(ພາບ:tintuc.vnn.vn)
(VOV)- ຕອນເຊົ້າວັນທີ 10/12, ຢູ່ວຽງຈັນ, ທ່ານເລຂາທິການໃຫ່ຍ, ປະທານປະເທດລາວ ຈູມມາລີ ໄຊຍະສອນ, ທ່ານນາຍົກລັດຖະມົນຕີລາວ ທອງສິງ ທຳມະວົງ ແລະ ທ່ານນາງປະທານສະພາແຫ່ງຊາດລາວ ປານີ ຢາທໍ່ຕູ້ ໄດ້ໃຫ້ການຕ້ອນຮັບຄະນະຜູ້ແທນຂັ້ນສູງນະຄອນຮ່າໂນ້ຍ ໂດຍທ່ານຟ້າມກວາງຫງີ້, ກຳມະການກົມການເມືອງ, ເລຂາຄະນະພັກນະຄອນຮ່າໂນ້ຍ ນຳໜ້າ ພວມຢູ່ຢ້ຽມຢາມ ແລະ ເຮັດວຽກຢູ່ລາວ ແຕ່ວັນທີ 8-12/12. ບັນດາການນຳລາວ ຢືນຢັນວ່າ: ການພົວພັນຫວຽດນາມ-ລາວ ພວມໄດ້ຮັບການພັດທະນາ ແລະ ເຂົ້າສູ່ລວງເລິກ. ນະຄອນຮ່າໂນ້ຍ ແລະ ນະຄອນວຽງຈັນ ຄວນເພີ່ມທະວີການແລກປ່ຽນຂໍ້ມູນຂ່າວສານ, ແບ່ງປັນບົດຮຽນ, ຊຸກຍູ້ການຮ່ວມມືລົງທຶນເພື່ອບັນລຸປະສິດທິຜົນຄືດັ່ງຄວາມປາດຖະໜາ, ປະກອບສ່ວນຊຸກຍູ້ສາຍພົວພັນແບບພິເສດຫວຽດນາມ-ລາວ ໃຫ້ນັບມື້ນັບພັດທະນາ.