ການນຳພັກ, ລັດ ມອບຂອງຂວັນບຸນເຕັດໃຫ້ບັນດາຄອບຄົວທຸກຍາກ
ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງ
ແນວໂຮມປະເທດຊາດຫວຽດນາມ, ມອບຂອງຂວັນບຸນເຕັດຢູ່ແຂວງຈ່າວິງ
(ພາບ: chinhphu.vn)
(vovworld) – ວັນທີ 12/02, ທ່ານ ຫງວຽນທ້ຽນເຍີນ, ກຳມະການກົມການເມືອງ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ໄປຢ້ຽມຢາມ, ມອບຂອງຂວັນບຸນເຕັດໃຫ້ບັນດາຄອບຄົວທຸກຍາກ ແລະ ມອບທຶນສຶກສາໃຫ້ນັກຮຽນ, ນັກສຶກສາຜ່ານຜ່າຄວາມຫຍຸ້ງຍາກຮຽນເກັ່ງແຂວງຈ່າວິງ. ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ຫວັງວ່າ, ໃນປີໃໝ່, ບັນດາຄອບຄົວທຸກຍາກຈະສືບຕໍ່ມານະພະຍາຍາມອອກແຮງງານທຳການຜະລິດ, ເພີ່ມລາຍຮັບເພື່ອປັບປຸງຊີວິດ, ບືນຕົວຂຶ້ນຫຼຸດພົ້ນອອກຈາກຄວາມທຸກຍາກ. ແລະກໍ່ໃນວັນດຽວກັນ, ທ່ານ ຫງວຽນທ້ຽນເຍີນ, ປະທານຄະນະກຳມະການສູນກາງແນວໂຮມປະເທດຊາດຫວຽດນາມ ໄດ້ໄປຢ້ຽມຢາມ, ມອບຂອງຂວັນປີໃໝ່ໃຫ້ສະມາຄົມສາມັກຄີພະສົງຮັກຊາດແຂວງຈ່າວິງ.
ແລະກໍ່ໃນວັນດຽວກັນ, ທ່ານນາງຮອງປະທານປະເທດ ຫງວຽນທິຢວານ ໄດ້ອວຍພອນປີໃໝ່ອົງຄະນະພັກ ແລະ ປະຊາຊົນແຂວງຮ່ານາມ. ທ່ານນາງຮອງປະທານປະເທດ ໃສ່ໃຈການນຳທ້ອງຖິ່ນຕ້ອງເອົາໃຈໃສ່ປະຕິບັດວຽກງານອຸປະກະລະສັງຄົມໃຫ້ດີ, ເອົາໃຈໃສ່ເຖິງບັນດາເປົ້າໝາຍນະໂຍບາຍ, ຜູ້ມີຄຸນງາມຄວາມດີ, ຄົນທຸກຍາກ, ໂດຍສະເພາະແມ່ນໃນໂອກາດບຸນເຕັດ, ຮັບປະກັນໃຫ້ບັນດາຄອບຄົວນະໂຍບາຍ, ຜູ້ມີຄຸນງາມຄວາມດີ, ຄົນທຸກຍາກໄດ້ຕ້ອນຮັບບຸນເຕັດຢ່າງມ່ວນຊື່ນ ແລະ ອົບອຸ່ນ.