ກອງປະຊຸມໃຫຍ່ທົ່ວປະເທດສະມາຄົມໃຫຍ່ຊາວຫວຽດນາມອາໄສຢູ່ລາວອາຍຸການ 2015-2019
ມິງບິ່ງ, ນັກຂ່າວ VOV ປະຈຳລາວ -  
(ກອງປະຊຸມໃຫຍ່ທົ່ວປະເທດສະມາຄົມໃຫຍ່
ຊາວຫວຽດນາມອາໄສຢູ່ລາວອາຍຸການ 2015-2019)
(vovworld) - ຕອນເຊົ້າວັນທີ 20/7, ຢູ່ນະຄອນຫຼວງວຽງຈັນ ໄດ້ດຳເນີນກອງປະຊຸມໃຫຍ່ທົ່ວປະເທດສະມາຄົມໃຫຍ່ຊາວຫວຽດນາມ ອາໄສຢູ່ລາວ ຄັ້ງທີ 2 ອາຍຸການ 2015-2019. ບົດລາຍງານທີ່ກອງປະຊຸມໃຫຍ່ໃຫ້ຮູ້ວ່າ: ສະມາຄົມໃຫຍ່ຊາວຫວຽດນາມ ອາໄສຢູ່ລາວ ໄດ້ຮັບການສ້າງຕັ້ງເມື່ອວັນທີ 19/8/2009. ນີ້ແມ່ນອົງການການນຳສູງສຸດຂອງປະຊາຄົມໃຫຍ່ຊາວຫວຽດນາມ ອາໄສຢູ່ລາວ; ແມ່ນສະມາຊິກຂອງແນວລາວສ້າງ ຊາດ. ນັບແຕ່ວັນສ້າງຕັ້ງ, ສະມາຄົມໄດ້ມີຄວາມມານະພະຍາຍາມຫຼາຍຢ່າງ ເພື່ອປະຕິບັດບັນດາບົດບາດໜ້າທີ່ຂອງຕົນ. ສະມາຄົມໃຫຍ່ປະຕິບັດວຽກງານໂຄສະນາເຜີຍແຜ່, ລະດົມປະຊາຄົມຊາວຫວຽດນາມ ອາໄສຢູ່ລາວ ປະຕິບັດແນວທາງ, ແຜນນະໂຍບາຍຂອງພັກ ແລະ ລັດລາວ ເປັນຢ່າງດີ; ສ້າງສະມາຄົມໃຫຍ່ຊາວຫວຽດນາມ ອາໄສຢູ່ລາວ ໃຫ້ສາມັກຄີ, ເຂັ້ມແຂງ, ອວາຍໜ້າສູ່ບ້ານເກີດເມືອງນອນ, ປະເທດຊາດ. ກອງປະຊຸມໃຫຍ່ໄດ້ເລືອກຕັ້ງຄະນະບໍລິການງານສະມາຄົມໃຫຍ່ຊາວຫວຽດນາມ ອາໄສຢູ່ລາວ ຊຸດທີ 2 ລວມມີສະມາຊິກ 23 ຄົນ. ທ່ານ ຫງວຽນຢຸຍຈຸງ, ຜູ້ຮັກສາການປະທານສະມາຄົມໃຫຍ່ຊຸດທີ 1 ໄດ້ເລືອກຕັ້ງເປັນປະທານສະມາຄົມໃຫຍ່ຊຸດທີ 2.
ມິງບິ່ງ, ນັກຂ່າວ VOV ປະຈຳລາວ