົນລະເມືອງທີ່ມີຜົນປະໂຫຍດຂອງປະເທດຫວຽດນາມ, ຈະມີເງື່ອນໄຂດີທີ່ສຸດເພື່ອອຸທິດສ່ວນໃຫ້ແກ່ປະເທດຊາດ ຈາກທີ່ຕັ້ງບົດບາດຂອງຕົນ. ພວກຂ້າພະເຈົ້າມີຄວາມຄິດວ່າ ຢາກກາຍເປັນພົນລະເມືອງທີ່ມີຜົນປະໂຫຍດ, ສະມາຊິກຊາວໜຸ່ມລ້ວນແຕ່ມານະພະຍາຍາມໃນການຮໍ່າຮຽນ ແລະ ຝຶກຝົນຫຼໍ່ຫຼອມ, ຕ້ອງເປັນຜູ້ທີ່ມີລະດັບຄວາມຮູ້, ມີສີມືການຊ່າງ, ມີຄຸນສົມບັດ, ຄຸນທາດດ້ານການເມືອງ, ຕ້ອງເຮັດຄືແນວນັ້ນຈຶ່ງກາຍເປັນບັນດາພົນລະເມືອງທີ່ດີໃນໂລກທີ່ເຊື່ອມຍົງປະຈຸບັນ, ຊ່ວຍໃຫ້ປະເທດຫວຽດນາມ ບັນລຸໄດ້ຈຸດໝາຍຫັນປະເທດຊາດເປັນອຸດສາຫະກຳ ແລະ ທັນສະໄໝ.”