ຄະນະປະທານກອງປະຊຸມອາຊີ -
ປາເຊຟິກ FAO 31
(ພາບ: petrotimes.vn)
|
(vovworld) – ໂດຍສືບຕໍບັນດາການເຄື່ອນໄຫວໃນຂອບເຂດກອງປະຊຸມຄັ້ງທີ 31 ຂອງອົງການອາຫານ ແລະ ການກະເສດສະຫະປະຊາຊາດ (ຫຼື FAO) ພາກພື້ນ ອາຊີ - ປາເຊຟິກ, ວັນທີ 16/3, ກອງປະຊຸມໄດ້ປຶກສາຫາລືບັນດາຍຸດທະສາດ ແລະ ຮັບຮອງເອົາບັນດາມາດຕະການເພື່ອແນໃສ່ເພີ່ມທະວີການຄ້ຳປະກັນດ້ານສະບຽງອາຫານ ແລະ ລົບລ້າງຄວາມອຶດຫິວທຸກຍາກໃນພາກພື້ນ. ກ່ອນໜ້ານັ້ນ, ທີ່ການປະຊຸມຂ່າວເມືອຕອນບ່າຍວັນທີ 15/3, ທ່ານລັດຖະມົນຕີກະຊວງກະສິກຳ ແລະ ພັດທະນາຊົນນະບົດຫວຽດນາມ ກາວດຶກຟາດ ຢືນຢັນທັດສະນະຂອງລັດຖະບານຫວຽດນາມ ແມ່ນພ້ອມແລ້ວທີ່ຈະແບ່ງປັນບົດຮຽນ ແລະ ຮ່ວມມືກັບບັນດາປະເທດໃນການພັດທະນາກະສິກຳ, ຊົນນະບົດ. ດ້ວຍທ່າໄດ້ປຽບແມ່ນໜຶ່ງ ໃນບັນດາປະເທດສົ່ງອອກເຂົ້າສານອັນດັບໜຶ່ງຢູ່ພາກພື້ນອາຊີ, ໃນໄລຍະຈະມາເຖິງ, ຫວຽດນາມຈະບໍ່ຈຳກັດໂຄຕ້າການສົ່ງອອກເຂົ້າສານ:
“ເສດຖະກິດຫວຽດນາມພວມນຳໃຊ້ລະບອບກົນໄກການຕະຫຼາດ. ບັນດາຄາດໝາຍກ່ຽວກັບການສົ່ງອອກເຂົ້າສານປະຈຳປີຂອງຫວຽດນາມພຽງແຕ່ມີລັກສະນະກຳນົດທິດເພື່ອກະກຽມທຸກດ້ານທີ່ກ່ຽວຂ້ອງ, ສິ່ງດັ່ງກ່າວບໍ່ໝາຍຄວາມວ່າ: ຫວຽດນາມວາງໂຄຕ້າ ພຽງແຕ່ເພື່ອສົ່ງອອກຢູ່ໃນລະດັບນັ້ນ. ຫາກເລື່ອງສົ່ງຂາຍຫຼາຍ ຫຼື ໜ້ອຍຢູ່ຫວຽດນາມ ຫຼື ຈາກຫວຽດນາມສົ່ງອອກຕ່າງປະເທດແມ່ນຂຶ້ນກັບຄວາມຕ້ອງການຂອງຕະຫຼາດພາຍໃນ ແລະ ຕ່າງປະເທດ”
ຜູ້ຕາງໜ້າ FAO ກໍ່ເນັ້ນໜັກວ່າ: ເພື່ອຊ່ວຍໃຫ້ບັນດາປະເທດຈຳກັດບັນດາຜົນກະທົບຢ່າງຫຍໍ້ທໍ້ຂອງການປ່ຽນແປງຈາກດິນຟ້າອາກາດ ທີ່ມີຕໍການເຄື່ອນໄຫວຜະລິດທັນຍາຫານ, FAO ພວມຊຸກຍູ້ການສຳພັດໃໝ່ໃນການຜະລິດກະສິກຳ, ນຳໃຊ້ເຕັກໂນໂລຢີທີ່ມີຜົນປະໂຫຍດເພື່ອຊ່ວຍເພີ່ມທະວີການຜະລິດທັນຍາຫານຕາມທິດຍືນຍົງກ່ວາ.